Want joha(n)nes vand(er) goude(n) die als p(ro)cur(eur) m(er)tens van/ oppendorp nae des(er) stat recht come(n) en(de) geleyt es uut crachte/ va(n) scepen(en) brieve(n) van loven(e) tot allen den goeden have en(de)/ erve willems wijlen va(n) ro(m)male lijsbette(n) sijns wijfs/ jans en(de) jacops wijlen maricke gebruede(re)n soe wair die/ gelegen sijn hem met brieve(n) van des(er) stat gescr(even) aende(n)/ bailliu va(n) ha(n)nut oft sijne(n) stadhoude(r) alle de selve goede/ behoirl(ic) heeft doen leve(re)n en(de) d(er) voirs(creven) lijsbette(n) en(de) den kinde(re)n/ d(er) voirs(creven) jans en(de) jacops marick en(de) hue(re)n wynne(n) dach va(n)/ rechte inde banc voir meye(r) en(de) scepen(en) van loven(e) heeft/ doen besceyde(n) ald(aer) sij noch p(ro)cur(eur) va(n) hue(re)n wege(n) niet/ ge(com)par(er)t en sijn den voirs(creven) geleyden (com)pare(re)nde en(de) trecht/ voirt versueken(de) Soe hebben scepen(en) van loven(e) t(er) ma/ nissen smeyers nae dat hen bij resc(ri)pte jans do(m)martin/ bailliu va(n) ha(n)nut behoirl(ic) hadde gebleke(n) de leveri(n)ge vand(er)/ voirs(creven) jouffr(ouwe) lijsbette(n) goede en(de) dachbesceydinge d(er) selv(er) geschiet/ te sijne gewesen met vo(n)nisse dat men den selve(n) geleyden/ vande(n) voirs(creven) goede(n) houde(n) soude inde macht va(n) sijne(n) scep(enen)/ br(ieven) voirs(creven) alsoe v(er)re alst noch voir scep(enen) come(n) es in sca(mp)no/ dece(m)br(is) ii