SAL7375, Akte: V°93.2 (213 van 1099)
Akte V°93.2
Act
Datum: 1481-09-27
Transcriptie
2019-12-19 door Dieter TaillieuVanden questien en(de) geschillen opverstaen tusschen hubrechte janss(one)/
stadhelde(r) inden name vand(en) scoutheyt der heerlich(eit) van loon ter/
eender zijden en(de) ja(n)ne van zonne s(in)[te] pet(er)sman te loeven(e) ter ande(re) zijden/
van zeke(re)n kue(re)n en(de) brueken die de voirs(creven) hubeert inden name als voe(r)/
den voirg(enoemde) s(in)[te] pet(er)sman eysschen(de) es en(de) allen eysschen die hij te hemweert/
te doen mach hebben tot desen daghe toe hebben hen de voirs(creven) p(ar)tien/
gesubmitteert en(de) verbonden in segge(re)n en(de) vriendelike yeffene(re)n te weten(e)/
de voirs(creven) stadhelde(r) in willem(me) van haestricht bastart en(de) ja(n)ne he(n)ricxsone/
en(de) de voirs(creven) s(in)[te] pet(er)sman in beertra(m)me die bont en(de) pete(re)n nauwen/
in sulker vuegen dat de voirs(creven) p(ar)tien de voirs(creven) segge(re)n informe(re)n sullen/
van hue(re)n geschillen en(de) die informacie hebben(de) hue(r) eendrachtige uut/
sprake d(air)af doen op dat zijs eens wordden oft anders nemen hanssen van/
wilde(re) tot eene(n) overman die zijn uutsprake d(air)af doen soude al by(n)nen eender/
maent naestcomen(de) p(ro)mitt(entes) rat(um) en(de) oft e(n)niger p(ar)tien segge(r) gebrake ande(r)/
in die stadt te moegen nemen cor(am) buetsele thenis sept(embris) xxvii
Nagekeken door: Lieve Van Hoestenberghe , Jos Jonckheer
Moderator: Lieve Van Hoestenberghe
Laatste update:: 2017-01-25 door Xavier Delacourt