It(em) gorijs de fuyck in p(rese)ncia heeft gehuert en(de) bekint gehuert te/ hebben(e) tegen barbelen va(n) muysen(e) weduwe roelofs wilen va(n) deurne/ met consente willems van berlair meyers te cu(m)ptich nut(er)tijt huers/ wettichs mans en(de) mo(m)boirs de ca(m)me metten toebehoirten geheeten/ de veele buten der hoolstraetporten gelegen opten hoec vanden pleyne/ aldair te houden te hebben en(de) te besitten metten brougerecke d(air)toe/ behoiren(de) van sint jansmisse lestleden eene(n) t(er)mijn va(n) sess ja(r)en lang/ due(re)nde elx jairs dae(re)nbynnen om en(de) voe(r) xviii rijders te xxvi stuv(er)s/ tstuck drie pl(a)c(ken) voir den stuver half te kersmisse en(de) half s(in)[t] jansmisse/ te betalen(e) quol(ibet) ass(ecutu)[m] en(de) oft hij telken t(er)mijne niet en betaelde/ dat hij dan ter manissen der voirs(creven) gehuysschen altijt soude moeten/ borgen stellen voir de betalinge vand(en) gevallen(en) rinten ende es vorw(er)de/ dat elc der voirs(creven) p(ar)tien zijn gebruyc sal moegen hebben inde porte/ tusschen de voirs(creven) ca(m)me gelegen en(de) dander huys d(air)naest gelegen dwelc/ de voirs(creven) gehuysschen te henweert behouden en(de) dat zij oic den hof/ achter de ca(m)me te gelike gebruyken selen It(em) es noch vorweerde/ dat de voirs(creven) gorijs alle de gereetscap totter brouwerien behoiren(de) sal/ aldair moeten laten soe hij dat nu ae(n)veert en(de) gelijc de cedullen d(air)af/ gemaect d(air)af elc der voirs(creven) p(ar)tien eene heeft dat inhouden behalve(n)/ hem zijn gebruyc den tijt voirs(creven) dueren(de) cor(am) buetsele hoelair oct(obris) xxix