Cont zij allen lieden dat nae dien hee(r) jan hee(r) tot schoe(n)hove(n)/ ridder saliger gedachten van live ter doot comen is zonder/ wettige gebuerte acht(er) te laten soe zijn come(n) ende gestaen/ in tegenwoirdich(eit) va(n) scepen(en) va(n) loven(e) h(ier)nae gescr(even) jonch(e)r/ henrick van schoenhove(n) en(de) he(r) ph(ilip)s van schoenhove(n) ridder/ gebruede(re)n des voirscr(even) he(re)n jans kynnen(de) en(de) lijden(de) dat zij/ bij tusschen spreken(e) van magen en(de) vrienden mi(n)lijck v(er)accord(er)t/ en v(er)eenicht zij(n) van allen den goeden die acht(er) bleve(n) zij(n)/ nae de doot des voirscr(even) he(re)n jans wair die geleghen/ zijn bynne(n) den lande van arschot oft zichen(en) en(de) oick va(n)/ allen den goeden ende heirlich(eiden) gelegen tot sinte steve(n)s/ woluwe en(de) al navolgende den tractate tande(re)n tijden/ gemaect tusschen wijlen jonch(e)r henr(icke) va(n) schoenhove(n) vader/ der voirscr(even) gebruede(re)n en(de) geconfirmeert bij h(er)toge ph(ilip)s/ saliger memorie(n) en(de) is vorweerde soe wat deylingen dat/ jonch(e)r henrick en(de) h(er) ph(ilip)s gedaen hebben gelijck h(ier)nae/ volgen sal dat dat is zonder p(re)judijs des voirs(creven) tractaets/ mair hebben geloeft en(de) mids desen gelove(n) altijt dat/ tractaet van weerden te houde(n) en(de) ind sijnder macht ende/ valoe(r) alsoe dat den voirs(creven) jonch(e)r henr(ick) tot zijnd(er) deylinge(n)/ gevallen is thoff van schoenhove(n) metten grave(n) en(de) den/ dijck om dat hoff gaende comen(de) met beyde den eynden/ aende brugge dair men opt hoff gaet Item noch den/ geheele heirlich(eit) ende manscape(n) alsoe wijlen hee(r) jan/ van schoenhove(n) als hee(r) tot schoenhove(n) die besadt Item/ noch dat jagen van allen den conijnen op die waranden/ van schoenhove(n) Item noch alle de rivie(re)n en(de) de wouwers/ en(de) vivers die te lancdorp gelege(n) zij(n) gelijck wijle(n) h(er)/ jan die besadt behoudelijck den wouwe(r) inden moseck/ geleg(en) die h(er) ph(ilips)e van schoenhove(n) toebehoirt soe nae/ v(er)cleert staet Item noch dat nederhoff mette(n) huyse(n) en(de)/ de huyse(n) dair dat panhuys plach te stane Item noch/ / dat block metten berghe geheeten den gheer welck/ block gelegen is voir dat panhuys over de motte opte/ zijde te ghenster bossche weert lanx den erdwech opgaen(de)/ gaende te vynckenvelde weert metten grechte(n) ende / vorlen d(aer)toe behoiren(de) en(de) anders met van den wynnende/ lande Item hem zijn noch tot zijnd(er) deylingen gevalle(n)/ vier bempden gelegen ov(er) dander zijde vander stepgrecht/ opde zijde te stade weert gaende tussche(n) de voirscr(even)/ stepgrecht en(de) der deme(re)n en(de) der grave(n) en(de) dijck/ van schoenhoven die om thof gaet tot aen en(de) teghe(n)/ dat cleyn poortken dat aen thoff va(n) schoenhove(n) staet/ met noch eene(n) cleyne(n) bempdeken(en) gelegen aenden voirs(creven)/ dijck ende aen dat bruggesken gelegen tegen tvoirscr(even)/ poortken soe voirt omgaende tusschen die donck ende/ de grave van schoenhove(n) en(de) den wech d(aer)men opt hoff/ gaet comen(de) alsoe tot aende linde en(de) op die motte om/ tvoirscr(even) panhuys en(de) al met hue(re)n houtwasse ende/ grechten opde zijde te langdorp en(de) rillair weert mette(n)/ boeg(ar)de en(de) ned(er)hove ald(aer) gelege(n) Item noch soe es he(m)/ ter deylingen gevalle(n) eene(n) bosch geheete(n) de groote/ haghe houden(de) elf boende(r) een dach(mael) en(de) xl roeden It(em)/ noch eene(n) bosch geheeten den cleyn hage houden(de) vii(½)/ boende(r) Item noch eene(n) bosch geheeten den gheynster/ bosch soe hij gelegen is houden(de) een boender ende / drie dach(mael) lxxiiii roeden Item noch eene(n) bosch geheten/ den hazenberch houden(de) drie boende(r) een dach(mael) en(de) xxxv/ roeden Item noch eene heythoeve gelegen bijde kinde(r)/ wigg(er)s houden(de) twee boende(r) en(de) een dach(mael) Item noch/ een hoeve geheete(n) de daneels hoeve houden(de) drie boende(r)/ een dach(mael) ende vijf roeden en(de) elck met opgaen(de) eyck(en)/ grechten en(de) vorlen Item noch soe zijn hem gevalle(n)/ drie lagen wijng(ar)ts houden(de) vie(re)ndeele gelege(n) opde(n)/ / dorenberch opde zijde tarschot weert Item noch soe/ is hem gevallen tvie(re)ndeel va(n) allen de chijsen nae/ inhoudt den chijsboeke van schoenhoven te weten(e) in capuyne(n)/ in stellingen in pe(n)ni(n)ghen in gelde hynnen hoende(re)n rogghe/ even(en) hoemen dat noeme(n) mach Item noch de helcht vander/ mole(n) van schoenhove(n) dat beter is dan de nege(n) mudde rogs/ erflijck die de voirs(creven) jonch(e)r henrick h(er) ph(ilips)e zijne(n) brueder/ bewijsen moet op goede pande goetgemoech zijnde en(de) jonch(e)r/ henrick moet de r(e)p(ar)acie vander mole(n) half houde(n) It(em) soe/ sal jonche(re) henrick hebbe(n) en(de) gebruycken half dmoer onder/ heyst gelegen nae inhoudt den tractate Item hij sal/ alleene hebben van duysent quareele dieme(n) erflijck heeft/ te bethekem om tonderhouden(e) en(de) te r(e)pare(re)n thoff van/ schoenhove(n) Item hem is noch ter deylinge(n) gevalle(n) de/ heerlich(eit) van houwert mett(er) nuwerode heyde(n) en(de) mette(n) wouwe(r)/ d(aer)inne gelegen metten chijse va(n) houwert en(de) nouweroede/ heyden dwelck men te leene houdt vand(en) hee(r) va(n) wi(l)sele/ uuyt welk(er) chijse de voirscr(even) henrick he(re)n ph(ilips)e zijne(n) brued(er)/ moet laten volgen de drie deelen en(de) oick de helcht vand(en)/ prouffijten [alsmen] de nouweroede heyde v(er)huert oft vanden houte/ d(aer)op staen(de) alsmen dat v(er)coopt dair voe(r) de rintmeester/ die d(aer)aff dbewint hebben sal inne staen sal Item/ jonch(e)r henrick sal setten eene(n) meyer en(de) rintmeester/ goetgenoech zijnde om he(re)n ph(ilips)e zijne(n) brued(er) te/ geloven(e) en(de) jairlijx goet te doen(e) de drie gedeelten/ vanden voirscr(even) chijnsboeke van schoenhove(n) va(n) houw(er)t/ en(de) van nuweroeden heyden Item soe is jonch(e)r henr(ick)/ noch gevallen de geheele heerlich(eit) van sinte steve(n)s/ woluwe metten chijnsse moelen(en) en(de) alle(n) zijne(n) ande(re)n/ toebehoirten In alle der manie(re)n soe wijlen he(r) jan van/ schoenhove(n) die besadt It(em) ende den voirscr(even) he(re)n ph(ilips)e van/ schoenhove(n) es gevallen tot zijnder deylingen inder forme(n) en(de)/ / manie(re)n als voe(r) des h(ier)nae volcht Inden yersten zijn he(m)/ gevalle(n) de drie gedeelten van alle(n) den chijnse van/ schoenhoven nae inhoudt des chijsboex van schoenhoven/ Item noch soe zijn hem gevallen de drie gedeelten va(n)de(n)/ chijse vah houwert en(de) vander nouweroedeheyden nae/ inhoudt des chijsboex mett(er) helcht vanden prouffijte(n) comen(de)/ vand(en) nuweroedeheyd(en) als die v(er)huert wort en(de) oick die/ helcht vand(en) houtwasse als dien houbeer is Item noch de/ helcht vand(en) molen van schoenhove(n) bove(n) de ix mudd(en) rogs/ erflijck die h(er) ph(ilip)s te voe(re)n d(aer)aen hadde die jonch(e)r he(n)r(ick)/ hem bewijsen moet op goede zeke(re) erfpande en(de) h(er) ph(ilipp)us/ moet de r(e)p(ar)acie half hulpe(n) houden gelijck jonch(e)r henr(ick)/ zijne(n) brueder Item noch soe zijn he(re)n ph(ilips)e ter deylinghen/ gevalle(n) voir zijne actie en(de) recht dat hij hadde aen thof/ van schoenhove(n) en(de) aende huysen die int ned(er)hoff staen/ en(de) oick allet recht dat hij hadde aen die huyssen daer/ tpanhuys plach te stane en(de) voirtaen alsulke(n) actie ende/ recht dat hij hadde aende heirlich(eit) te weten(e) van/ pontpe(n)ni(n)gen pertskoe(re)n va(n) manscape(n) en(de) sgheens des d(aer)af/ compt en(de) voirt voir alsulke(n) recht en(de) actie als hij soude/ moegen hebben aende waranden van conijne(n) te jagen(e) en(de)/ aende rivie(re)n ende wouwers voirscr(even) Ende heeft geloeft/ de voirscr(even) jonch(e)r henrick den voirscr(even) he(re)n ph(ilips)e van/ schoenhove(n) zijne(n) brued(er) voir hem zijn(en) oiren en(de) nacomeli(n)g(en)/ erflijck te bewijse(n) op zeke(re) goede pande(n) bynne(n) brabant geleg(en)/ goetgenoech zijnde de so(m)me van xxxi gulden(en) hollan(sch) tstuck/ te xvi stuv(er)s erflijcker rinten jairlijx vallen(de) xvii septembr(is)/ welke xxxi gulden(en) hollan(sch) der voirs(creven) jonch(e)r [henr(ick)] ende zijne/ erfgename(n) en(de) nyema(n)t anders quite(n) moege(n) met vijfhond(er)t/ gulden(en) hollan(sch) eens en(de) met volle(n) chijnsse en(de) teene(n) male/ Item den voirscr(even) he(re)n ph(ilips)e is noch gevalle(n) tot zijnder/ deylinge(n) va(n) allen de rechte en(de) actien dat hij hadde oft / / hebben mochte aen sinte steve(n)s woluwe met sgheens des/ dair toebehoirde de so(m)me va(n) xxv gulden(en) rinssche erflijck/ tstuck te xx stuv(er)s welke xxv gulden(en) rinssche de voirs(creven)/ jonch(e)r henrick bewijse(n) moet he(re)n ph(ilips)e zijne(n) brueder op goede/ zeke(re) pande bynne(n) brabant gelegen goetgenoech zijnde welke/ xxv gulden(en) rinssche de voirscr(even) jonch(e)r henrick zijn oiren/ en(de) naecomelinge(n) en(de) nyema(n)t anders quite(n) moege(n) den pe(n)ninck/ met sestienen en(de) met volle(n) chijse en(de) teene(n)male Item de/ selve jonch(e)r henrick moet den voirscr(even) he(re)n ph(ilips)e noch/ bewijse op goede zeke(re) pande oick bynne(n) brabant geleghen/ negen mudde(n) rox erflijxs pachts die oick jairlijx valle(n)/ sulle(n) ten voirscr(even) xvii[ten] dage septembr(is) ende desgelijcke/ moet hij he(re)n ph(ilips)e bewijse(n) op zekere panden als voe(r) twintich/ pair conijne(n) oft voir elck paer drie stuv(er)s erflijck zond(er) q(ui)ten/ Item is he(re)n ph(ilips)e noch gevalle(n) alle dat wynnen(de) lant met/ zijnen grechten ende vorlen opt vynckevelt gelege(n) en(de) omtrint/ eveloghe en(de) dat vrouwe(n) houtma(n)s wijng(ar)t plach te zijne/ Item soe es hem noch ter deylinge(n) gevalle(n) eene(n) bosch gehete(n)/ de mostick metten wouwe(r) d(aer)inne gelege(n) met zijne(n) vorlen/ ende grechten houden(de) xxviii boend(er) gelijck wijlen h(er) jan/ van schoenhove(n) salig(er) gedachte(n) dien te houden plach ende/ te gebruycken Item noch eene(n) bosch geheete(n) de vroente/ houdende twee boende(r) en(de) lxx roeyen Item eene(n) bosch geh(eten)/ de hofstat gehee gelegen te speelhove houden(de) een dach(mael) xx/ roeyen Item noch eene(n) bosch geheete(n) h(er) jans hoenarts hoeve/ houdende vier boende(r) en(de) lxx roeyen en(de) al met hue(re)n vorlen/ ende grechte(n) Item noch soe zijn hem t(er) deylinge(n) gevallen/ vier vie(re)ndeele wijng(ar)ts en(de) vii roeyen gelegen opde(n) dore(n)berch/ op die zijde te langdorp weert tussche(n) jonch(e)r henr(icke) zijne(n) brued(er)/ op deen zijde tarschot weert Item noch omtrint een vie(re)ndeel/ wijng(ar)ts ald(aer) gelegen geheete(n) dat gra(m)meken gelegen bove(n) opden/ / cop vanden dorenbeghe tusschen den voirs(creven) jonch(e)r he(n)r(icke)/ ende he(re)n ph(ilips)e met beyde den eynden Item noch soe/ zijn he(re)n ph(ilips)e tot zijnder deylingen gevalle(n) de bempden/ ende erve gelegen en(de) begi(n)nen(de) van aende hofstat toebehoiren(de)/ janne zairts geheeten baelgie smet buyten dat water/ poortken tarschot gaen(de) tusschen de deme(r) en(de) soe onder/ den bosch metten onvrede cooleenssle en(de) mette(n) bempdeken(en)/ dat metter mole(n) plach te stane tot aende mole(n) va(n) schoe(n)hove(n)/ gaen(de) op desside vander motte(n) ten bossche weert en(de) den wege/ ald(aer) men van arschot ter mole(n) weert gaet met allen den/ houtwasse d(aer)op staen(de) Item noch vier bempde(n) gelegen aen een/ tussche(n) de motte lanx der deme(re)n en(de) tusschen die stepgrecht/ gaen(de) lanx d(er) stepgrecht tot aenden dijck va(n) schoenhove(n) die/ omde hofgrecht gaet tot aende(n) wech die tot schoenhove(n) opde/ brugge gaet met beyde de lange savoire(n) en(de) soe voirt gaen(de)/ tot aende linde en(de) op die motte mette(n) bog(ar)de en(de) bempde/ dair delsen hout op staet tot aende mole(n) toe op beyde de/ zijden vander motten tot aende mole(n) va(n) schoenhove(n) toe en(de)/ noch een bempdken gelege(n) bezijden de mole(n) dair elssen hout/ inne staet Item noch een cleyn bempdeken geheete(n) tcalve(r)/ eeussel gelege(n) acht(er) thoff te schoenhove(n) en(de) al opde zijde/ tarschot weert met hue(re)n grechte(n) vorle(n) en houtwasse It(em)/ de stepgrecht sulle(n) gebruycken te gelijke de prouffiten de/ vors(creven) gebrued(er)s en(de) te gelijcke v(er)heffen en(de) r(e)pare(re)n Item/ h(er) ph(ilip)s sal gebruycken half dmoer te heyste nae inhout de(r)/ tractate is vorw(er)de [dat elc] vand(en) voirscr(even) gebrued(er)s betale(n) sal/ de co(m)me(re)n en(de) lasten het zij erflijck oft lijftocht gaen(de) uuyt/ zijnder deylinge(n) Item sulle(n) de voirscr(even) gebruede(re)n deen den/ ande(re)n gewege(n) en(de) geleyde(n) ov(er) zijn erve t(en) mi(n)ste schaden en(de)/ ten naeste(n) wege Is noch vorweerde bij alsoe den voirs(creven)/ gebruede(re)n afgewo(n)ne(n) worde(n) met rechte alsulk(er) xl guld(en)/ / crone(n) aenden heyligengheest van loven(e) en(de) aen he(re)n janne/ py(n)nock ridder dwelck int gedinge staet die zij eyssche(n) den/ goeden va(n) schoenhove(n) dat zij die half en(de) half sullen/ betale(n) en(de) ten gelijken coste v(er)volgen alsoet bego(n)nen is/ bijden tijde wilen he(re)n jans va(n) schoenhove(n) en(de) he(re)n ph(ilip)s/ ende desgelijcke oick vand(en) vijf cro(nen) erflijck die pet(er) de/ sceymake(r) jairlijx eysschende is opde goede va(n) schoenhove(n) Es/ noch vorweerde en(de) hebbe(n) geloeft de voirs(creven) gebruede(re)n bij/ alsoe yema(n)t anders wie hij wae(r) e(n)nigen co(m)mer eysschen(de)/ wae(r) opde goed(en) va(n) schoenhove(n) oft va(n) woluwe dat/ gelijcke hant te hulpe(n) v(er)antweerd(en) en(de) ten gelijcken costen/ Ende bevonde men e(n)nige goede oft rinte(n) die wijlen/ jonch(e)r henr(ick) van schoenhove(n) vader de voirs(creven) gebruede(re)n/ vercrege(n) hadde en(de) inde deylinge niet genoempt en zijn/ soe v(er)re die gelege(n) zij(n) te langdorp oft te messelbroeck/ soe soude h(er) ph(ilip)s d(aer)aff hebben de drie gedeelte(n) ende/ jonch(e)r henr(ick) tvie(re)ndeel hanc q(u)[o](que) et sat(is) alt(era) alte(ri)/ prout cor(am) nausnyde(re) tants septembr(is) xvii