Nae dien dat op heden voir meye(r) en(de) scepen(en) inde banc te / kynnen heeft doen gheven arnt creecman woenen(de) opde groeve/ hoe dat de meye(r) va(n) heverle hem ontvremt hadde een p(er)t hem/ toebehoiren(de) uut sijne(n) stalle oft huyse dwelc hij als poirte(r) metter/ stadt brieve(n) versocht hadde weder te hebben(e) soe dat nae der/ stadt recht behoirt en(de) costumelijc es en(de) ongepraemt te zijne/ en(de) den selve(n) meye(r) den ghenen die hem yet eysschen(de) soude/ moegen zijn alhier dach bescheyden metten selve(n) brieve(n) op heden/ als op eene(n) geco(n)tinueerden daghe den welken hem oick bijder/ stadt gep(re)figeert was aldair zij geweest hadden hopen(de) dat hem/ dat alsoe gebue(re)n soude te weten(e) de voirs(creven) restitucie in alsoe/ v(er)re zijn p(ar)tie niet en co(m)pareerde p(rese)nte(re)nde altijt te rechte te staen(e)/ tegen eene(n) yegeliken van desmen eysschen(de) soude moegen wesen/ aldair de wederp(ar)tie niet geco(m)pareert en is soe hebben de hee(re)n/ scepen(en) ter manissen smeyers gewesen nae den versueke des / voirs(creven) arnts dat de meye(r) sculdich sal zijn den voir arnde poirte(r)/ zijn peert te restitue(re)n costeloes en(de) scadeloes en(de) oft hij yet te/ volgen heeft oft yema(n)t anders op hem dat hij dat doen met/ rechte in sca(m)pno m(ar)cii viii