Nae dien dat op heden comen zijn bijden raide vander stadt/ zeghe(r) va(n) hoelbeke als man en(de) mo(m)boir kerstijne(n) van buedeghem/ ter eender en(de) jacoppe vander eycken ter ande(r) zijden aengaen(de)/ zeke(re) differe(n)cien die de selve zeger alnoch uutstaen(de) hadde tegen/ den selven jacoppe als procur(ator) (christ)iaens meys zijns brueders van/ zeke(re)n lijfrinten d(air)van zij tegen malcande(re)n te libbeke en(de) inde(n) raide/ va(n) braba(n)t gestaen hadden in questien als vanden payme(n)ten van/ hondert rinsschegulden(en) en(de) xxxv dair van zijs met vrienden vander/ selver lijfpensien bij (christ)iane op seke(re) pande te libbeke bekint ov(er)comen/ zijn en(de) vanden v(er)loepe van xi jae(re)n coste en(de) co(m)me(r) en(de) vande(n) p(ri)ncipale/ inder maten gelijc dat bijden selven vrienden die dair bij wae(re)n/ bijder stad gedragen es geweest aldair de selve jacop begheerde/ seke(re) lange dagen om dese pe(n)ni(n)gen te betalen(e) d(air)van zij overcomen/ wae(re)n dair toe hij seke(re) reden(en) alligeerde en(de) oick sustineerde dat/ alsulken certificacie als de selve zeger dair exhibeerde vand(en) leven(de)/ vanden live dair de rinten op gestaen hadden bij scepen(en) va(n) bornhem/ gesegelt niet genoech en was mits dien dat de selve zeger geseyt/ soude hebben ten tijde vanden overcomen(e) dat beyde de liven noch leefden/ dwelc men niet en beva(n)t he(m) des gedragen(de) totten getuygenisse/ vanden ghenen die dair bij geweest hadden hopen(de) dat hem de/ pe(n)ni(n)gen voirs(creven) niet volgen en souden hij en soude ande(re) certificacie/ doen blijken dair tegen de voirs(creven) zege(r) sustineerde de co(n)trarie als/ dat die nae recht genoech wae(re) en(de) oick dat hem zijn pe(n)ni(n)ge(n)/ volgen souden int geheele sonder lange(re)n dach te gheven(e) es den/ selven p(ar)tien nae dien dat zijs vanden payme(n)ten en(de) dagen te/ setten(e) ter stadt wert in wederzijde bleven zijn geappointeert ende/ uutgesproken en(de) ierst aengaen(de) der certificacien vanden live voirs(creven)/ dat die den rechte genoech es ten zij dat jacop wille doen blijken/ dat tselve lijf d(air)van inde certificacie me(n)cie gemaect wort staen(de)
//
inden pri(n)cipalen lijftochtbrief aflivich wae(re) dwelck hem geres(er)veert/ wert ten coste va(n) ongelike en(de) aengaen(de) den payme(n)ten vand(en) betali(n)gen/ vand(en) xxxv en(de) hondert rinsschegulden(en) es geappointeert dat de voirs(creven)/ xxxv rinsschegulden(en) volgen selen den selven zege(re)n terstont en(de)/ dande(r) hondert sal de voirs(creven) jacop betalen te drie malen va(n) vijf/ maenden in vijf maenden en(de) drie weken o(m)begrepen nae den iersten/ valdach ingaen(de) van heden in vijf maenden dierste payme(n)t en(de)/ dair van den selven zege(re)n goede vestich(eit) doen voe(r) de voirs(creven) hondert/ rinsschegulden(en) den rechte genoech zijnde en(de) oft hij dierste/ payment liet overgaen dat dan al gevallen soude zijn en(de) des sal/ de selve zeger alle brieve(n) en(de) munime(n)ten en(de) oec den p(ri)ncipalen/ lijftochtbrief alhier leggen onder de wet om die den voirs(creven) jacoppe/ inden name als bove(n) te volgen(e) als de voirs(creven) zege(r) va(n) al betaelt/ sal wesen in co(n)silio opidi julii xx