Want gheert van beetze als geleyt nae des(er) stat voir zijn/ wettich gebreck tot allen den goeden beyde have en(de) erve henrix/ wilen van beetze zijns vaders soe wair die gelege(n) oft bevo(n)d(en) sele(n)/ worden hem oft alle de selve goede heeft doe(n) leve(re)n met/ brieve(n) gescreve(n) aende(n) meye(re) vand(er) gheten oft zijne(n) stedehoud(er)/ en(de) dach va(n) rechte doen beteeken(en) (christ)ofele en(de) kairle(n) va(n)/ beetze die ond(er) zijne(n) bewinde woenden oft zij teghen de/ voirscr(even) leveringe yet hadden willen allige(re)n Tot welke(n)/ dage op heden dienen(de) als ten verstreken(en) daghe de selve/ p(er)sone noch niema(n)t va(n) hue(re)n wege(n) gecompareert en is/ den voirscr(even) gheerde trecht voirt versueken(de) soe v(er)re dat/ de scepen(en) van loven(e) ter manissen smeyers gewes(en) hebbe(n) voir/ een vo(n)nisse nae dat hen behoirlijck heeft gebleken bij r(e)sc(ri)pte/ des voirscr(even) meyers va(n)d(er) loven(e) ghete(n) de voirs(creven) execucie gesciet/ te zijne dat me(n) den voirscr(even) geleyde vand(en) voirs(creven) goeden/ houden soude inde macht va(n) zijne(n) beleyde scep(enen) br(ieven) en(de) levering(en)/ alsoe v(er)re alst noch voir hen come(n) is cor(am) eisd(em)