Vander questien geport voe(r) den rade vander stat tussche(n) he(n)r(icke) roelofs/ t(er) eender en(de) ja(n)ne amelrix en(de) ja(n)ne ouderogge t(er) ande(re) ald(aer) de voirscr(even)/ he(n)r(ic) dede lesen eene t(er)mi(n)acie tussche(n) hen gegeve(n) in s(in)t jans avonde/ lestleden Aengaen(de) eene(n) reste dat de voirs(creven) henr(ic) yesch navolgen(de)/ zeke(re)n rekeni(n)gen tussche(n) hen gesciet vanden bewinde dat wijle(n) her/ peter ouderogge p(ri)este(r) hue(re)r beyder zwager gehadt hadde in zijnder/ tijt va(n) zeke(re)n zijne(n) goeden te vorde(re) want de voirs(creven) geswag(er)s/ ne(m)m(er)meer en souden derven doen den eedt die hij hen ald(aer) hadde/ gedeylt mids dien dat d(aer)aff hantgescrift bleeck en(de) oick want/ inder raetcame(re)n e(n)nige waren die vander selver rekeni(n)gen genoech
//
wisten te spreken en(de) dair doen bij ware(n) Dair tegen de voirs(creven)/ gezwag(er)s hen oppone(re)nde seyden al mochten d(aer)aff wat sprak(en)/ zijn geweest en(de) sulke resten bevonden zij(n) inden bewinde/ van henrix goeden zoe ware(n) wel d(aer) tegen soe vele oft/ meer resten he(re)n pete(re)n comen(de) vanden bewinde der goede/ van henrix bruede(re)n dwelck al een bewint hadde geweest/ oick en waest gheene volcome(n) rekeni(n)ge want he(re)n pet(er)s/ loon noyt ge(re)kent noch gecort en hadde geweest Met/ meer reden(en) d(aer)toe geallig(er)t bijden welken zij en meynden niet/ te derve(n) oplegge(n) tvoirs(creven) rest Den voirs(creven) henr(icke) de (contra)rie/ houden(de) bijden voirs(creven) t(er)mi(n)acien en(de) hue(re)n prope(re)n hantgescrifte en(de)/ oick mids der ande(re) cleerniss(en) die d(aer)aff was en(de) d(aer)aff e(n)nighe/ vander stat raide die d(aer) bij hadden geweest genoech wisten te/ spreken Es uuytgesproken p(ar)tien int lange gehoirt en(de) volcome(n)/ informacie vand(en) wesen en(de) rekeni(n)gen d(aer)aff de questie was geweest/ genome(n) dat de voirscr(even) gezwag(er)s tussche(n) dit en(de) half oechst/ naestcomen(de) den voirscr(even) henr(icke) betale(n) sulle(n) va(n) zijne(n) reste dat hem/ compt navolgen(de) der voirscr(even) t(er)mi(n)acien d(aer)aen hem gecort sal word(en)/ des voirs(creven) henrix porcie van des voirscr(even) he(re)n pet(er)s sallar(is)/ vanden regime(n)te bewinde en(de) rintmeest(er)scape van zijne(n) goeden/ zoe zij des in redelich(eit) met malcande(re)n ov(er)come(n) sulle(n) oft bij/ beslichte va(n) rechte Ende hie(re)nbynne(n) sulle(n) de gezwage(re)n/ moege(n) ontbieden de bruede(re)n des voirscr(even) henrix d(aer)aen he(re)n pete(re)n/ seke(re) resten souden moege(n) come(n) om die aen hen mi(n)lijck oft bij/ rechte te moege(n) v(er)volgen en(de) d(aer)mede op datter e(n)nige bevo(n)d(en)/ worde(n) des voirs(creven) henr(ix) resten voirt te cuele(n) en(de) te v(er)vallen/ In cons(ili)[o] op(idi) p(rese)ntib(us) god(efrido) vand(en) berge sub(stitu)[to] burg(imagistro) julii xix