It(em) hector van vilain sone wijlen hectors van liekercke in vlaende(re)n/ die april(is) p(ri)ma a(n)no lxxxiii ond(er) sijne(n) segel bekinde dat/ alsulken finan(cien) van al acht r(inssche) gulden(en) lijfpen(sie) aen meester/ barthelmeeuse kyp secretar(is) d(er) stadt van loven(e) alse rutgheert/ vand(er) moelen en(de) willem va(n) leefdale den selve(n) meeste(re)n/ barth(elmeeuse) en(de) sijnd(er) huysvr(ouwe) voir scepen(en) va(n) loven(e) bekinde(n) april(is)/ p(ri)ma int jair voirscr(even) in des(er) came(re)n dair voe(r) de selve/ rutgheert en(de) willem den voirs(creven) meeste(re)n barthel(meeuse) pantsge/ wijse behoirl(ic) in handen stelden seke(re) juwelen begrepe(n) inde(n)/ registre ond(er) de voirs(creven) recognitie vande(n) viii r(inssche) gulden(en)/ tot sijne(n) orbe(re) in sijne(n) name en(de) van sijne(n) wege(n) geschiet/ was en(de) dat hij en(de) nyema(n)t and(er)s vand(er) selv(er) financ(ie) de/ pe(n)ni(n)gen geheelijc gehave(n) en(de) gebuert hadde en(de) dien de/ voirs(creven) juwelen soe de voirs(creven) rutgheert en(de) willem mits/ desen bekynne(n) toebehoiren In p(rese)ntia heeft gekint en(de) gelijt/ wettelijck v(er)cocht te hebben(e) janne van bolle wonen(de) in/ crane(n)borch te loven(e) alle de selve juwelen en(de) dat hij/ d(aer)aff vande(n) selve(n) ja(n)ne in gereede(n) pe(n)ni(n)gen gehave(n) heeft/ de so(m)me van xxxix st r(inssche) gul(den) vijf stuv(er)s alse voir/ dov(er)bate ov(er)ende boven de p(ri)ncipale pe(n)ni(n)gen met eene(n)/ pachte vande(n) voirs(creven) viii r(inssche) gul(den) lijfpen(sie) Consente(re)nde/ de selve hector dat de voirs(creven) jan van bolle rutgheert en(de)/ willem den voirs(creven) meeste(re)n barth(elmeeuse) d(aer) mede lossen en(de) afq(ui)ten/ de selve lijfrinte met eene(n) pachte opde ov(er)leveri(n)ge vande(n)/ lijfpen(sie)brieve te doen(e) den voirs(creven) rutgheerde en(de) willem(me)/ en(de) vande(n) voirs(creven) juwelen den voirs(creven) ja(n)ne va(n) bolle/ Geloven(de) vande(n) voirs(creven) ontfange d(er) ov(er)baten ofts noot zij tege(n)/ eene(n) gelijken inne te stane cor(am) boxhoren tybe octobr(is) xix