Vanden geschille en(de) questien gebuert tusschen meeste(re)n joese couc/ keroul sone wijlen qui(n)tens t(er) eende(r) en(de) ja(n)ne van thiene(n)/ t(er) and(er) sijden voir borg(er)meeste(re)n scepen(en) en(de) raid d(er) stadt van/ loven(e) Ald(air) de selve meest(er) joes den selve(n) ja(n)ne thijden(de) en(de)/ aenspreken(de) was van eend(er) cedullen geteekent en(de) geg(even)/ tande(re)n tijde(n) ov(er) ix oft x jair oft d(air) omtri(n)t bijden clercke(n)/ en(de) registre d(er) selv(er) stadt den voirs(creven) qui(n)ten(e) sijne(n) vad(er)/ aenden voirs(creven) ja(n)ne va(n) thiene(n) spreken(de) en(de) mentie maken(de)/ van hondert thien [vacat] ass(ijsen) gulden(en) [xvii pl(a)c(ken)] die de stat den
//
den selven qui(n)ten(e) sculdich mocht wesen en(de) alsoe bewesen hadde/ aenden voirs(creven) ja(n)ne mits e(n)nigen sculden van ass(ijsen) oft and(er)ssins/ d(air) inne de selve jan t(er) stadt weert gehouden mocht wesen/ Seggen(de) wa(n)t sijn vad(er) de cedulle acht(er)gelate(n) hadde ende/ die alnoch geheel en(de) ongecancelleert was exhiberen(de) de selve/ ald(air) dat de selve jan sculdich soude sijn hem dair aff betalinge/ te doen(e) en(de) die te v(er)nuegen(e) want hem die int geheele/ bij arnde hanckart sijne(n) swag(er) als van sijnd(er) huysvrouwen/ wegen en(de) oic bij marien couckerouls sijnd(er) sust(er) ov(er)gegeve(n)/ was dair hijs hem toe gedroech Seggen(de) oic dat bevonden/ soude wordden uuten boecke vanden registre dat ja(n)ne/ voirs(creven) de selve cedulle afgerekent was dair hijs hem oic/ toegedroech en(de) totte(n) clercken ald(air) oft dat de selve jan q(ui)tan(cie)/ oft ande(re) behoefte(n) genoech sijnde d(air)aff soude doen blijcken/ d(air) mede die scult oft cedulle te nyeute soude sijn gedaen/ Dair tegen de voirs(creven) jan hem v(er)antweerden(de) seyt dat he(m)/ zee(r) verwonderde vanden voirs(creven) v(er)volge des voirs(creven) meest(er)/ joes aengesien dat hij die cedulle en(de) scult wel en(de)/ loflijck betailt hadde qui(n)ten(e) wijle(n) couckeroul sijne(n) vad(er)/ in sijne(n) leven(e) En(de) dat dat waer was d(air)voe(r) p(rese)nteerde/ hij genoech te doen(e) bij sijnd(er) eedt ten heyligen Seggen(de) dat/ tselve genoech bleeck en(de) te p(re)sume(re)n es uut dien dat/ de selve wijlen qui(n)ten alsoe saen als hij de cedulle/ hadde te weten(e) a(n)no lxxviii p(rim)[a] dece(m)br(is) bynne(n) cortten/ tijde d(air) nae omtri(n)t kersmisse oft lichtmisse doen volgen(de)/ qua(m) aen ja(n)ne voirs(creven) v(er)sueken(de) betalinge en(de) dat jan/ doen seyde siet qui(n)ten ic en bin nu niet gestelt om/ u betalinge van desen te doen(e) mair bidden u dat/ ghij beyden wilt tot omtri(n)t vastelavonde naistcomen(de)/ Ic hebbe vele herincx liggen(de) om te v(er)coopen(e) Ic sal/ u dan betalen en(de) dat qui(n)ten hem zee(r) qualic hadde en(de)/ dede hem corts d(air) nae ontbieden bijden rintmeest(er)s opt/ regist(er) en(de) woude betailt wesen ald(air) de selve qui(n)ten/ ond(er)wesen wert te beyden(e) mett(er) betalinge(n) d(er) voirs(creven) cedulle(n)/ tot vastelavonde doen volgen(de) en(de) alsoe van d(air) ghinge(n)/ hem des gedragen(de) de selve jan totte(n) rintmeest(er)s die doen/ t(er) tijt wa(r)en en(de) den clercken ald(air) welke cedulle en(de)/ scult hij hem te dien dage betailde p(rese)nte(re)nde alnoch/ gelijck bove(n) sijne(n) eedt [d(air) van] ten heylige(n) Seggen(de) oic hoe dat/ qui(n)ten een scarp man was en(de) die vele met ja(n)ne/ uutstaen(de) hadde en(de) jan met hem aengaen(de) div(er)sen/ coma(n)scapen en(de) en soude hem in langhen niet gebeyt/ hebben ov(er) sijne(n) dach bij hem alsoe genome(n) al mocht
//
hij doen soe sympel sijn dat hij de cedulle niet en pijnde ov(er)/ te neme(n) van qui(n)ten(e) mits vergheten(e) en(de) oic want hij qui(n)ten(e)/ wel betrouwen(de) was en(de) met malcande(re)n dagelijcx (con)v(er)seren(de)/ Nyet te myn in alsoe v(er)re de voirs(creven) meest(er) joes en(de) andere/ medeerfgename(n) van sijns vaders wegen dorsten swe(r)en/ ten heylige(n) dat hue(r) ouders van des(er) scult en(de) cedullen/ ombetailt wa(r)en en(de) die niet gehave(n) en hadden ende/ besund(er)t de voirs(creven) qui(n)ten hij wa(r)e te vrede(n) die scult/ noch eens te betalen(e) Seyt oic dat trecht vande(n) regist(er)/ d(er) stat va(n) loven(e) en(de) dond(er)houden ald(air) alsulc niet en/ es dair hijs hem toegedroech dat men de cedullen alsoe/ langhen tijt van ja(r)en ond(er)houden soude te weten(e)/ ix oft x jair Mair men es sculdich alle s cedullen te/ v(er)volgen(e) t(er) stont oft ten mynsten bynne(n) eene(n) vierdel/ jairs oft halve(n) ja(r)e ten lancste(n) oft die wed(er) om te bringen(e)/ opte(n) regist(er) op dat alsulken p(er)sone(n) cedulle(n) hebben(de) tot/ gheend(er) betalinge(n) en conste(n) geraken om trecht d(air)aff ge/ daen te wordden(e) (et)c(etera) Hopen(de) mits den reden(en) voirs(creven) wair/ sijn wed(er)p(ar)tie den eedt niet aen en name soe hij voirgeruert/ hadden en(de) hij sijne(n) gep(rese)nteerde(n) eedt dade dat hij dair/ van ongehoude(n) soude sijn aengesien dat gheen scult en/ was wettelijck voir scepen(en) bekint en(de) meest(er) joes die/ nae dood(er) hant eysschen(de) was D(air)aff hij hem nairde(r) was/ tontsculdige(n) nae alle gelegenth(eit) op dat sij den voirs(creven) eedt bij hem den selve(n) meeste(re)n joese ov(er)gegeve(n) ende/ sijne(n) medeerfgename(n) niet en aenveerde(n) dan sij hem uut/ dien souden conne(n) belasten (et)c(etera) Geven(de) oic te kynne(n) de selve/ jan dat de wed(uwe) des voirs(creven) qui(n)tens en(de) moed(er) des voirs(creven)/ meest(er) joes en(de) sijnd(er) sust(er)s in hue(re)n testame(n)te d(air) hijs hem/ toegedroech den selve(n) quijtscheldinge gedaen hadde egheen/ v(er)maen maken(de) va(n) e(n)nig(er) scult va(n) cedulle(n) oft and(er)ss(ins)/ d(air) inne de selve jan te huerweert hadde moege(n) ge/ houde(n) sijn oft sculd(ich) blive(n) Dwelc sij ontwijflijc soude/ gedaen hebben op dat sij des te bynne(n) hadde geweest/ en(de) de selve cedulle alnoch ombetailt hadde gestaen (et)c(etera)/ Dair op de voirs(creven) meest(er) joes replice(re)nde seyt dat hij/ liet gaen den eedt die hij [jan] p(rese)nteerde te doen(e) houden(de)/ dat hij d(air) toe niet geadmitteert en soude wordden/ En(de) als vanden eede die hij den selve(n) meeste(re)n joese/ en(de) den ande(re)n sijne(n) medeerfgename(n) van sijns vad(er)s
//
wegen ov(er)gaff als dat hij swe(r)en soude dat huer vad(er) d(air)aff/ ombetailt wa(r)e (et)c(etera) Dair op seyde hij en(de) oic de erfgename(n)/ nae dat sij tot eene(n) seke(re)n voirleden(en) dage van rechte tsa/ men bijd(er) stadt compar(eer)den dat sij dat niet en soude(n) dorre(n)/ swe(r)en te weten(e) van hue(re)n oud(er)s ontfange en(de) besund(er)t/ vande(n) voirs(creven) qui(n)ten(e) mair woude(n) de voirs(creven) meest(er)s joes en(de)/ oic sijn susters met hem en(de) aert hanckart als man en(de)/ mo(m)boir vand(er) eend(er) sust(er) te weten(e) van lat amelen d(air)aff ge/ noech doen dat sijs niet gehave(n) en hadden en(de) dat de weduwe/ hue(r) moed(er) tande(re)n tijden ja(n)ne die scult geeyscht hadde in/ hue(re)n leven(e) en(de) dat jan oic seyt doen alsnu dat hij qui(n)ten(e)/ die betailt hadde en(de) alsoe liet sij de cedulle liggen sond(er)/ voird(er) te volgen(e) Ende als vande(n) testame(n)te d(air) jan aff/ ruert dair sijn moed(er) hem quijtsceldinge soude hebben/ gedaen seyde meest(er) joes dat dat was van ander(e) scult/ bebrieft met scepen(en) brieve(n) va(n) loven(e) bij ja(n)ne voirs(creven) en(de)/ sijne(n) medeplege(re)n als van seke(re)n scape(n) tande(re)n tijden tege(n)/ huer gecocht en(de) en ghinc desen niet ane alsoe hij seyde/ tende(re)nde als bove(n) tot sijnd(er) (con)clusien met meer woirde(n)/ luttel and(er)s in rechte dienen(de) dan voirscr(even) staen als/ dat de selve wethoude(re)n hier op infor(ma)tie genome(n)/ hebben(de) soe vande(n) rintmeest(er)s ten tijde sijnde als de voirs(creven)/ handelinge tussche(n) qui(n)ten(e) en(de) ja(n)ne gebuerde die genoech/ de selve handelinge affirmeerde(n) en(de) hielden bat dat/ de selve scult bij ja(n)ne betailt wert ten dage v(er)redent/ dan niet en(de) dat die ja(n)ne afgereke(n)t was bevi(n)den(de)/ oic de selve wethoude(re)n dat men egheen cedullen/ alsoe langhe en pleghe ond(er) te houden(e) and(er)s dan/ voirscr(even) steet en(de) dat trecht vande(n) registe(re) d(er) selv(er) stadt/ alsulck is en(de) in gelijken stucken alsoe ond(er)houde(n) wert/ en(de) oic op allet ghene des hier inne te aensien was/ en(de) besund(er)t aensiende en(de) bevi(n)den(de) oic dat de voirs(creven) meest(er)/ joes noch sijn medeerfgename(n) den voirs(creven) eedt bij ja(n)ne/ hen gep(rese)nteert en(de) te vo(r)en geleet niet aenveerde(n) en woude(n)/ noch en dorste(n) swe(r)en Hebben uut(er)lijck geappointeert/ en(de) uutgesproken den selve(n) p(ar)tien voir recht nae alle/ c(ir)cu(m)sta(n)cien en(de) gelegenth(eit) in alsoe v(er)re jan van thiene(n)/ den eedt dade ind(er) maten hij dien gep(rese)nteert heeft dat/hij dien gep(rese)nteert heeft dat hij d(er) aenspraken en(de) geeyschte/ scult ongehouden sal sijn Welken eedt de voirs(creven)
//
jan de selve t(er)mi(n)acie gegaen sijnde den selven meeste(re)n joese/ p(rese)nteerde te doen(e) op dat hem beliefde dien te willen/ hebben D(air)op meest(er) joes seyt dat hij d(air) op noch letten woude/(et)c(etera) In (con)silio opidi octobr(is) xix

Ex p(rese)nti t(er)mi(n)a(ti)[o(n)e] sc(ri)pta e(st) una cop(ia) et missa p(er) (com)pulsoriu(m) (con)silio brab(antie) i(n)p(ublico)? (et) r(e)forma/ tione(m) r(e)(qui)sita(m) p(er) m(a)g(ist)r(u)m iud(ocum) adhuc una sc(ri)pt(a) e(st) p(ro) joh(ann)e de (con)s(en)su liefk(enrode) sub(stitu)[ti] hoeve(n)/ burg(imagistr)[or(um)] dec(embris) xxii a(nn)[o] lxxxvii