Item ter stont hier nae opde(n) selve(n) tijt en(de) uren hebbe(n)/ de voirscr(even) segg(er)s hue(r) uuytsprake gedaen eendrechtelijck/ te weten(e) inden yersten dat de voirscr(even) ydoul t(er) bet(er)niss(en)/ vanden voirscr(even) quetsue(re)n doen sal bynne(n) xl daghen/ naestcomen(de) eene(n) wech te rutchemadouwe den welk(en)/ de voirscr(even) jacop hier voirmaels gep(rese)nteeert heeft te/ willen doen Item is noch der selver segg(er)s uuytsp(ra)ke/ dat de selve jacop gehouden sal zij(n) ter maniss(en) vand(en)/ voirs(creven) vier segg(er)s te doen(e) eene bedevairt tons(er) v(rou)wen/ te vindome Item is noch der segg(er)s uuytsprake/ dat de voirscr(even) jacop ydoul gehoud(en) sal zij(n) te betalen(e)/ alle de costen en(de) lasten die uuyt saken vand(en) quetsue(re)n/ ge(re)sen en(de) gecome(n) moege(n) zij(n) en(de) d(aer)aff dandere p(ar)tie/ costeloes houden cor(am) eisdem