Op heden sijn gecompar(eer)t bijden raide vand(er) stat pet(er) vande(n)/ dale scrijnmake(r) als oudevad(er) pet(er) de becke(re) oic scrij(n)make(r) en(de)/ jacop inden vossensteert als maghe en(de) vrinde van luycken/ en(de) pet(er)ken gebruede(re)n wettige sone(n) luycx wijlen vanden/ dale van beyde den sijden der stat opdoen(de) hoe de selve/ twee kind(er)kens wa(r)en weeskens vad(er)loos moed(er)loos ende/ ombesorcht Bidden(de) d(er) stat dat sij in besorchenissen d(er) selv(er) den/ selve(n) kind(er)kens wouden stellen mo(m)boirs die toesien ende/ tregime(n)t van hen [en(de)] hue(re)n goedeken(en) dwelc soe sij seyden sober/ was en(de) soe cleyne dat men die kind(er)kens dair op niet/ en soude conne(n) henen gebringe(n) hebbe(n) mochte(n) en(de) dat de ghene/ die die sculdich wa(r)en te houde(n) d(air) toe ond(er)wesen wordde(n)/ en(de) want de stat de selve bede redelijc bevonde(n) heeft/ wesen(de) Soe heeft zij geordineert totte(n) selve(n) regime(n)te/ en(de) mo(m)borien den voirs(creven) pete(re)n de becke(re) va(n) svaders sijden/ mits dien dat de voirs(creven) oudevader een oudt onv(er)moege(n)/ doof man es en(de) met hem janne gyntens inden kendele(re)
//
als d(er) selv(er) kinde(re)n maech vand(er) moed(er) wegen bij alsoe dat/ sij jairlijcx gehoude(n) sullen sijn behoirlijcke rekeni(n)ge te doen(e)/ en(de) de selve kinderkens en(de) hue(re) goede altijt ten meeste(n) p(ro)fijte/ voirt te ke(r)en In (con)silio opidi p(rese)ntib(us) berghe sub(stitu)[to] hove/ burg(imagistr)[is] et plu(r)ib(us) aliis de (con)silio maii ix