It(em) pet(er) de hane die katlijnen thijs oeftmangersse sijnd(er) swegeri(n)ne(n)/ hadde doen ontbieden voir den borg(er)meest(ere) vand(er) stat hem be/ duchten(de) dat sij hem soude willen moeyen en(de) betrecken te rechte/ buyte(n) des(er) stat oft buyte(n) d(er) banc dair hij gesete(n) es dwelc/ sij in meyni(n)gen was van doene soe hij genoech v(er)staen hadde/ soe hij seyde en(de) die hem eysschen(de) was seke(re) have en(de) vliegen(de)/ erve gebleve(n) acht(er) de doot van hue(re)n vad(er) heeft op hede(n)/ voir den borg(er)meest(ere) naebescreve(n) d(er) voirs(creven) katlijne(n) gep(rese)nteert/ tegen huer rechts te plege(n) in des(er) stat het sij voir den raide/ oft voir meye(re) en(de) scepen(en) van loven(e) va(n) allen stucken die sij hem/ soude(n) moege(n) eyssche(n) in e(n)nig(er) wijs ten ynde dat hij gelijck/ vo(r)e niet en wordde gemoeyt noch betrocken cor(am) hoeve(n) burg(imagistr)[o]/ aug(usti) xiii