Nae dien dat bijden raide vand(er) stadt henr(ick) va(n) cuyct als geva(n)gen(e)/ ter eender zijden den selven raide overgegeven heeft de reden(en) en(de)/ pointen mits den welken hij sustineerde dat jan va(n) ost als procur(eur)/ vanden chairtroisen en(de) hue(re)n adhe(re)nten ter ande(re) den selven henr(icke) voe(r)/ de costen va(n) rechte die zij geleden hadden inden gedinge voe(r) meye(r)/ en(de) scepen(en) alhier tonrechte hadden doen hachten en(de) den selven/ wae(re)n sculdich te ontslane costeloes en(de) scadeloes seggen(de) ende/ overgheven(de) de selve henr(ick) inden jersten hoe dat tselve vo(n)nisse/ bij scepen(en) inder saken tusschen hen gewesen en(de) zijnder p(ar)tien niet en/ was diffinitijf mair een vo(n)nisse int(er)locutoir en(de) een co(n)tinuacie slaen(de)/ opde diligencie niet genoech gebleken zijnde bij henr(icke) tot mechelen/ gedaen en(de) oec want tselve vo(n)nisse gheen me(n)cie en maecte dair/ hijs hem toe gedroech vanden costen als dat hij d(air)inne geco(n)da(m)pneert/ soude wesen het wae(re)n oic vele vo(n)nissen int(er)locutoire voe(r) hem en(de) tot/ zijne(n) vordeele in tijden voirleden inder selver saken gegaen nochtan/ en hadde hij zijn costen niet geeyscht noch willen eysschen totter/ diffinitiven toe seggen(de) oic hoe dat zijn wederp(ar)tie he(m) voe(r) den/ houden(de) inder vroenten egheen costen ov(er)gegeve(n) en hadde en(de)/ oic niet getaxeert en wae(re)n e(n)nige costen bijder stadt mits den/ welken zij den selven henr(icke) hadde moegen doen aentasten met/ meer reden(en) luttel oft niet dienen(de) ter ontlastingen vanden/ selven henr(icke) p(rese)nte(re)nde oft den rechte goetdochte te verbinden(e)/ zijn vijftich rinsschegulden(en) erflijc d(er) questie af es en(de) al des dien/ ae(n)cleven mach en(de) boven dien caucie juratoir en(de) al dat hij met/ zijne(n) live en(de) goeden doen mochte als dat hij dese sake tegen zijn/ wederp(ar)tie v(er)volgen soude totter uuterliker diffinitiven toe om alsdan/ te lijden(e) en(de) te voldoen(e) tghene des hem trecht d(air)af uuterlijc d(air)af/ duemen en(de) uutwijsen sal hopen(de) dat hij mits desen der hachten o(n)gehouden/ soude wesen costeloes en(de) schadeloes en(de) dat hij niet sculdich en wae(re)/ te antweerden(e) opde geexhibeerde costen van zijnre wederp(ar)tien d(air)tegen/ de procur(eur) voirs(creven) int lange oic den selven raide ov(er)gegeven heeft/ met gescrifte de contrarie reden(en) mits den welken hij sustineerde/ dat henr(ick) met zijne(n) reden(en) verdoelt was en(de) sculdich wae(re) de/ overgegeve(n) costen te diminue(re)n en(de) gehacht te bliven voe(r) de selve costen/ totter tijt hij die betaelt hadde oft ten mynsten borchtocht te stellen(e)/ den rechte genoech zijnde voe(r) de getaxeerde costen en(de) ierst op dierste/ dair henr(ick) seyde dat tvo(n)nisse tusschen hen v geweesen niet diffi/ nitijf en wae(re) mair alleene int(er)locutoir seyde de p(ro)cur(eur) voirs(creven) dat de/(con)(tra)rie(n) dairaf wair es he(m) des gedragen(de) totten selven want in ae(n)sprake/ verantweerden thoenisse (et)c(etera) de saken comen waren en(de) tvoirs(creven) vo(n)nisse/ absolucie inhielt want zijn meesters metten selven vo(n)nisse
//
en(de) hue(re) goeden ontwiselijc geabsolveert zijn in des(er) instancien/ en(de) henr(ick) v(er)doelt hem des gedragen(de) totten selven oec soe en/ conste tselve vo(n)nisse gheen int(er)locutorie gesijn want egheene int(er)/ locutorie(n) en gaen dan alleene op incidenten voe(r) de co(n)clusie vander/ saken en(de) inder saken tusschen de selve p(ar)tien bedingt wae(re) geschiet niet/ alleene aensprake en(de) verantweerden mar mair replike en(de) duplike/ getuychenissen va(n) p(ar)tien salvacien en(de) reprochen en(de) de sake in weerzijde(n)/ in tp(ri)ncipael gesloten he(m) des gedragen(de) totten rechte seggen(de) oic dat/ nae ouden onderhouden(en) en(de) costume van des(er) stadt rechte soe wa(n)neer/ een vo(n)nisse gegeven wert metten welken de verweerders en(de) hue(re)/ goeden geabsolveert werden vander aenspraken naevolgen(de) den/ voeracten inden processe beleit dat in alsulken gevalle de costen/ mits den selven processe(n) geleden sonder meer rechts oft ande(re)n vo(n)nissen/ te moeten crigen gerestitueert moeten worden van dier insta(n)cien/ behalven der wet hue(re) taxacie dair zijs hen toe gedroegen en(de) en/ consten henr(ick) oic niet gedienen dat vo(n)nisse inhiel alsoe v(er)re (et)c(etera)/ want henr(ick) verdoolt wae(re) metten selven acten die doen t(er)tijt voe(r)/ scepen(en) come(n) wae(re)n en(de) en conste hem met dien niet meer behulpen/ ten wae(re) met nyeuwen acten hem g des gedragen(de) totten rechte/ en(de) op zijn p(rese)ntacie bij he(m) gedaen en was niet te letten(e) noch/ en wae(re)n dairmede de wer verweerders nae des(er) stadt recht sculd(ich)/ te vreden te zijne mair geliefde hem caucie oft borchtocht/ te stellen(e) solve(n)t zijnde om de costen te betalen(e) soe wa(n)neer/ die getaxeert sullen wesen zij souden te vreden zijn he(m) te/ ontslane oft dat hij den diene(r) in dien hadde dat hij met/ he(m) te vreden wae(re) en(de) dat hij geloefde den selven weder inne te/ bringen(e) en(de) te leve(re)n in hachten als de costen getaxeert souden/ wesen met meer reden(en) bij hem in wederzijde gealligeert co(n)clu/ de(re)nde wair henr(ick) zijn di(mi)nucie opde costen niet en maecte/ en(de) dach dair toe niet en name dat die gehouden souden/ wesen voir gepasseert en(de) te bliven gelijc die ov(er)gegeven/ wae(re)n nae den welken de voirs(creven) stadt opde ov(er)gegeve(n) pointen/ in wederzijde gelet hebben(de) en(de) oic op tp(ri)ncipael vo(n)nisse bijden/ scepen(en) inde banck gewesen soe heeft de voirs(creven) stadt den/ voirs(creven) p(ar)tien uutgesproken en(de) get(er)mineert dat henr(ick) de costen/ bij zijnder wederp(ar)tien overgegeven sal moegen diminue(re)n oft/ hem gelieft en(de) dair toe eene(n) redeliken dach nemen en(de) soe/ v(er)re hij he(m) vander hachten begheert tontslane dat hij dat sal/ moegen doen op redelike ta caucie en(de) borchtocht die henr(ick)/ d(air)voe(r) stellen sal ter discrecie(n) vand(er) wet act(um) in (con)s(ili)[o] opidi julii xxviii
//