Nae dien henrick stuyck poirte(r) van loven(e) met brieve(n) vand(er)/ stat gescr(even) aende(n) meye(r) va(n) brayne lalloit hem hadde doen/ uutscrive(n) uut alsulker hachte(n) alse dair inne henr(ick) abeloys/ hem ald(aer) hadde doen sette(n) soe sijn de voirs(creven) p(ar)tien gecom/ par(er)t inde banc voir meye(r) en(de) scepen(en) van loven(e) aldair
//
de voirs(creven) henr(ick) abeloys doen seggen en(de) gep(rese)nteert te bewijsen/ oft he(m) ontkint wordde dat omtri(n)t s(in)[te] andriesmisse lestlede(n)/ zij p(ar)tien (com)par(er)den tegen malcande(re)n voir meye(r) en(de) scepen(en)/ tot braken eygen uut saken van seke(re)n geschillen dat sij/ underlinge hadden aengaen(de) twee mudde(n) corens erflic die/ de selve abeloys gecocht hadde tege(n) janne die sone es/ vand(er) huysvr(ouwe) des voirs(creven) henricx stuyck en(de) dat zij ald(aer)/ ov(er)q(ua)me(n) aengaen(de) den selve(n) twee mudde(n) corens als dat/ henrick stuyck den voirs(creven) abeloys volmaken soude en(de) voldoe(n)/ xlvii pet(er)s eens bynne(n) sesse weken doen naistcomen(de) en(de)/ dat de selve stuyck de selve xlvii pet(er)s geloofde voir/ wet ald(aer) te voldoen(e) en(de) oft te volmaken(e) bynne(n) den/ selve(n) vi weken en(de) oft hij des bynne(n) den selve(n) tijde niet/ en dade soe soude abeloys blive(n) in possessien d(er) voirs(creven)/ twee mudde(n) core(n)s erfl(ic) en(de) die jairlijcx vredelijc heffen/ en(de) bue(re)n als sijn p(ro)per erve en(de) dat de voirs(creven) henrick stuyck/ doende de voirs(creven) geluften en(de) maken(de) de voirs(creven) vorweerde(n)/ mette(n) voirs(creven) abeloys ger(e)nu(n)cieert hadde en(de) afgegaen was/ alle vrijdich(eit) en(de) die gedaen hadde ongepoirtert en(de) on/ gevrijdt en(de) dat de ghene dair dit al aldus voe(r) gesciedde/ dat sij sijn en(de) wae(re)n te dier tijt meye(r) en(de) scepen(en) d(er)/ voirs(creven) banck van braken eygen Hopen(de) wair hij dese pointe(n)/ gethoene(n) conste oft soe vele va(n) dien dathe(m) genoech/ zij nae recht dat dan de voirs(creven) poirte(r) en(de) dese sake/ gere(n)voyeert soude(n) wordden en(de) dat de selve poirte(r)/ hem in dit stuck mett(er) selv(er) sijnd(er) vrijh(eit) rechte niet sculd(ich)/ en soude sijn te behulpe(n) hem des gedragen(de) totte(n) rechte Dair/ tege(n) de voirs(creven) poirte(r) ontkinnen(de) p(ri)ncipalijc de voirs(creven)/ renu(n)ciatie dede seggen dat men dat alsoe ne(m)mer meer/ bevi(n)den en soude met meer reden(en) Alsoe dat de voirs(creven)/ abeloys hier op tot sijne(n) thoene gewesen sijnde thoende/ mette(n) meye(r) en(de) twee scepen(en) d(er) voirs(creven) banc yerst dat/ tdiffe(re)nt tussche(n) p(ar)tien geweest hadde voe(r) de ma(n)ne(n) van/ leene m(ijns) hee(re)n va(n) beersele te braken eygen voirs(creven) aengaen(de)/ ii mudde(n) corens erflic en(de) dat d(aer)aff een vo(n)nisse geg(even)/ was d(aer) zijs hen toe gedroege(n) dair sij myn oft meer/ toe seggen en mochten en(de) allet tghene des tvo(n)nisse
//
gewesen hadde dat geloefde henrick stuyck voir hen te/ betalen(e) te voldoen(e) en(de) te volmaken(e) bynne(n) den vi weken/ doen naistvolgen(de) En(de) van des d(aer) gedaen en(de) ov(er)come(n)/ was d(aer)aff renu(n)cieerde henrick stuyck alle vridich(eit) en(de)/ dede die ongepoirtert en(de) ongevrijdt en(de) sij sijn en(de)/ wae(re)n te dier tijt scepen(en) mair voir hen en gebuerdet niet/ als voir scepen(en) mair als voir ma(n)nen En(de) desen thoen ald(aer)/ geleyt sijnde heeft de voirs(creven) abeloys getendeert totte(n) voirs(creven)/ re(n)voye en(de) de voirs(creven) stuyck de (contra)rie sei sustin(er)de wa(n)t niet/ gebleken en was e(n)nige gelufte oft vorweerde geschiet/ oft renu(n)ciatie gedaen te sijne voir scepen(en) en(de) men van/ p(er)sonnelen actien niet dingen noch recht v(er)sueken en mach/ voir ma(n)nen van leene vele te myn dan renu(n)cie(re)n oft/ afgaen e(n)nig(er) vrijh(eit) Soe v(er)re dat scepen(en) van loven(e)/ ind(er) saken gemae(n)t gewijst hebben met vo(n)nisse dat sij p(ar)tien/ van des(er) saken renvoye(re)n ende versinden acht(er)volgen(de) d(er) voirs(creven)/ renu(n)ciatien in scampno cor(am) om(n)ib(us) scab(inis) nove(m)bris xiiii