Want dierick le begge rintmeeste(r) ons alre gened(ich)sten/ he(re)n des roomscheconi(n)cx ind(er) stat van loven(e) her henr(ick)/ le begge prieste(r) sijn neve en(de) lodewijck va(n) glymes
//
natuerlic inden name van hen selve(n) en(de) inde(n) name vande(n)/ ande(re)n erfgename(n) nacomelinge(n) en(de) actie hebben(de) vanden/ goede(n) gebleve(n) va(n) en(de) nae de doot van lanceloote wijlen/ le begge en(de) va(n) wijle(n) jouffr(ouwen) adde(n) sijnd(er) huysvr(ouwen) welke/ wijlen lanceloot en(de) sijn huysvr(ouwe) met scepen(en) brieve(n) van loven(e)/ ov(er)lang gepasseert gegoedt sijn en(de) gevesticht in tderde deel/ va(n) allen den erfgoeden va(n) wijlen lonijs lavet soe v(er)re die/ gevalle(n) en(de) gebleve(n) [sijn] ja(n)ne wijlen robbijn nae de aflivich(eyt)/ va(n) wijlen jouffr(ouwen) marien gadaff wed(uwe) des voirs(creven) wijlen loenijs/ gelege(n) te piet(er)hain piet(er)meal roux miroir latuyck en(de) d(aer)/ omtri(n)t in woeni(n)gen huyse(n) hove(n) wynnen(de) lande(n) beemden/ eeussele(n) bosschen chijse pachte(n) rinte(n) en(de) allen hue(re)n toebeh(oirten)/ hen met oepen(en) brieve(n) va(n) des(er) stadt gescr(even) aen alle/ officie(re)n tselve derde deel voirs(creven) behoirl(ic) hebben doen leve(re)n/ oft cornelijse reyns des(er) stat bode in hue(re)n name Ende/ oic wa(n)t de selve erfg(enamen) nacomelinge(n) en(de) actie hebben(de)/ mette(n) voirs(creven) [oepen(en)] brieve(n) va(n) des(er) stat dach va(n) rechte hebben/ doen besceyde(n) alh(ier) inde banc voir meye(re) en(de) scepen(en) van/ loven(e) ja(n)ne gadaff va(n) p(er)weiz clase le charl(ie)r va(n) piet(er)meal/ als mo(m)boir va(n) sijnd(er) huysvr(ouwen) den kinde(re)n vand(er) docht(er) jans/ robbijn he(re)n janne rosseal va(n) geldenake als mo(m)boir vande(n)/ selve(n) kinde(re)n ja(n)ne ranchonnet va(n) louvraingne alle als p(ro)p(ri)e/ tar(ise) van hue(re)n gedeelte d(er) voirs(creven) goede gheert mottijn van/ piet(er)meal jan lost van pietrain der docht(er) jans wijlen boseal/ wonen(de) opde(n) torre va(n) pietrain d(er) docht(er) henr(icx) massart en(de)/ hue(re)n man van pietrain d(er) moed(er) van warnie(r) meye(r) van s(in)[te]/ remeysgheest warnie(r) va(n) gest sijne(n) neve gielijse fere/ va(n) hupain eene(n) geheete(n) le bourgouignon en(de) ande(re)n als wynne(n)/ en(de) pechtene(re)n d(er) voirs(creven) p(ro)p(ri)etar(isen) vande(n) voirs(creven) goede(n) oft [va(n)] e(n)nigen/ va(n) dien welke p(er)sone(n) alle de voirs(creven) goede chijsen en(de) rinte(n)/ geheelijc hielde(n) besate(n) en(de) hanteerde(n) niet tege(n)staen(de) den voirs(creven)/ scepen(en) brieve(n) van loven(e) sond(er) den voirs(creven) erfgename(n) ende/ actie hebben(de) vande(n) voirs(creven) wijlen lanceloote en(de) wijlen jouffr(ouwen)/ adden sijnd(er) huysvr(ouwen) te laten volgen tvoirs(creven) derde deel oft d(aer)aff/ betalinge te doen(e) d(er) nae gelande dat de geheele goede/ chijse(n) en(de) rinte(n) weert sijn Tot welken dage tot op hede(n)/ ge(con)tinueert en(de) v(er)streken sij noch p(ro)cur(eur) va(n) hue(re)n wegen ge/ compar(eer)t en sijn de en(de) willem(me) va(n) leefdale als p(ro)cur(eur) des/ voirs(creven) diericx en(de) sijnd(er) (con)sorte(n) (com)pare(re)nde en(de) trecht voirt/ v(er)sueken(de) Soe hebben scepen(en) va(n) loven(e) t(er) manissen/ smeyers nae dat hen bij cleernissen des voirs(creven) boden behoirl(ic)
//
hadde gebleken de voirs(creven) executie geschiet te sijne ond(er) en(de) bijde/ offic(ie)rs va(n) pietrain geldenake(n) en(de) s(in)[te] remeys gheests gewe/ sen met vo(n)nisse dat men den voirs(creven) p(ro)cur(eur) inde(n) name als/ vo(r)e vande(n) voirs(creven) derde(n) deele houde(n) sal inde macht va(n)den/ voirs(creven) scepen(en) brieve(n) va(n) loven(e) alsoe v(er)re alst noch voir scepen(en)/ come(n) es in sca(m)pno dece(m)bris xvi