Vanden gedinge dat geweest heeft inde banc voir meye(r)/ en(de) scepen(en) van loven(e) tusschen arnde hanckarts als momboir/ amelen couckeroul sijns wijfs en(de) marien couckeroul sust(er)/ d(er) selv(er) amelen t(er) eende(r) en(de) pete(re)n vand(er) biesen t(er) ander(er) sijden/ Aldair de voirs(creven) arnt en(de) marie deden lesen segge(n) hoe dat/ wair wae(re) dat hij arnt voirs(creven) tande(re)n tijden met sijnder/ sweghe(r) den selve(n) pete(re)n aensocht hadden dat hij tcoren/ dwelc de selve arnt hadde doen afdoen en(de) bynden des/ wel viii[c] schoeve(n) oft meer hadde geweest om wel te/ betalen(e) woude doen innevue(re)n t(er) plaetsen dair dat wel/ verwairt wae(re) en(de) dat de selve pet(er) hem doen t(er) tijt d(aer)op/ antweerde dat hij dair een huys hadde dair hijt inne/ soude doen vue(re)n en(de) dairt wel verwaert soude sijn en(de)/ den slotel te hemweert soude houden Dede voirt seggen/ dat de selve pet(er) hem zedert geseecht heeft als hij arnt/ hem nae tselve coren vraechde dat hijt sijnen cnape/ hadde doen inne vue(re)n met sijne(n) wagen(en) en(de) p(er)den bynne(n)/ sijnen platen en(de) slote en(de) selve metten live dair toe/ geholpen hadde en(de) den slotel als voe(r) te hemweert gehoude(n)/ vand(er) schue(re)n oft huyse en(de) dat wel verwaert was Dat/ voirt de selve pet(er) hem noch geseecht was heeft dat hij/ tselve heeft doen dersschen dmudde om drie st(uvers) en(de) dat hij/ nyema(n)de gheen coren en souden laten hebben hij en soude/ betailt sijn vanden innevue(re)n huyshue(re)n en(de) dorsschen(en) ende/ dat de selve arnt hem d(aer)op antweerde dat hij hem dair/ aff gelijc gaff want tcoren dair voe(r) goet genoech was/ dat hij bynne(n) sijnen platen en(de) slote hadde Dat voirt de/ selve peter hem toegeseecht heeft dat hij dat coren den/ eene(n) voir den ande(re)n niet en soude laten hebben sij en/ soudens alle eens sijn Dat voirt de selve pet(er) omtri(n)t/ viii dagen leden als hem de voirs(creven) arndt beclaechde den/ selven arnde seyde dat tcoren dair noch lach en(de) wel/ verwaert was Seggen(de) oick dat hem de voirs(creven) marie/ hadde doen beclagen en(de) dat voirt de voirs(creven) weduwe
//
couckerouls in hue(re)n leven(en) als sij hoirde dat meest(er) joes/ hue(r) sone tcoren bracht soude hebben oft dat men hem dat/ soude laten volgen en(de) oic de selve arnt den voirs(creven) pete(re)n/ beval dat hijs nyema(n)de en soude laten halen oft selve/ vue(re)n oft doen vue(re)n en(de) dat de selve pet(er) dat der/ selv(er) weduwen in p(rese)ntien van arnde dat alsoe toeseyde/ En(de) van allen desen pointe(n) soe v(er)re de voirs(creven) pet(er) die/ oft e(n)nighe van dien ontkynnen woude hoe wel de/ voirs(creven) arnt en(de) marie e(n)nige van dien wel thoenen/ souden soe zij hoepten deylden sij om d(er) cortheyt wille/ hem den selve(n) pete(re)n den eedt te geven(e) en(de) te nemen(e)/ oft selve te houden Sustine(re)nde wair hij d(aer)aff gheen/ ontscult en dorste doen en(de) zij des volquame(n) dat de/ selve pet(er) in dien gevalle gehouden soude sijn he(n)/ tselve coren oft ten mynsten hue(r) gedeelte te bewisen/ oft goet te doen(e) ind(er) plaetsen dair dat gelegen heeft/ en(de) inne gedaen es geweest om dat aldair te moege(n)/ doen halen te voirde(r) want zij p(rese)nteerden te betalen hue(r)/ advena(n)t vande(n) solar(is) vanden innevue(re)n en(de) dersschen(en)/ en(de) oic hue(r) gedeelte vand(er) huyshue(re)n Dairtegen de voirs(creven)/ pet(er) hem v(er)antweerden(de) ontkynnen(de) genoech de p(ri)ncipale/ pointe(n) p(rese)nteerde te houden bij sijne(n) wettigen eede ten/ heylige(n) dat hij alleene t(er) beden en(de) liefden vander/ wed(uwe) en(de) sond(er) gelt d(aer)aff te hebben(e) oft vorweerden/ d(aer)aff maken van innevue(re)nne dorsschen(e) oft hue(re)n van/ schue(re)n sijnen knapen hadde laten inne vue(re)n tvoirs(creven) greyn/ en(de) dat laten liggen in eene(n) van sijne(n) huysen oft plaetsen/ sond(er) d(aer)aff e(n)nigen besproken(en) loen oft toeseggen gehadt/te hebben oft vorweerde gemaict te hebben oft oick/ d(aer)aff geeyscht te hebben oft te willen hebben e(n)nigen loen/ arbeyt oft hue(r) En(de) insgelijcx dat hij d(er) voirs(creven) wed(uwe)/ oft arnde de voirs(creven) kynnissen en(de) gelufte(n) die zij hem/ gelijck voe(r) opseggen nyet gedaen en heeft sustine(re)nde/ tot sijnd(er) (con)clusien wair hij sijne(n) eedt en(de) ontscult ald(us)/ dade dat hij der aenspraken ongehouden sal sijn hem/ des gedragen(de) totte(n) rechte Op dwelc de voirs(creven) arnt ende/ marie replice(re)nde en(de) de voirs(creven) pet(er) duplice(re)nde met div(er)sen/ reden(en) elcker p(ar)tien tot huer(er) meyni(n)gen dienen(de) es gewijst/ bijden scepen(en) van loven(e) t(er) manissen smeyers soe v(er)re
//
peter den eedt doet soe hij dien gep(rese)nteert heeft ende oick/ gelijc hem dien gedeylt es dat hij dan der aenspraken/ ongehouden sal sijn In sca(m)pno p(rese)ntib(us) om(n)ib(us) scab(inis) dempt(is)/ absoloens boxhoren octobr(is) vii