Item arnt de briede(re) al(ia)s hoevairt in p(resen)cia heeft gekint en(de)/ gelijdt voir hem zijnen erve en(de) nacomelingen dat janne/ lijsbetten ende katlijne(n) de hane wettige kinde(re) wout(er)s wile(n)/ de hane die hij hadde van katlijnen wijlen thielens sijne(n)/ wive dewelke katlijne naegetrouwet hadde den voirs(creven)/ arnde de briede(re) en(de) hue(re)n nacomelingen sculdich zijn/ ter stont te volgen(e) en(de) te erflijck te bliven de porceele(n)/ van goeden en(de) erfrinten hier nae bescreven niet tege(n)staen(de)/ dat de selve arnt dair inne mits den brieve(n) die d(aer)aff/ voirmaels gemaect moegen zijn e(n)nich recht van/ tocht oft and(er)s behouden mach hebben Inden yerste(n)/ een half dach(mael) wissel bempts pauls gelegen te rode/ inde rootsbempde int naeste boende(r) aende kinde(re) van/ wynde dijc Item noch (½) dach(mael) wisselbempt te rode/ voirscr(even) inde selve rootsbempde int vorste boender mette(n)/ eenen ynde aende donck en(de) metten ande(re)n ynde ae(n)de/ beke gehouden in erflijcken rechte vanden abt van/ p(er)cke Item twee rijd(er)s erflijck h(er)toge ph(ilip)s mu(n)te/ ae(n) en(de) op twee boender eeussels tophem ond(er) pelle(n)berch/ gelegen toebehoiren(de) yden vande male en(de) hue(re)n zone/ tusschen de goede roelofs van berthem te ii zijden ende/ de gemeynstrate aldair ter derder in erfdo(m)me gehouden/ vanden hertoghe van brabant Item eene halve/ crone te xii stuv(er)s erflijck aen zeke(re) goede oft/ huyse joes hagarts gelegen inde dorpstrate te/ loven(e) Scelden(de) alsoe de selve arnt tot behoef d(er) selver/ drie kinde(re)n en(de) hue(re)n nae(comelingen) de selve zij(n) tocht en(de) recht va(n)d(en) voirs(creven)/ goeden en(de) rinten volcomelijck q(ui)te geloven(de) hen d(aer)inne oft behoeft/ te goed(en) en(de) vestige(n) voe(r) hof en(de) he(re) d(aer)me(n) die af houden(de) es/ en(de) altijt hant en(de) mont te leene(n) om he(n) d(aer)toe te come(n) et sat(is) p(ro)ut/ hove naus(nydere) januarii xxiii