It(em) jan moleman briede(r) inden pollepel heeft opgedragen/ met wettig(er) v(er)thidenissen de ca(m)me geheete(n) de drie/ coni(n)gen mette(n) huyse hove uutgange acht(er) tot inde/ mu(n)tstrate cuypen ketelen vaten en(de) allen ande(re)n instrume(n)te(n)/ tott(er) selv(er) ca(m)men behoiren(de) gelijck en(de) op alle (con)dicien dis/ tinctien en(de) vorweerde(n) alsoe die meest(er) joese joes die/ in sijnd(er) deylinge(n) voirmaels met rechte gecose(n) heeft en(de)/ den selve(n) meest(ere)n joese die den xix[ten] dach des(er) maent/ april(is) lestleden in deylinge(n) voir scepen(en) van loven(e)/ vielen en(de) de selve meest(er) joes den selve(n) janne die/ doen voir scepen(en) va(n) loven(e) ov(er)goedde Behalve(n) alleene/ de geltkiste yse(re)n vuyste(r) scapree en(de) ande(re) p(or)ceelen niet/ nagelvast wesen(de) en(de) der brouwerien nyet aencleven(de)/ de welke de voirs(creven) meest(er) joes ind(er) coma(n)scap die de/ voirs(creven) jan tegen hem van desen goeden dede excipieerde/ en(de) tot hemweert r(e)serv(eer)de en(de) gelijck de selve goede/ gelegen sijn te loven(e) inde p(ro)eftstrate tussche(n) de goede/ d(er) kinde(re)n roelofs wijlen roelofs t(er) eende(r) en(de) dnyeu/ huys dair naist gelegen mette(n) hove d(air) toe gevuecht dwelc/ amelen couckerouls des voirs(creven) meest(er) joes sust(er) in deylinge(n)/ gevalle(n) es t(er) ande(re) En(de) met alle(n) den rechte dat den/ voirs(creven) janne moleman bijden voirs(creven) meest(er) joese over/ gegoedt es en(de) oic op alle de lasten van vrede oft ge/ stijpte te maken tond(er)houde(n) en(de) and(er)s die navolgen(de)/ d(er) settinge(n) meest(er) joes kuese dair op gedaen d(er) v(er)thidinge(n)/ dair uut gevolcht en(de) d(er) guedinge(n) d(air)van bijden voirs(creven)/ janne moleman ontfange(n) uut saken vand(er) voirs(creven)/ ca(m)men en(de) den toebehoirte(n) behoire(n) te gescieden Ende/ den selve(n) ja(n)ne moleman dair aff ontgoedt en(de) onterft/ sijnde sijn dair inne gegoedt en(de) gegoedt geerft/ arnt hanckart ende amele couckerouls sijn wijff p(er) mo(nitionem)/ Et sat(isfacere) d(i)c(t)us joh(ann)es moleman Et war(andizare) sub uno turonen(si)/ et illis tribus coronis hered(itarii) census te xxiiii st(uvers)
//
tstuck quos d(i)c(t)us m(a)g(iste)r judocus pristinis t(em)p(or)ib(us) ad et supra/ t(er)cia(m) p(ar)te(m) dictoru(m) bonor(um) vendidit unacu(m) kath(ar)ina quond(am)/ vanden boeg(ar)de e[(ius)] m(at)re tamq(uam) usufructuaria In welke drie/ croone(n) erflic den voirs(creven) gehuysschen te baten come(n) sall/ die eene croone erflic die de selve arnt tsijne(n) laste/ genome(n) heeft ind(er) voirs(creven) deylinge(n) oft d(air) inne de selve/ arnd geloofde den voirs(creven) meest(er) joese te bate(n) te come(n)/ die welke croone erflic zed(er) den voirs(creven) janne mole/ man bij meest(er) joese voirts te hulpen gesedt es den voirs(creven)/ drie croone(n) erflic Voir welke drie croone(n) erflic oic/ tderdel vande(n) voirs(creven) nuwen huyse d(air) naist gelege(n)/ mette(n) hove dair toe behoiren(de) en(de) van meer ande(re)n goede(n)/ mede dair voir v(er)oblig(eer)t staen dair va(n) dese selve/ goede de selve ande(re) goede los houde(n) sulle(n) moete(n)/ en(de) d(air)aff altijt ontheffen Ende voirt op thien en(de) eene(n)/ halve(n) pet(er)s erflic te liiii pl(a)c(ken) tstuck die marien couc/ keroul in huer(er) deylinge(n) toegevuecht sijn gedragen(de) tsame(n)/ dese co(m)me(re)n viii croone(n) te xxviii st(uvers) tstuck en(de) xiii st(uvers)/ te quiten al den penni(n)ck xviii behalve(n) alse die quiti(n)ge/ gebuerde van desen x(½) pet(er)s voirs(creven) dat de pe(n)ni(n)ge(n)/ va(n) dien gestelt souden moete(n) wordde(n) opte(n) wissel/ vand(er) stadt en(de) wed(er) ter gelijcker natu(r)en aengeleecht/ wordden mits den testame(n)te vanden ouders ende/ navolgen(de) d(er) t(er)mi(n)acien vand(er) stat Ende dae(re)nbove(n)/ noch op die xiiii croone(n) te xxviii st(uvers) tstuck drie/ pl(a)c(ken) p(ro) st(ufero) erflijcker rinte(n) alle ja(r)e opten xi[te(n)] dach/ april(is) te betalen(e) den voirs(creven) meest(er) joese couckeroul/ en(de) sijne(n) erve(n) ende nacomelinge(n) al mett(er) (con)dicien/ vorweerden en(de) bespreke soe die naird(er) gedistingueert/ en(de) geclaert staen ind(er) guedinge(n) des voirs(creven) jans mole/ man en(de) den p(ro)testacien ald(air) geruert tamq(uam) p(ro)ut cor(am)/ liefkenrode pynnock aprilis xxiiii