Want wout(er) van langrode nu t(er) tijt scep meye(r) va(n) he(re)nt als/ geleyt nae des(er) stat recht voir sijn wettich gebreck uut/ crachte va(n) scepen(en) brieve(n) van loven(e) tot alle(n) den goede(n) have/ en(de) erve he(re)n robbeerts wijlen loenijs prieste(re)n en(de) m(ar)griete(n) noyens/ sijnd(er) maerte(n) soe wair die gelege(n) sijn hem met ja(n)ne lenarts/ vorste(r) de selve goede behoirl(ic) heeft doen leve(re)n en(de) d(er) voirs(creven)/ m(ar)gr(ieten) dach va(n) rechte doen besceyden inde banc voir meye(r)/ en(de) scepen(en) va(n) loven(e) ald(aer) sij niet geco(m)par(er)t en es noch p(ro)cur(eur)/ van hue(re)n wege(n) den p(ro)cur(eur) des voirs(creven) geleydde(n) (com)pare(re)nde en(de)/ trecht voirt v(er)sueken(de) Soe hebben scepen(en) van loven(e) t(er)/ manissen smeyers nae dat hen bij cleernisse(n) des voirs(creven) vorst(er)s/ behoirl(ic) gebleken hadde dat de conde ten huyse d(er) voirs(creven)/ m(ar)gr(ieten) die niet thuys en was geschiet was gewesen voir/ een vo(n)nisse soe v(er)re de wed(er)p(ar)tie vande(n) geleydden niet/ en q(ua)me ten opstane des meyers en(de) d(er) scepen(en) dat men den voirs(creven)/ geleyden vande(n) voirs(creven) goede(n) houden soude inde macht van/ sijne(n) scepen(en) brieve(n) beleyde en(de) leveri(n)gen alsoe v(er)re alst noch/ voir scepen(en) come(n) es in sca(m)pno nove(m)br(is) xiiii