Want daneel fricx als geleyt nae des(er) stadt recht voir sijn/ wettich gebreck uut crachte van scepen(en) brieve(n) van loven(e)/ tot allen den goeden have en(de) erve karels del baire soe wair/ die gelegen sijn hem met brieve(n) van des(er) stadt gescr(even) aende(n)/ meye(r) van chamo(n)t oft sijne(n) stadhoude(r) alle de selve goede/ behoirlijck heeft doen leve(re)n en(de) den selve(n) charlen dach van/ rechte doen besceyden inde banc voir meye(r) en(de) scepen(en) van/ loven(e) oft hij hem d(aer) tege(n) hadde willen oppone(re)n ald(aer) hij noch/ p(ro)cur(eur) van sijnen wegen gecompar(er)t en es den voirs(creven) geleyden/(com)pare(re)nde en(de) trecht voirt v(er)sueken(de) Soe hebben scepen(en)/ van loven(e) t(er) manissen smeyers nae dat hen bij raporte/ tyebouts steenweechs des(er) stadt bode behoirl(ic) hadde gebleken/ de voirs(creven) executie geschiet te sijne gewesen voir een/ vo(n)nisse Soe v(er)re de wed(er)p(ar)tie vande(n) geleyde(n) niet/ en quame ten opstane smeyers en(de) van hen scepen(en) dat/ men den selve(n) geleydden vande(n) voirs(creven) goede(n) houde soude/ inde macht va(n) sijne(n) beleyde en(de) scepen(en) brieve(n) voirs(creven)/ alsoe v(er)re alst noch voir hen comen es In sca(m)pno/ julii xxix