Nae dien dat op heden come(n) zijn bijden rade vand(er) stat joh(ann)es py(n)nock/ natuerlijck metten prochiaen ende ande(re)n kercmeest(er)s en(de) goeden ma(n)ne(n)/ van sint jacops opde biest alh(ier) ter eender ende henrick pet(er)s smet/ inde scepstrate t(er) ande(r) zijden aldair de voirscr(even) kercmeesters te/ kynne(n) gave(n) als zij oick op in maendage lestleden gedaen hadd(en)/ hoe dat alsulken cruys als zij verdingt hadden tegen de(n) voirs(creven)/ henr(icke) niet gewracht noch alsoe gemaect en wae(re) als dat/ behoirde navolgen(de) d(er) cedulle(n) en(de) come(n)scap d(aer)van geschiet Mair/ dat meer was was tselve cruys alsmen dat soude hebben gae(n)/ v(er)gulde(n) bove(n) gebroken en(de) onstucken gegae(n) en(de) bevonde(n) van/ coubrekeghen yse(r) gemaect Hopen(de) dat de voirscr(even) henr(ick) hem/ sculdich soude zijn dat opte richten(e) en(de) tvoirscr(even) cruys te/ volmaken(e) navolgen(de) der voirscr(even) cedulle(n) alsoe dat behoirde/ oft hue(re)n goeden moedt d(aer)aff te hebben(e) Dair tegen de voirs(creven)/ henr(ick) pet(er)s heeft geallig(er)t hoe dat tselve cruys en(de) werck/ gevisenteert is geweest tande(re)n tijden bijder stadmeest(er)s en(de)/ bevonde(n) alsoe hij seyt dat hij genoech gedaen soude hebben/ hopen(de) te gestane met eender visitacien Ende al wairt dat/ tvoirscr(even) cruys naederhant bij hen qualijck gehandelt wae(re)/ oft gebroken dat dat tot zijne(n) acht(er)deele niet en soude/ gerijsen mair hoepte voldaen te hebben(e) navolgende der/ come(n)scap en(de) ongehouden te zijne va(n) hue(re)n voirnemen(en)/ Seggen(de) oick al wairt soe dat de cedulle beg(ri)pen mochte/ dat hijt maken soude va(n) he(re)ndalssche(n) yse(r) soe was nochta(n)/ tverstant en(de) hem geconsenteert tselve cruys te moege(n) mak(en)/ van ande(re)n goeden taeyen yse(r) D(aer)op de voirscr(even) kercmeest(er)s/ replice(re)nde seyden datmen niet bevi(n)den en soude dat de/ voirs(creven) stadmeest(er)s de visitacie vand(en) cruyce gedae(n) hadden/ aengaen(de) den fantsoene(n) ende wercke he(n) des gedragen(de) totte(n)
//
Oick en was tcruys niet gebroken bij meshandele(n) oft quaden/ hanteringen mair brack alsme(n) tselve vander eerden opheffen/ soude ende alnoch niet v(er)re vand(er) eerden gehave(n) en was/ Bliven(de) alsoe bij hue(r) voirscr(even) (con)clusie ende bezundert want/ navolgen(de) der cedulle(n) te werckma(n)s p(ri)se niet gemaect/ en was mair bevonden als voe(r) gewracht dairt gebroken/ en(de) bove(n) onder den weerhaen van coubrekegen yser Soe is/ bijder voirscr(even) stat de voirs(creven) stadmeest(er)s h(ier)op yerst gehoirt/ zijnde bezundert op tvermet d(er) voirs(creven) kerckmeest(er)s en(de) oick/ visitacien desselfs wercx bij hen gedae(n) en(de) bevonde(n) dat tvoirs(creven)/ werck in zijn stercte niet gevisenteert en is geweest en(de) oick/ bevonden niet op recht en(de) va(n) alsulk(er) yse(r) als dat behoirde/ gewracht gehoirt oick zijnde de cedulle d(er) come(n)scap d(aer)va(n)/ gebuert Get(er)mineert en(de) uuytgesproke(n) voir recht dat de/ voirscr(even) henr(ick) pet(er)s niet genoech gedae(n) en heeft mair/ sculdich sal zijn tvoirscr(even) cruys opte richten(e) en(de) te maken(e)/ navolgen(de) der come(n)scap soe dat behoirt oft hue(re)n goeden/ moet d(aer)aff te hebbe(n) In cons(ili)[o] opidi julii xxvi