Vand(er) q(ue)stien gecome(n) voe(r) den raide vand(er) stat tussche(n) jouffr(ouwen)/ mag(dale)[ne(n)] va(n) meenssele wed(uwe) henricx wijlen vande(n) ynde t(er) eende(r)/ en(de) pet(er) va(n) daelhe(m) t(er) ande(re) Ald(air) de voirs(creven) wed(uwe) v(er)socht dat/ huer volge(n) soude(n) moege(n) alsulke(n) pe(n)ni(n)ge(n) als ond(er) de wet/ alh(ier) gestelt wa(r)en bij ja(n)ne de briede(re) met zijne(n) medepleg(er)s als/ voir dafquijte(n) va(n) ii croone(n) erflic staen(de) op borge(n) en(de) besund(er)t/ wa(n)t nae den lantrechte die rinte en(de) penni(n)gen voir have/en(de) gehoude(n) en(de) geacht wa(r)en d(air) inne sij nae huers ma(n)s/ doot gericht wa(r)e seggen(de) oic hoe dat de q(ue)stie voir meye(re)/ en(de) scepen(en) gehange(n) hadde en(de) dier gelijcker rinte(n) ob op borgen/ staen(de) aengaen(de) ald(air) soe v(er)re gep(ro)cedeert was dat d(air) litiscon/ testacie was gebuert dwelc de voirs(creven) pet(er) he(m) gepijnt hadde/ te beletten(e) mits seke(re)n inhibitie(n) gefondeert op seke(re) testa(ment)[te(n)] bij/ huer en(de) hue(re)n man gemaict d(air)mede hij sustine(re)n woude dat/ sij in die gelijcke rinte(n) niet gericht en wa(r)e sund(er)linge/ inde hootpe(n)ni(n)gen d(er) selv(er) mair alleene inde p(er)ceptie/ Welck v(er)volch g(ro)telijc gedroech tege(n) des(er) stat recht en(de)/ thue(re)n acht(er)deele p(rese)nte(re)nde nochtan cautie en(de) borchtocht/ te stellen(e) den rechte genoech sijnde in alsoe v(er)re met/ rechte bevonde(n) wordde naemails uuyt crachte vande(n)/ testame(n)te oft and(er)ssins de selve penni(n)gen ov(er) te leve(re)n/ D(air) tege(n) de voirs(creven) pet(er) sustin(eer)de de (contra)rie en(de) seyde dat die ma/ terie alnoch wa(r)e ombeslicht en(de) hangen(de) voe(r) den officiael/ van luydick besund(er)t opde weerde oft onweerde vande(n)/ testame(n)te hopen(de) dat die penni(n)ge d(air)aff dat q(ue)stie wa(r)e/ sculdich soude(n) sijn te blive(n) ond(er) recht tott(er) tijt de selve
//
materie beslicht soude wesen d(er) voirs(creven) jouffr(ouwen) magdalene(n)/ replice(re)nde hoopte men dat dlantrecht mits dien v(er)volge/ niet geschorst en soude blive(n) mair soude des gebruycken/ opde p(rese)ntacie bij huer gedaen huer des gedragen(de) Es geap/ pointeert de voirs(creven) p(ar)tien int lange gehoirt sijnde dat der/ voirs(creven) wed(uwen) volgen sullen de penni(n)ge d(air) q(ue)stie af es opde/ p(rese)ntacie vand(er) borgtocht bij huer gedaen den rechte genoech/ sijnde om die penni(n)ge in gevalle bevonde(n) wordde bijde(n)/ voirs(creven) testame(n)te dat zij d(air) inne niet gericht en wa(r)e/ die wed(er)om te restitue(re)n In (con)silio op(idi) julii vi