It(em) henr(ick) de coste(re) mesmake(re) in p(rese)ncia heeft h v(er)claert ge/ kint en(de) geleden dat de p(or)ceelen van beruerlijcken goede(n)/ naebescreve(n) toebehoiren en(de) nae sijn doot sculdich sijn/ te volgen m(ar)griete(n) scosters sijnd(er) wettig(er) docht(er) die hij/ heeft van wijlen lijsbetten vand(er) eect sijnd(er) yerster/ huysvrouwen Te weten(e) yerst drie ku(m)mekens drie/ dobbelie(re)n een flessche van eende(er) quaerte(n) van vi l(i)b(ra)/ oft d(aer) omtri(n)t oft vi stuv(er)s d(aer)voe(r) oft eene(n) wijnpot/ welck zij liefst heeft It(em) een lavoir van ouden tijde(n)/ eene(n) eeren(en) pot die gelapt es It(em) een gelapt bedde/ En(de) gelooft d(er) selv(er) sijnd(er) docht(er) [p(ri)[(us)] ema(ncipa)[ta]] de selve p(or)ceele(n) niet/ te mynde(re)n te v(er)coope(n) noch yema(n)de and(er)s te maken(e)/ in gheend(er) wijs En(de) des heeft de voirs(creven) m(ar)griete/ p(ri)us ema(ncipa)[ta] uts(upra) en(de) mits elf pet(er)s eens die sij mits/ desen bekint ontfange(n) te hebben(e) vande(n) voirs(creven) hue(re)n/ vad(er) gelooft en(de) toegeseecht den selven hue(re)n vad(er) [dat sij he(m)] noch/ sijne(n) ande(re)n kinde(re)n oft nacomelingen ne(m)mermeer eysch/d doen noch aen te spreken [en sal] van egheene(n) ande(re)n goede(n)/ haeflijck noch erflijck Mair bekint dat huer geheelijc bij des voirs(creven) es/ voldoeni(n)ge geschiet es soe vande(n) erve huyse en(de) hove/ mette(n) toebeh(oirten) te libbeke gelege(n) d(aer)om onlancx gedinge/ en(de) questie geweest heeft inde banc te libbeke tegen ja(n)ne/ vand(er) eect oem d(er) voirs(creven) m(ar)griete(n) en(de) sijnd(er) medeplege(re)n/ soe van alle(n) ande(re)n goede(n) have en(de) erve die huer nae/ de doot des voir(creven) huers vaders toecome(n) soude(n) [sculdich] mochte(n)/ sijn toe te comen(e) alse [vande(n)] goede(n) bij vande(n) voirs(creven) henr(icke)/ en(de) sijnd(er) yerst(er) huysvr(ouwe) gecome(n) en(de) bijde(n) selve(n) henr(icke)/ nae de doot vand(er) yerst(er) sijnd(er) voirs(creven) huysvr(ouwe) v(er)crege(n)/ d(aer) inne sij i e(n)nichssins gericht soude moege(n) sijn Pro/ mitt(ens) null(atenus) alloq(ui) sed war(andizare) cor(am) liefkenrode hoeve(n)/ dece(m)br(is) xx