Nae dien dat te meer stonden bijden raide vander stadt geco(m)pareert/ es joh(ann)es vander hofstadt opdoen(de) dat inden ja(r)e van lxxviii opten sesten/ dach va(n) februario bij scepen(en) van loeven(e) zeke(re) vo(n)nissen wardden gewesen/ tusschen hem als aenlegge(r) ter eender en(de) ja(n)ne de greve verweerde(r)/ ter ande(re) begripen(de) in substancien dat de voirs(creven) jan de greve als/ mo(m)boir zijns wijfs gehouden soude zijn den voirs(creven) joh(ann)ese vand(er) hofstadt/ zijne(n) scepen(en) brief te voldoen(e) oft bewijssenisse va(n) betalingen dairaf/ te doen(e) en(de) dairnae p(ar)tien weder ter questien quamen inde banck/ voir meye(r) en(de) scepen(en) van loeven(e) om der selver saken wille dair de/ voirs(creven) greve hem vorderde seke(re) bewijssenissen te doen(e) achtervolgen(de)/ den voirs(creven) vo(n)nisse de welke de voirs(creven) vand(er) hofstadt sustineerde/ niet genoech noch op recht gefondeert te zijne soe v(er)re dat scepen(en)/ die saken stelden met hue(re)n vo(n)nisse inder stadt handen en(de) totter stadt/ termi(n)acien vanden welken den rait vand(er) stadt rapport d(air)af van/ scepen(en) hebben(de) uutspraken en(de) t(er)mineerden opden xxviii dach va(n) iunio
//
a(n)no lxxix wair de voirs(creven) jan de greve gheen claerder bewijssenisse/ en dade dan hij vo(r)e gedaen en hadde dat hij gehouden soude zijn/ betalinge vander schult te doen(e) naevolgen(de) den voirvo(n)nisse bij scepen(en)/ van loeven(e) hier op gegeven Welke sake en(de) t(er)mi(n)acie de voirs(creven) greve/ hoe wel hij nochtan uuterlijc niet en was vorsteken en(de) hadde alnoch/ moegen nairder claernisse doen in reformacien hadde betogen ende/ hadde die met ma(n)deme(n)ten bij hem geimpetreert aen den braba(n)tschen/ raidt aldair doen bescriven dair die yezeder den selven betrecken/ hadde gehangen ombeslicht en(de) alnoch hinghe sonder tot expedicien/ te co(n)nen comen in grooter vercortingen vanden rechten en(de) p(ri)vilegien/ vanden lande soe de voirs(creven) vand(er) hofstadt seyde en(de) te meer stonden/ den raide vander stadt te kynnen hadde gegeven en(de) claechlijc/ gethoent om remedie en(de) assisten(cie) van rechte te crigen dat aen he(m)/ en(de) zijnen gewijsden vo(n)nissen en(de) t(er)mi(n)acien dlantrecht en(de) de p(ri)vilegie/ vanden selven niet en wordden gebroken en(de) [mair] onderhouden te voirde(r)/ gemerct tgroot int(er)est en(de) achterdeel dat hem d(air)af gebuerde in/ dien dat hem zijn pe(n)ni(n)ge niet en mochten gebue(re)n gedragen(de)/ lxxix rinsschegulden(en) die de voirs(creven) greve voir tvoldoen vanden/ gewijsden hadde gena(m)ptiseert inder stadt wissel en(de) die voirt pete(re)n/ vanden berghe laten volghen want hij des voirs(creven) vand(er) hofstadt/ borge was bleve(n) die te restitue(re)n oft bijder reformacien wordde/ bevo(n)den datter restitucie behoirde af te geschieden(e) alse dat/ blijct bijder selver geloften en(de) borchtochten d(air)af geschiet voir scepen(en)/ van loeven(e) opten vi[te(n)] dach septe(m)br(is) a(n)no lxxix Seyde voirt de selve/ joha(n)nes nae dien dat nae begrijp vand(en) voirs(creven) p(ri)vilegien vand(en)/ lande alle saken in reformacien gelijc voe(r) betogen behoirden/ geutent en(de) beslicht te wordden(e) ten langsten by(n)nen drie mae(n)den/ nae dovergeven des hij hem gedroech totten xi[te(n)] pointe vand(er)/ lester incompst en(de) dat hierinne groot gebreck ware gevallen/ want niet alleene de voirs(creven) drie maenden en wa(r)en gepasseert/ nae tselve overgeven mair meer dan den tijt va(n) twee ja(r)en/ gemerct dat de voirs(creven) greve verborchde de costen en(de) pone/ opde reformacie staen(de) oft hij tonrechte gereformeert hadde voir/ scepen(en) van loeven(e) augusti vi a(n)no lxxix Wair bij het blijct dat/ die reformacie doen bij he(m) voirtgestelt was en(de) dat des meer/ dan twee jair leden es Soe wa(r)en schuldich zijn vo(n)nissen en(de) t(er)mi(n)acien/ hue(re)n ganck te hebben(e) te passe(re)n in gewijsde dinck en(de) de voirs(creven)/ reformacien v(er)meert en(de) dair op niet geacht te zijne En(de) aldus
//
sustineerde hij dat hem zijn pe(n)ni(n)gen in handen des voirs(creven) peters staen(de)/ volgen souden en(de) sculdich wa(r)en te volgen in dwelc de voirs(creven) peter co(n)se(n)teerde/ hem geven(de) willich en(de) bereet die overtegeven bij alsoe hij der voirs(creven)/ borchtocht quijt en(de) ontslagen mocht wesen Dwelc oic de selve peter/ te meer stonden inden eenen en(de) inden ande(re)n ernstelijc versocht heeft/ hem te moegen gebue(re)n En(de) nae dien dat bij voirgaen(de) appointeme(n)ten/ van(der) stadt de voirs(creven) greve voirmaels bescreven heeft geweest om den/ voirs(creven) joh(ann)ese bijden voirs(creven) pete(re)n te comen zien oversien de voirs(creven) pe(n)ni(n)ge/ en(de) den selven pete(re)n den borge tontlasten en(de) quijt te scelden vander/ borchtocht oft he(m) d(air)tegen te come(n) oppone(re)n voir den raide van des(er) stadt/ reden(en) te allige(re)n wair bij des billiken niet geschien en soude Soe en heeft/ de voirs(creven) greve des egheen gedaen noch en es geco(m)pareert mair heeft/ nyeuwe brieve verworven aen den cancellier en(de) raide van vele p(er)suasien/ en(de) extra vaca(n)cien en(de) uutwegen van occupacien die soe dair inne gescr(even)/ stonden de selve cancellier hadde gehadt dair bij hij tot dier tijt toe/ gheen expedicie d(air)af en hadde co(n)nen gedoen en(de) soude dairaf expedicie/ doen bynnen seke(re)n tijde doen toecomen(de) en(de) zeder lange overleden/ Ende al eest oic dat de selve greve nu onlanx leden weder alhier/ d(air)op bescreven es geweest dairtoe meer vuegen(de) en(de) hem cu(n)digen(de) dat/ de voirs(creven) vand(er) hofstadt symoene van wesenbeke te wijchmale inde/ stadt des voirs(creven) peters te borge stellen soude op dat hij alsoe zijn/ pe(n)ni(n)ge gecrigen mochte Soe en es nochtan alnoch de voirs(creven) greve/ niet geco(m)pareert mair heeft weder eene(n) nyeuwen brief verworven/ aen den voirs(creven) cancell(ie)r en(de) raide rue(re)nde weder velerhande p(er)suasien/ en(de) extra vaca(n)cien luttel ter materien dienen(de) en(de) hoewel oick d(air)inne/ uuterlijc begrepen stont h(ier)af expedicie te doen(e) by(n)nen xiiii nachten/ doen naestcomen(de) vervolgen(de) die expireerden omtr(int) den iersten dage/ des(er) maent nove(m)br(is) Soe en heeft nochtan allen desen niet tegenstaen(de)/ de selve joh(ann)es noch niet vernomen va(n) e(n)niger expedicien wes vervolge/ hij hier o(m)me heeft co(n)nen gedoen oft wat toeseggen(e) d(air)af zijn gebuert/ oetmoedelijc bidden(de) en(de) van gode en(de) rechts wegen zee(r) strangelijc/ versueken(de) dat hem recht h(ier)inne mocht gebue(re)n en(de) sulken assisten(cien) dat/ hij arm man die d(air)o(m)me bijster was gewordden en(de) meer verle d(air)o(m)me/ verlet en(de) v(er)volcht hadde en(de) achterdeels geleden dan hij d(air)af baten genoets/ en(de) prouffijts mocht crigen tot eene(n) ynde mocht comen en(de) niet/ lange(r) zijnder pe(n)ni(n)gen derven En(de) aldus desen ae(n)gesien oic voir oogen/ geleet de voirs(creven) vo(n)nisse t(er)mi(n)acien tseer lang overgaen vand(en) tijde by(n)nen/ den welken de reformacie soude moegen geschien nae slants p(ri)vilegie(n)/ en(de) nochtan niet geschiet en es hoe wel oic met brieve(n) vander ca(n)celrien/ te meer stonden tijden genoempt zijn dat die gedaen souden hebben/ gewordden die al overgegaen zijn sonder dairaf een ynde te maken
//
en(de) dat oic de selve greve gheenssins te desen twee bescriven(en) geco(m)pareert/ en es oft procur(eur) gesonden en heeft reden(en) allige(re)n wair bij billix de voirs(creven)/ overleveri(n)ge opden voirs(creven) ande(re)n borge te weten(e) symoen(e) va(n) wesenbeke/ niet geschien en soude Ende dat de voirs(creven) joh(ann)es van overtaldicheyden/ de voirs(creven) borchtocht heeft gep(rese)nteert en(de) op al dit en(de) des ter materien/ voirde(r) mocht dienen rijpelijc gelet hebben(de) heeft den raidt vander/ stadt in notabelen getale met vollen gevolge get(er)mineert en(de) uut/ gesproken soe wa(n)neer de voirs(creven) vand(er) hofstadt en(de) met hem de voirs(creven)/ symoen va(n) wesenbeke renu(n)cie(re)nde in desen der p(ri)vilegien en(de) vrijdich(eyt)/ vander universiteyt va(n) loeven(e) en(de) alle ande(re) vrijdich(eiden) en(de) bezunder en(de)/ besunder de voirs(creven) symoen der vriheyt vand(er) porterien va(n) bruessel gelooft/ sullen hebben voir scepen(en) van loeven(e) ongesundert en(de) o(n)verscheyden en(de)/ oic elc hue(re)r een voir al der stadt va(n) loeven(e) en(de) eene(n)yegeliken anders inne/ te stane vand(en) overleveri(n)gen der voirs(creven) pe(n)ni(n)gen en(de) oic de selve pe(n)ni(n)ge/ tallen tijden als zij oft e(n)nich van hen des versocht sal oft sullen wordden/ te restitue(re)n en(de) weder te leve(re)n opder stadt wissel totten rechte dat/ dan den selven vander hofstadt de voirs(creven) pe(n)ni(n)ge sullen volgen en(de)/ bijden voirs(creven) pete(re)n overgelevert wordden En(de) dan sal de voirs(creven)/ peter vand(en) selven pe(n)ni(n)gen en(de) der borchtocht voirs(creven) bij he(m) gedaen/ geheelijc quijt zijn en(de) ontslagen En(de) alsoe es voirts bevolen ende/ overdragen gea(n)nicheleert te werden(e) alsulken gelofte als de voirs(creven)/ peter voirtijts gedaen heeft det(er)mi(n)at(um) p(rese)ntib[(us)] ambob[(us)] burg(imagistris) roelofs/ py(n)noc hoelair scab(inis) et q(uam) plurib[(us)] aliis de consilio nove(m)br(is) ix