It(em) jacop oliviers zone diericx wonen(de) te berthem moldere/ heeft genome(n) en(de) bekint genome(n) te hebben(e) van ja(n)ne crane(n)/ en(de) lijsbette(n) sijnd(er) huysvr(ouwen) de wat(er)malen mette(n) toebehoirte(n)/ gelege(n) te vlierbeke aende(n) wouwe(re) hem toebehoiren(de)/ Te houde(n) te hebben en(de) te gebruycken van loven(e) kermisse/ en(de) omgange naistcomen(de) eene(n) t(er)mijn va(n) sesse ja(r)en ver/ volgen(de) deen nae dande(r) sond(er) middel elcx jairs d(aer)en
//
bynne(n) om ende voe(r) elf mudden en(de) een half rox d(er) mate(n)/ van loven(e) en(de) alsulken goet als de moelen sal wynnen/ te betalen(e) tallen vie(re)ndeel jairs tvierdel d(air)aff quol(ibet) ass(ecutu)[m]/ Met (con)dicien dat de voirs(creven) p(ar)tien sullen moege(n) sceyden va(n)/ malcande(re)n ten halve(n) tijde bij alsoe nochtan dat de/ ghene die alsoe scheyden sal willen dat den ande(re)n/ een half jair te vo(r)en sal moete(n) cundige(n) It(em) es vorweerde/ dat de voirs(creven) molde(r) de voirs(creven) moele(n) sal moete(n) houden/ van allen gaenden wercke en(de) de gehuysschen va(n) allen/ staenden wercke It(em) sal de selve molde(r) voir elken duym/ steens dien hij v(er)slijten sal moege(n) geven en(de) betalen ten/ afsceyden(e) twee croone(n) te xxiiii st(uvers) tstuck iii pl(a)c(ken) p(ro) st(ufero)/ It(em) sal de molde(r) opde voirscr(even) moele(n) tsijne(n) vordele/ stellen eene(n) steen den welken hij slijte(n) sal moege(n) tsijnd(er)/ beliefte(n) en(de) den selve(n) steen tsijne(n) afsceyden(e) te hemweert/ neme(n) oft den voirs(creven) gehuysschen dien laten te wete(n) elken/ duym dair aff voir twee croone(n) gelijc voirscr(even) steet It(em) sal/ de molde(r) noch sculdich sijn te betalen(e) in afslage vande(n)/ pachte voirs(creven) m(ijn) hee(re) den abdt va(n) vlierbeke jairlijcx zijne(n)/ t(er)mijn due(re)nde twee mudden rocx desgelijcx oick in afsla/ ge als vo(r)e eene(n) rinssche gulden(e) erflic m(ar)griete(n) borre/ mans en(de) xiii st(uvers) den stroodecke(re) It(em) m(ijn) hee(re) va(n) vlierbeke/ sal moege(n) visschen eens des jairs acht dage lanck den/ wouwe(r) bove(n) den molen liggen(de) dwelc den molde(re)/ gheene(n) afslach doen en sal en(de) oft lang(er) gebuerde dat/ sullen hem de gehuysschen voldoen nae gelande vande(n)/ tijde It(em) de molde(r) sal moege(n) steygen dwat(er) va(n) sinte/ m(er)tensmisse tot half m(er)te tot sijne(n) p(ro)fijte It(em) oft/ de molde(r) e(n)nige rep(ar)atien dede doen aen staende werck/ dat sulle(n) hem de gehuysschen voldoen en(de) afcorte(n) va(n) sijne(n)/ pachte It(em) oft gebuerde dat den dijck uuyt brake/ va(n) steygen(e) vande(n) wate(re) d(air)aff sulle(n) de gehuyssche(n) moete(n)/ den molde(re) voldoen cor(am) hoeve(n) thenis maii xiiii