Want gielijs de roide als p(ro)cur(eur) des groots goidshuys vand(en)/ chartroisen in savoyen gelegen welck goidshuys uut crachte/ van scepen(en) brieve(n) van loeven(e) overlang gepasseert houden(de) en(de)/ besitten(de) es opde goede en(de) onderpande hier onder bescreven Eene/ rinte va(n) hondert croonen erfeliker rinten hen voir tgebreck/ der selver rinten alle de selve goede en(de) onderpande heeft/ doen leve(re)n en(de) met oepen(en) brieven van deser stadt gescreven aen/ alle officie(re)n en(de) ja(n)ne den (her)toge joese van coelhem en(de) hue(re)n wy(n)nen/ dach va(n) rechte alhier te co(m)pare(re)n oft zij tegen de voirs(creven) leveri(n)ge/ yet hadden willen allige(re)n oft de voirs(creven) scepen(en) brieve impugne(re)n
//
Tot welken dage noch oic op heden als ten verstreken(en) dage/ van rechte de voirs(creven) p(er)sonen noch nyema(n)t van hue(re)n wegen/ geco(m)pareert en zijn den voirs(creven) en(de) hee(re)n jacoppe vand(en) breyne oic/ als p(ro)cur(eur) des voirs(creven) goidshuys altijt co(m)pare(re)nde en(de) trecht voirt/ versueken(de) soe v(er)re dat scepen(en) van loeven(e) ter manissen smeyers/ nae dat hen behoirlijc heeft gebleken bij rapporte peters comelinc/ deser stadt bode de voirs(creven) leveri(n)ge bijde officie(re)n vand(en) gheeten/en(de) van oft zijne(n) stedehoude(r) torsmale en(de) den officier va(n) buedi(n)gen/ de voirs(creven) leveri(n)ge geschiet te zijne en(de) p(ar)tien dach beteekent/ te zijne gewesen hebben voir een vo(n)nisse datmen den voirs(creven)/ p(ro)cur(eur) vand(en) voirs(creven) goeden houden soude inde macht va(n) zijne(n) scepen(en)/ brieve(n) en(de) leveri(n)gen voirs(creven) alsoe v(er)re alst noch voir scepen(en) comen es/ in sca(m)pno aug(usti) xx/ Hier nae volgen de goede en(de) onderpande/ dair voe(r) me(n)cie af gemaect es/ Ierst een hof geheeten de duras met woeni(n)gen huysen hoven/ boegarden en(de) allen ande(re)n zijnen toebehoirten totten voirs(creven) hove/ behoiren(de) gelegen inde prochie va(n) buedi(n)gen/ It(em) xi zillen lants gelegen opde hegge tusschen de goede scloest(er)s/ van heyleshem en(de) de goede scloesters va(n) vlierbeke/ It(em) twee boender lants geheeten den strijdriesch gelegen aldair/ ter plaetsen geheeten hoghen tusschen de goede arnts wilen tolle(re)/ en(de) de goede mychiels vander haghen/ It(em) een boender lants gelegen bijde moelen te buedingen tusschen/ de goede wouters witteman en(de) de goede der jouffr(ouwe) coppens/ It(em) noch vijf zillen lants gelegen achter tvoirs(creven) hof tusschen de goede/ der erfgenamen jans wilen va(n) liefkenrode va(n) leeuwe ter eender/ en(de) de goede sgoidshuys van rothem/ It(em) drie zillen lants gelegen voir tvoirs(creven) hoff tusschen de goede jans/ vanden abeele va(n) buedingen en(de) de strate aldair gaen(de) te dieste weert/ It(em) twee boender lants gelegen aldair ter plaetsen geheeten buedi(n)ge/ couthe(r) tusschen de goede des voirs(creven) goidshuys va(n) heyleshem te twee zijden/ en(de) de goede des cloesters va(n) rothem/ It(em) een boender lants gelegen ter plaetsen voirs(creven) tusschen de goede/ liebrechts va(n) meldert hee(re) te buedi(n)gen en(de) de gemeynstrate aldair/ gaen(de) te diest weert/ It(em) vijf zillen lants gelegen opt velt geheeten strijdriesch neve(n) de/ strate gaen(de) te hoghen alder naest den goeden der erfgenamen jans/ wilen va(n) liefkenrode
//
It(em) twee boende(r) beempts gelegen bijde brugge va(n) buedi(n)gen/ tusschen de gemeyn strate aldair en(de) de goede vrancx ballen van/ leeuwe/ It(em) drie boende(re)n beempts gelegen in buedi(n)genbroeck tusschen/ de goede baudewijns hafponts va(n) leeuwe en(de) de goede machiels/ va(n) zurple en(de) de broecstrate/ It(em) 1(½) sille beempts geheeten hoeghde gelegen tusschen de goede/ sgoidshuys va(n) heyleshem in twee zijden/ It(em) een halve zille beempts gelegen opde gheete aldair tusschen/ de goede des voirs(creven) goidshuys van heyleshem en(de) de goede des/ voirs(creven) wouters witteman/ It(em) een zille beempts gelegen bijde plaetse geheeten hooghe tusschen/ de goede henr(ix) va(n) halle en(de) de goede gorts cloet va(n) leeuwe/ It(em) ii(½) boender beempts geheeten vierpant gelegen bij orsmale/ tusschen de goede des goidshuys va(n) sinte laureys buyten mueren/ van luydicke ter eender zijden de goede gielijs m(er)tens ter ande(re)/ de goede sheylichs gheests va(n) nederhespen ter derder en(de) de rivie(r)/ geheeten de gheete ter vierder zijden/ It(em) een boender en(de) drie zillen beempts gelegen aldair tusschen/ de goede m(er)ten m(er)tens ter eender de goede des prochiaens van/ raetshoven ter ande(re) de goede der armer va(n) orsmale ter derder/ en(de) de voirs(creven) rivie(r) geheeten de gheete ter vierder zijden/ It(em) twee boender boegarts gelegen aldair bij tcasteel va(n) orsmale/ tusschen tdorp va(n) orsmale en(de) de gemeynstrate aldair en(de) naest/ der voirs(creven) rivie(re)n geheeten de gheete It(em) twee moelen(en) deene geheeten de coremoelen en(de) dande(r)/ de slachmoelen gelegen te orsmale opde gheete aldair