Want meest(er) barth(olomeus) kyp secretar(is) d(er) stat va(n) loven(e) als geleyt nae/ des(er) stat recht voir als procur(eur) d(er) wed(uwe) lodewijcx wijle(n) uut(er) helicht/ voir sijn wettich gebreck tot alle(n) den goeden have en(de) erve jans wijle(n) van daelhe(m) soe wair die gelege(n) sijn met des(er) stat br(ieve) gescreve(n)/ aenden meye(r) va(n) vilvorde(n) oft sijne(n) stadhoude(r) te nosseghem he(m)/ oft den bring(er) ons(er) voirs(creven) br(ieve) heeft doen leve(re)n alle de voirs(creven) goede/ en(de) dach va(n) r(e)chte doen bescheyde(n) ja(n)ne betten weert inde(n) wolff/ tot voscapelle oft hij he(m) d(aer) tegen hadde wille(n) oppone(re)n te weten(e)/ op hed(en) ald(aer) hij noch nyema(n)t va(n) sijne(n) wege(n) come(n) en es de/ voirs(creven) we meest(er) barth(olomeus) (com)pare(re)nde en(de) trecht voirt v(er)sueken(de) Soe/ hebben de he(re)n scep(enen) va(n) loven(e) t(er) smeyers manissen gewesen voir/ een vo(n)nisse nae dat hen behoirlijc gebleken es bij raporte cornel(is)/van reyns des(er) stat bode de voirs(creven) leveri(n)ge geschiet te sijne dat/ men den voirs(creven) procur(eur) vand(er) voirs(creven) goed(en) houd(en) soude inde macht/ va(n) sijne(n) beleyde scep(enen) br(ieve) en(de) leveri(n)ge(n) voirs(creven) also v(er)re alst noch voir/ hen come(n) es in scampno julii viii