Want yde hanckarts wed(uwe) jans wijlen celen met brieve(n) vand(er)/ stat versocht heeft ja(n)ne hanckart wonen(de) te bercheycke hue(re)n/ brued(er) poirte(r) van loven(e) dat hij hue(r) restitueerde seke(re) p(ar)ceelen/ va(n) hue(re)n haeflijcken goede(n) die hij hue(r) opd(er) voirs(creven) vrijh(eit) recht/ voirghinck tonrechte soe sij te kynne(n) gaff Ende den selven/ ja(n)ne dach van rechte oft hij hem dair tegen hadde willen/ oppone(re)n heeft doen beteeken(en) alh(ier) te compare(re)n tot eene(n) seke(re)n/ voirleden(en) dage van rechte die tot op heden mits dat men/ zed(er) niet gedingt en heeft gecontinueert es tot welcken dage/ de selve jan niet gecompar(eer)t en es mair pauwel oliviers/ als p(ro)cur(eur) d(er) selv(er) yden hem te rechte gep(rese)nteert heeft ende/ v(er)socht in hue(re)n name trenvoy vand(er) saken Soe hebbe(n) de/ scepen(en) va(n) loven(e) des gemaent gewesen met vo(n)nisse ge/ lieft den selve(n) p(ro)cur(eur) de voirs(creven) p(rese)ntacie te doen teeken(en) dat/ hij dat hij dat doen mach en(de) heeft hij voirde(r) gebreck dat/ hij gaen aende(n) borg(er)meest(ere) In sca(m)pno augusti xiiii/ De tenuer vand(er) cedulle(n) mette(n) voirs(creven)/ p(ar)ceele(n) bijde(n) voirs(creven) p(ro)cur(eur) ov(er)gegeve(n)/ It(em) dit es alsulken goet als jan hanckarts yden/ sijnd(er) sust(er) afghenome(n) heeft/ It(em) inden iersten een peert was weert ix pet(er)s/ It(em) xxii scaepe/ It(em) een coeye/ It(em) een screyne(n) dat vol cleyne(n)ten was dat sij liev(er)/ hadde dan xvi r(inssche) g(ulden)/ It(em) twee bedden met hond(er) toebehoirte(n)/ It(em) vi ellen wollen lakens die elle van xii st(uvers)/ It(em) vi pont wollen/ It(em) hoey om iiii gulden vercocht
//
It(em) xvii busselen walmstroes elck bussel tot eene(n) st(uver)/ It(em) die scaer vanden lande dat wed(er)deele ganc iiii r(inssche)/ It(em) eene(n) groote(n) ketel en(de) eene(n) coepe(re)n pot/ It(em) vii pont gesoeyen garens/ It(em) eene(n) waghen een kaers een ploech een(en) hael een/ tanghe een spoel It(em) v hoende(re) It(em) sijne(n) wijf gheleent/ iiii st(uvers)/ It(em) rapen die weert wa(r)en ii r(inssche)/ It(em) een sleyck loepe(n) lijsaet/ It(em) een half loepen raepsaets en(de) noch vele cleyns huysraets