Item henri bosquet sone wijlen jans wonen(de) te grave(n)/ in p(rese)ncia heeft genome(n) en(de) bekint genome(n) te hebben(e)/ va(n) daneele boxhore(n) den jonge(n) en(de) lodewijcke va(n) schoe(re)/ voir hen selve(n) en(de) als prucur(eur)s der ande(r) huer(er) mede/ erfgename(n) jouffr(ouwe) joha(n)ne(n) wijlen van grave(n) ierste/ medegeselli(n)ne wijlen jonch(e)r lyebrechts van meldert/ meeste(re)n joese couckeroul en(de) arnde hanckart als/ erfgename(n) qui(n)tens wijle(n) couckeroul Alle alsulke(n)/ wy(n)nen(de) lande bossche en(de) beempde alse gelege(n) in div(er)sen/ stucke(n) en(de) plaetsen inde p(ro)chien van capelle(n) sinte laur(eys)/ grave(n) en(de) d(aer)omtri(n)t gelijc en(de) alsoe v(er)re als jan de masit/ die aldair lestwerft vand(en) voirs(creven) wijlen jonch(e)r lyebrechte/ en(de) qui(n)ten te pachte gehoude(n) heeft voir negen mudd(en)/ corens tsjaers Te houden te hebben en(de) te gewy(n)nen/ van half m(er)te naistcomen(de) eene(n) t(er)mijn van tweelf/ jae(re)n deen dande(r) sonder middel v(er)volgen(de) elx jairs/ dae(re)nbynne(n) nae dat hij die de twee ierste jair/ d(aer)aff hij niet gheve(n) en sal gehouden sal hebbe(n)/ voirtane om en(de) voe(r) vii(½) mudd(en) core(n)s pag(abilis) cu(m)/ va(n)no me(n)su(r)e lovanien(sis) jairlijcx s(in)[te] andriesmisse/ ap(oste)ls en(de) te loeven(e) te leve(re)n Deen helicht d(aer)aff den/ voirs(creven) erfg(enamen) jouffr(ouwe) jeha(n)ne(n) voirs(creven) en(de) vand(er) ander/ helicht de iideel meest(er) joese voirs(creven) en(de) tderde deel/ vand(er) selv(er) helicht arnde voirs(creven) den voirs(creven) t(er)mijn/ due(re)nde quol(ibe)t ass(ecu)[tu(m)] Behalve(n) oft naemaels/ met rechte bevonde wordde dat e(n)nige der voirs(creven)
//
p(ar)tie(n) d(aer)inne voirde(r) oft niet soe diepe als voirs(creven) is/ gericht en wae(re) datmen dien navolgen sal des(er)/ pechtinge(n) niet tege(n)staen(de) Item sulle(n) de voirs(creven) daneel/ lodewijck meest(er) joes en(de) arndt elc voir sijn advena(n)t/ nade(n) ond(er)sceide voirs(creven) t(er)stont den voirs(creven) wy(n)ne doen/ volgen aen pete(re)n der kyesen allet tstroy dat deselve/ pet(er) ond(er)heeft en(de) gecome(n) is vand(en) vruchte(n) der voirs(creven)/ goede(n) soe v(er)re zij dat van oft aen hen met rechte/ sulle(n) conne(n) gecrige(n) in behulpe van meste opde voirs(creven)/ goede te doen(e) Ite(m) sal de voirs(creven) wynne de voirs(creven) lande/ wynne(n) werve(n) en(de) meste(n) wel en(de) loflijc sijne(n) t(er)mijn/ due(re)nde gelijc reegenoote(n) bove(n) en(de) beneden elkx arnt/ soe hij behoirt It(em) want de voirs(creven) daneel en(de) lod(ewijck)/ voir deen helicht en(de) meest(er) joes voir de twee deel/ en(de) arndt voir tderdel vand(er) and(er) helicht geleent hebbe(n)/ oft leene(n) sulle(n) den voirs(creven) wynne tot sijne(n) income(n)/ drie mudde(n) corens en(de) vijff mudde(n) even(en) der mate(n)/ va(n) loeven(e) Soe heeft gelooft de selve wynne hen/ die wed(er) te leve(re)n en(de) te restitue(re)n elkx sijn advena(n)t/ te weten(e) een mudde core(n)s en(de) een mudde even(en)/ d(aer)aff van s(in)[t] andriesmisse naistcomen(de) ov(er) twee jair/ bove(n) den pri(n)cipale(n) pachte en(de) van dien voirtane/ tallen s(in)[t] andr(iesmisse) d(aer)nae een mudde core(n)s en(de) een mudde/ even(en) d(aer)aff tot al betaelt sal sijn It(em) sal de voirs(creven) wy(n)ne/ van halfm(er)te naistcomen(de) voirtane sijne(n) t(er)mijn due(re)nde/ jairlijx bove(n) des voirs(creven) steet en(de) sonder afslach drage(n)/ en(de) betale(n) alle chise en(de) co(m)me(re)n uut(er) goede(n) gaen(de)/ alsoe in tijts dat dair bij gheen schade d(aer)op en gebue(re) en(de)/ oft(er) e(n)nige schade op gedaen wordde dat de wy(n)ne/ die tsijne(n) laste afdoen soude Ende alle dese vor/ weerde(n) (et)c(etera) cor(am) py(n)nock thenis januarii qui(n)ta