Cont zij allen [lieden] dat daneel geheten cuelens zone jans wonen(de) te stertbeke/ in tegewoirdicheiden d(er) scepen(en) van loven(e) gestaen heeft genomen en(de) bekent dat hij genomen/ heeft van janne van moerssele soen wilen jans van moerssele tgoet ter deect gelegen inde/ p(ro)chie van ov(er)yssche groet sijnde vivenvijftich buenre wy(n)nents lants oft d(aer) omtrent gelijcker/ wijs jan goetzelle als wynne die opten dach van heden vanden voirg(enoemden) janne houden(de) es en(de)/ gelijc dat alle de selve goede den voirg(enoemden) daneele cuelens ald(aer) genoech sijn bewijst metten/ wynhuysen schue(re)n en(de) stallen totten selve(n) wynhuyse behoiren(de) te houden(e) te hebben(e) te/ winnen(e) ende te besitten(e) van half meye anno lxxxii naistcomen(de) eenen t(er)mijn van/ zesse jae(re)n lanc dueren(de) deen na dande(r) sonder middel volgen(de) elcx jaers dae(re)nbynne(n) Te weten(e)/ alle de voirs(creven) wynnen(de) lande om vie(re)nvijftich mudden rox geheten pachtcoren der maten van/ loven(e) wel bereyt met wanne en(de) met vlogelen alle jae(re) t(sin)t andriesmisse des apostels vallen(de)/ en(de) te kersmisse d(aer) na volbetaelt te sijne en(de) deen derdendeel vanden selve(n) coren(en) te loven(e) en(de)/ dander derdendeel bynne(n) den voirs(creven) hove oft tot ov(er)yssche daert janne best gelieve(n) sal te leve(re)n/ en(de) dleste derdendeel in gelde te weten(e) voe(r) elc mudde lov(ens) d(aer) af viventwintich stuv(er)s oft de/ weerde d(aer) voe(r) drie placken brabants voer elken stuv(er) gerekent de voirs(creven) t(er)mijne dueren(de) en(de)/ telken t(er)mijne alse vervolchde scout Voertmeer heeft de selve daneel vande(n) voirg(enoemden) janne/ genome(n) een dachwant lants dwelc hij onlanx vercrege(n) heeft tegen wille(m)me ruelens gelege(n)/ int block vander joeskenshagen op eenen jaerlicsch(en) pacht van vie(r) mol(evaten) rox ysschers dueren(de) den/ voirs(creven) t(er)mijn en(de) altoes oic ten voirs(creven) kersmisse te betalen(e) met sulk(er) vorwairden h(ier) inne ond(er)sproeke(n)/ dat de voirs(creven) wynne ten uutgane sijns voirs(creven) t(er)mijns tvoirg(eruerde) wynnen(de) lant sculdich sal sijn te/ laten(e) inder manie(re)n hier na bescreven Te weten(e) de lande voe(r) tziechuys opt bisdomvelt en(de)/ opten wayenberch met oic den lande tot dien aerde behoiren(de) wel en(de) lovelic bedreven op/ hue(re) viere tijdege vore(n) en(de) met rogge besaeyt behoudelic dat hij e(n)nich vande(n) selven landen/ daert best sal diene(n) sal moeten laten besaeyt twee buende(r) tarwen Item de lande opt/ rot gelegen metten lande tot dien aerde behoiren(de) wel en(de) lovelic bedreve(n) op hue(re) twee/ tijdege vore(n) en(de) met evene(n) besaeyt uutgenome(n) dat hij op e(n)nich vande(n) selve(n) landen d(aer)t/ best sal dienen besaeyt sal moeten laten een buende(r) g(er)sten op drie vore(n) bedreven en(de) een/ buende(r) erwiten op twee voren Item de lande op der deect velde metten lande tot dien/ aerde behoiren(de) wel en(de) lovelic op eene vore bedreve(n) Item de voirs(creven) wynne heeft voirts/ genome(n) en(de) bekent dat hij genomen heeft de(n) voirs(creven) t(er)mijn dueren(de) dblock wynnens lants/ acht(er) tschue(re) gelegen en(de) oic een stuck wynnents lants benede(n) jans wijngaert gelegen/ om dat te wynnen(e) en(de) te bedriven(e) in recht(er) heelicht wynnen(en) alsoemen dat in p(ro)chie/ van ov(er)yssche op en(de) neder sculdich en(de) gewoenlic es van doene Dies sal jan voirs(creven) oic/ te hemweerts behouden de heelt vanden stroe d(aer) af comen(de) om walm d(aer) uut te doen/ scudden tot behoef van zijne(n) huyse(n) En(de) de voirs(creven) wynne sal die lande ten uutgane sijns/ voirs(creven) t(er)mijns sculdich sijn te laten(e) besaeyt te weten(e) dblock acht(er) tschue(re) met g(er)sten op/ sijne drie tijdege vore(n) bedreven en(de) tstuck lants beneden den wijgaert met rogge/ op sijne vie(re) tijdege vore(n) bedreven Item heeft de voirs(creven) wynne noch genome(n) ende/ bekent genomen te hebben(e) den voirs(creven) t(er)mijn dueren(de) de beempden hierna bescreven/ den voirs(creven) janne van moerssele toehoe(re)nde inde p(ro)chie van ov(er)yssche en(de) d(aer) omtre(n)t gelege(n)/ Inden yersten zesse dachwan(de) en(de) viven dertich roeden beempts gelegen bijd(er) core(n)moele(n)/ van tombeke aen de veeweyde ald(aer) Item een buender en(de) xxx roeden beempts/ gelegen onder den wayenberch opte rivie(re) geheeten de lane It(em) vive dach(wande) beempts/ in twee stucken gelegen ter stat geheeten inde vorst It(em) drie dachwan(de) beempts/ inde moerlane Item een beempdeken onder den groeten vive(re) vander deect lancx de/ vloetgrecht ald(aer) met eenen elsbroecxkene d(aer) toehoe(re)nde comen(de) beneden tskeersmakers/ viverken Item twee dachwande beempts gelegen onder den groten bogaert vander deect/ Item ende noch de heelt vanden corweyden gelegen te rosie(re)n groet int geheele omtre(n)t/ xi dachwande Elcx jaers dae(re)nbynnen alle de voirs(creven) beempden om viventwintich blau/ cronen te xl placken brabants elke crone gerekent oft de weerde d(aer) af altoes te sinte/ mertensmisse inden wint(er) te betalen(e) den voirs(creven) janne van moerssele den voirs(creven) t(er)mijn due(re)nde/ en(de) telken t(er)mijne alse vervolghde scout En(de) alle de voirscr(even) beempden sal de voirs(creven) wynne/ altijt geslipt en(de) geruympt moeten houden en(de) sal de hochten en(de) elsten d(aer) inne wesende
//
afhouden en(de) verdriven ten meeste(n) oirboe(re) ende p(ro)fijte d(er) selver beempde(n) Item een/ vorwairde dat de voirs(creven) wynne bynnen hebben sal sonder yet d(aer) af te geven(e) yerst hof/ oft huysinge mette(n) bijvange gelijc de vorwynnen dat gewoenlike gehadt en(de) gebruyct/ hebben met alle der droig(er) weyden omtrent den voirs(creven) hove vander deect gelege(n) It(em) de/ weyde vanden groeten bog(ar)de en(de) de weyde vanden bogaerde inde moerlane Item de weyde/ oft snijdinge vanden bog(ar)de acht(er) tschue(re) It(em) de voirs(creven) wynne sal oic hebben alleene doeft/ wassen(de) acht(er) tswynnen huys en(de) oic op dbloecxken voer de valveken(en) vanden hove It(em) doeft/ vanden bogaerde inde moerlane Item doeft vanden cleyne(n) bog(ar)de inde ettinge zoev(er)re den/ selven bogaert hem strect van bove(n) tot aen de grecht aldaer comen(de) aenden groeten bogaert/ met oic vie(re) reggelen [oeft] boeme(n) inden selven groeten bogaert ter zijden weerts van droetenbeke/ en(de) desgelicx oic doeft vanden boemen die aldaer aen de selve reggele(n) geset oft geplant soude(n)/ moigen werdden Item noch de heelt vanden noeten wassen(de) opten pleyn voe(r) de valveken(en)/ vanden hove en(de) oic inde ettinge en(de) de voirs(creven) jan sal d(aer) tegen hebben dander heelt vande(n)/ noeten Item de voirs(creven) wynne en sal gheen recht hebben noch gesach int doeft vanden/ groeten bogaerde beneden behalven de voirs(creven) vie(r) reggelen oeftboemen die den voirs(creven) wy(n)ne/ dair inne toebehoe(re)nde sijn noch noch oic int oeft vanden bogaerde acht(er) tschue(re) En(de) na dien/ dat die gelesen sulle(n) sijn zoe sal de wynne gehouden sijn jans oeft te vueren(e) int/ hof ter deect sonder yet d(aer) af te hebben(e) Item de wynne en sal oic gheen recht noch/ gesach hebben inden wijngaert acht(er) jans huys noch inden bogaert d(aer) aen gelegen/ alsoet d(aer) beheymt en(de) begrecht is Item de voirs(creven) wynne sal allet stroe en(de) mes dat/ vande(n) lande comen sal moeten vue(re)n opt voirs(creven) goet ten meesten p(ro)fijte vanden selve(n)/ alsoe wel opte lande veort gelegen vanden hove als bes(creven) Geliefdet oic den selven/ wynne eenige lande tov(er)mergele(n) dat sal hij moigen doen maer jan sal hem d(aer)toe/ te baten moeten geve(n) van elken buende(r) dat hij alsoe m(er)gelen sal veertich placken/ brabants gelts En(de) desgelicx geliefdet oic den wynne eenige vorlen aen de/ wynnen(de) lande staende te doen roeden dat sal hij moigen doen maer jan sal gehoude(n)/ sijn deen heelt van dien roodene te betalene en(de) de wynne sal tp(ro)fijt d(aer) af alleene/ te hemweerts trecken Item de wynne sal gehouden sijn tot sijnen afscheiden(e) de/ landen blocken bogaerden beempden en(de) weyden die hij houden(de) es wel en(de) lovelic/ beheymt en(de) begrecht te laten oic sal hij laten beheymt die grechte(n) tusschen dbosch/ vander joeskenshagen en(de) sijn lande daer aen gelegen Item de wynne zal gehouden/ sijn twee p(er)soene acht dage lanc den montcost te geven(e) jaerlicx sijne(n) t(er)mijn dueren(de)/ en(de) jan voirs(creven) de dachue(re)n [bet(alen)] die de breemen en(de) doernen die gewassen sijn oft wassen/ sullen inde weyden vanden voirs(creven) goeden jaerlicx uutroeden en(de) uuthouwen sulle(n) om dat/ de weyde d(aer)inne te bat soude moigen wassen Item de voirs(creven) wynne sal jaerlicx geve(n)/ en(de) leve(re)n int voirs(creven) hof sijne(n) voirs(creven) t(er)mijn dueren(de) ix[c] walme om de huysingen vande(n)/ voirs(creven) hove d(aer) mede toverdecken(e) en(de) alsmen dair decke(n) en(de) plecken sal zoe sal de wynne/ den montcost geve(n) en(de) jan sal de dachue(re)n betalen en(de) oftmen ald(aer) meer walme behoefde zoe sal/ de wynne dien halen inde vriheit van ov(er)yssche en(de) van dien walme te verdeckene sal de/ wynne oic den montcost geve(n) en(de) jan de dachue(re)n betalen en(de) d(aer) toe sal de wynne alle/ den cleem dieme(n) int hof behoeven sal doen steken en(de) dien halen op sijne(n) cost en(de) desgelicx/ oic dackroeden en(de) benjaerden love(re)n zoe v(er)re hij die vint opt goet wassende Oic sal de/ selve wynne de wanden vander onderst(er) richelen nederweerts op sijne(n) cost moeten houden/ sijne jaerschae(re)n dueren(de) It(em) de wynne sal den voirs(creven) janne jaerlicx moeten doen tot sijne(n)/ coste en(de) laste vier corweyde(n) met sijnen wagen(en) en(de) p(er)den het zij te loven(e) oft te bruessele/ en(de) dat met sulk(er) vracht als janne sal gelieven dae(re)nboven sal hij ja(n)ne doen als voe(r) de/ heelt vanden corweybeempden noch ds drie [gelijke] corweyden bynne(n) sijne(n) voirs(creven) t(er)mijne en(de) dat/ ten voirs(creven) plaetsen van loven(e) oft van bruessele Voertmeer sal de selve wynne den voirs(creven)/ janne jaerlicx moeten halen inde veeweyde van ov(er)yssche alle de visschen comen(de) van/ sijne(n) groeten vive(re) aldaer en(de) die vue(re)n op sijne savoe(re)n t(er) deect sonder yet d(aer) af te hebben(e)
//
It(em) de voirs(creven) wynne sal sculdich sijn altijt int voirs(creven) hof te houden(e) een cudde lijfscape(n)/ van honderden oft van meer Item desgelicx sal hij janne houden en(de) vueden altijt/ twee verkene gelijc den zijnen Item de selve wynne zal halen met zijne(n) wagen(en)/ en(de) p(er)den bynnen der p(ro)chien van ov(er)yssche alsoe vele berhouts als janne behoeven/ sal int hof t(er) deect voer sijn b(er)ringe Item de wynne sal moige(n) nemen sijn b(er)ringe/ ter minst(er) scaden gelijc wynnen sculdich sijn te doene aen thout staen(de) omtrent den/ voirs(creven) goeden die hij houden(de) is sonder op aen dopgaen(de) hout oft inde bosschen daer/ hij gheen recht aen hebben en sal En(de) oft de selve wynne met dier b(er)ringe(n) niet/ toecome(n) en conste in de redeliker wijs zoe sal jan hem elswaer berringe bewijse(n)/ op sijne ande(re) goede om d(aer) mede te passee(re)n Item de(n) wynne sullen volgen en(de) toebehoe(re)n/ alle de truncwilgen staen(de) alo(m)me opt voirs(creven) goet behoudelic dat hij d(aer) af alle jae(re) sal/ moeten planten xxv poten oft meer Item de voirs(creven) wynne sal houde(n) de weegen/ tegen jans goeden en(de) oic de scaveyde(n) zoe dat hij daer bij gheen scade en lijde Item/ de voirg(enoemde) wynne en sal gheen recht bewint noch gesach hebben in jans woenhuys/ noch int huys d(aer) de p(er)sse staet noch inden wijngaert warande visscherie bossche(n)/ beempde(n) wate(re)n vive(re)n grechten da(m)men en(de) savoe(re)n noch voerder dan hier boven/ verclaert staet en(de) als eenen wynne toebehoirt Item de voirs(creven) wynne en sal dese/ goede voirscr(even) nyeman(de) els moigen uutgeve(n) noch verpachten het en zij bij openbae(re)n/ wille en(de) consente des voirg(enoemden) jans Item van scaden van onweere van tempeeste/ oft van gemeyne(n) oirloge vanden volke van wapene(n) op datt(er) eenige gebuerde/ d(aer) af sal jan den wynne restoir doen alsoemen sculdich sal sijn te doene op en(de)/ neder En(de) alle dese voirwairden geloiften en(de) condicien boven bescreven hebben/ geloift de voirs(creven) jan en(de) de wynne malcande(re)n vast en(de) gestentich te houden ende/ volcomelic te voldoene tallen tijden en(de) t(er)mijnen als die vallen en(de) verschijnen/ sulle(n) en(de) telken t(er)mijne als vervolghde scult cor(am) hoeve(n) thenis januar(ii)/ viii