It(em) joh(ann)es de vos als procur(eur) he(r)en mych(iel) absoloens ridders in/ p(rese)ncia heeft gekint en(de) gelijdt gehaven te hebben en(de) ontfangen/ vanden edelen en(de) moegen(de) h(er)toge willem(en) h(er)toge te gulcke/ en(de) totten berghe greve te ravensberghe hee(r) te heynsb(er)ghe/ te diest te zichen(en) (et)c(etera) en(de) dat uut handen mathijs vanden/ rode rintmeesters desselfs he(r)en in zijnen voirs(creven) lande va(n) diest/ de so(m)me van xviii rinssche gulden(en) uut saken vanden sessen/ dertich rinssche gulden(en) die de voirscr(even) h(eer) machiel jairlix ende/ erflijc heeft en(de) houden(de) es opde goede chijse rinten en(de) pachten/ des voirs(creven) h(e)rtogen v(er)cregen tegen he(r)en jacoppe wilen greve/ van salmen bescreve(n) in seke(re)n scepen(en) brieve van loeven(en) en(de)/ ande(re) dair op gemaect te twee t(er)mijne(n) te weten(e) deen helicht/ te paesschen en(de) dander helicht te bamisse en(de) dit vanden/ t(er)mijne van bamisse lestleden Bekynnen(de) hem de voirs(creven) p(ro)cur(eur)/ vanden voirs(creven) t(er)mijne en(de) allen ande(re)n voirleden(en) t(er)mijne(n) van voe(r)/ den voirs(creven) bamisse v(er)schenen volcomelijc genoech gedaen te/ zijne scelden(de) dairaf quite den voirs(creven) h(er)toge zijn goede en(de)/ rintmeester en(de) alle ande(re) des(er) quitan(cie) behoeven(de) cor(am) py(n)nock/ roelants junii xxv