Allen den ghenen die dese l(ette)ren sullen sien oft hoiren lesen/ doen cont (et)c(etera) dat willem maes geheeten van wijtvliet/ heeft geconstitueert gesedt volcome(n) macht p(ro)cu(r)atie ende/ auc(tori)teyt gegeve(n) janne de hont willem(me) van leefdale/ pauwelse oliviers ende janne van udekem oft den/ eene(n) van hen bring(er) sbriefs Alle en(de) yegewelke sijn saken/ questien en(de) geschillen die hij alsnu uutstaende heeft oft/ naemails hebben sal moegen voir alle gerichten gheeste/ lijc en(de) weerlijck tegen wien dat zij Alle sijn jairguld(en)/ sculden chijsen rinte(n) pachten opcomi(n)gen en(de) v(er)vallen goede/ beruerlijc en(de) omberuerlijck en(de) hoedanich die sijn wair die/ gelegen sijn oft bevonden moegen wordden Te ver/ waren te manen teysschen opte bue(re)n tontfange(n) d(aer)/ voe(r) te panden te dagen te beleyden die met rasta/ mente(n) te doen leggen die met rechte texeque(re)n en(de)/ te v(er)volgen te bedinge(n) te wynne(n) te v(er)liesen alle/ gescriften en(de) libellen ov(er) te geven(e) en(de) te nemen(e) (et)c(etera)/ in meliori forma Promitt(ens) rat(um) salvo iusto cal/ culo cor(am) tybe thenis scabinis januarii xviii