Vander questien die voir den raide vander stadt comen es tusschen/ ja(n)ne va(n) ophem als mo(m)boir joha(n)nen vand(en) borre zijns wijfs gheerde/ vanden borre brueder der voirs(creven) joha(n)nen ja(n)ne rogiers en(de) bertelen/ de hane als mo(m)boir joha(n)nen rogiers zijns wijfs naeste erfgename/ soe zij seyden van marien svoochs weduwe gheerts wilen my(n)ne/ moens alle ter eender zijden en(de) henri(cke) boys hem seggen(de) actie van/ testame(n)te te hebben(e) des voirs(creven) wilen gheerts in seke(re) goede/ hem bijden selven gheerde gelaten en(de) oic dat hij henri(cke) boys voirs(creven)/ metten selven testame(n)te besorg(er) gemaect en(de) last te hebben de selve/ weduwe te houden en(de) met hem toegevuecht jan hoestoel portier/ ter ande(re) aldair de voirs(creven) erfgenamen der voirs(creven) weduwen/ tenderden dair toe dat hen als naesteleven(de) der selver sculdich/ wa(r)en te volgen de selve weduwe te voirde(r) want zij huer(er) synnen/ niet mechtich en was en(de) dat zij alsoe die nairde(r) sculdich
//
wa(r)en te volghen houden en(de) te hebben metten hue(re)n dan de voirs(creven)/ henr(ick) boys en(de) alsoe versochten zij dat hen dat mocht gebue(re)n zij/ p(rese)nteerden de goede met en(de) onder behoirliken inve(n)tar(is) taenveerden(e)/ op caucie en(de) borchtocht wordden hen de selve weduwe en(de) de selve/ goede met rechte afgewonnen d(air)af te rechte inne te stane/ en(de) restitucie te doen(e) besunder vand(en) sup(er)cresce(n)cien boven hue(r)/ nootlijke behoeften en(de) nootdorsten hopen(de) dat dat alsoe nae/ den lantrechte behoirde Dair tegen de voirs(creven) henrick boys he(m) oppone(re)nde/ exhibeerde een instrume(n)t vanden testame(n)te des voirs(creven) gheerts my(n)ne/ moens gemaect alst scheen met consente der voirs(creven) marien svoochs/ dair mede den voirs(creven) henr(ick) gemaect wa(r)en diverse goede en(de) dat/ hij de voirs(creven) marie soude houden en(de) huer besorgen huer bijleni(n)ge/ behoefte en(de) sustentacie wairbij zij sustineerden te voirde(r) oic/ want de selve henrick wa(r)e in possessien vand(er) selver marien/ en(de) hem die soe hij meynde lestwerf aenget(er)mineert was tot/ dat trecht uuterlijc dairaf soude zijn geloepen [voir tgeestelike gerichte van luydic daer hij ...echt? te rechte te stane] dat hij inde/ possessie van die te behouden bliven soude tot dat die sake ald(air)/ uuterlijck soude zijn beslicht hij p(rese)nteerde die vrouwe op/ zijns selfs cost te houden tot dat trecht d(air)af geloepen wa(r)e opdoen(de)/ oic alrehande belette en(de) feytelike voirtstellen die bijder weder/ p(ar)tien co(n)trarie van desen souden zijn geschiet dair tegen de selve/ wederp(ar)tie allige(re)nde hielt de co(n)trarie en(de) en meynde niet d(air)op/ sulken t(er)mi(n)acien als henrick alligeerde gegeven te zijne/ mair gedroechs huer totter wet dat ten lesten daghe geseecht/ was dat de goede souden wordden geinve(n)tarieert en(de) de weduwe/ soude bliven dair zij was en(de) de pe(n)ni(n)ge in jans vander borch hande(n)/ wesen(de) souden dair bliven tot op heden om dan p(ar)tien bijde(n) vollen/ raide int lange elc in zijn voirnemen gehoirt in tstuc wien/ van hen die vrouwe sculdich wa(r)e te volghen metten goeden/ dair inne gedaen te wordden des behoiren soude En(de) want zij/ ter plaetsen dair dat behoirt wouden invalide(re)n en(de) te nyeute/ doen met rechte en(de) diversen reden(en) die zij dairtoe meynden/ tallige(re)n tvoirs(creven) retestame(n)t bezunder want de voirs(creven) marie/ huer(er) synnen niet mechtich en was hadde geweest in xx/ ja(r)en oft meer noch noch en was oft en hadde geweest ten tijde/ vanden maken desselfs testame(n)ts en(de) zij als naeste erfgename/ dlantrecht voir hen hadden soe wa(r)en zij nairde(r) te houden(e)/ de voirs(creven) marie dan vreemde hopen(de) dat hem dat opde voirs(creven)
//
p(rese)ntacie van borchtochten soude gebue(re)n Es bij tusschen spreken/ en(de) onderwijse vanden hee(re)n soe vele geschiet dat elke p(ar)tie nemen/ soude twee goede mans niet suspect deen leeck vand(en) lant/ rechte hem verstaen(de) en(de) dander clerck en(de) de selve geloeven/ om tusschen dit en(de) maendach naestcomen(de) mondelinge te over/ comen en(de) te vereenigen p(ar)tien op dat zij consten oft anders/ dat p(ar)tien ten naesten daghe dair nae wedercomen souden/ bijden raide vander stadt om dairaf te doen(e) des recht wesen/ soude En(de) dat gheen vanden p(ar)tien hie(re)nbynnen e(n)nige/ nyeuwich(heit) innebringen oft yets yet va(n) monicien inhibicien/ oft anderssins atte(m)pte(re)n en sal moegen En(de) de voirs(creven) weduwe soude/ bliven alnoch sonder p(re)judijs van yema(n)ts rechte oft e(n)niger p(ar)tien dair/ inne possessie te moegen allige(re)n oft behulp dair uut te nemen(e)/ ter plaetsen dair zij es als in neutraelder hant dair toe de vrouwe/ moens diese verwaert heeft van beyden p(ar)tien te gelike alnoch/ genoempt en(de) geconsenteert es die alsoe van beyden p(ar)tien wegen/ alnoch te verwaren act(um) in co(n)silio opidi aug(usti) xxviii