Allen den ghenen (et)c(etera) dat voir ons come(n) sijn her geldolf knoop/ prieste(r) religieux des goidsh(uys) vanden p(re)dike(re)n te loven(e) en(de) jan/ de man [als man] en(de) mo(m)boir lijsbette(n) knoops zijns wijfs hebben geconstit(ueert)/ en(de) mechtich gemaict henricke va(n) compenrode die getrouwt/ heeft katlijne(n) knoops des voirs(creven) h(er) geldolfs wettige sust(er) om/ jairlijcx inne te vue(re)n en(de) tontfange(n) alle alsulken lijfrinte(n)/ staende op div(er)se live(n) d(air) inne de selve h(er) geldolf ende/ jan de man als mo(m)boir sijns wijfs gericht moege(n) sijn en(de) dair/ inne sij hue(r) heffen hebben den p(er)sone(n) inden brieve(n) geruert ende/ d(air) op de rinte(n) gecocht sijn livich ende leven(de) en(de) voirts alle/ rechtvorderinge d(air) inne te doen(e) des behoeve(n) sal moegen/ Promitt(entes) rat(um) renu(n)c(iantes) dese p(ro)cu(r)atie due(re)nde en(de) macht/ hebbende soe langhe de voirs(creven) katlijne des voirs(creven) henricx huysvr(ouwe)/ leve(n) sal en(de) niet langhe(r) Ende mits des(en) p(ro)cu(r)atien en(de) mechtich(eit)/ voirgeruert heeft gelooft de voirs(creven) henr(ick) va(n) compenrode jairl(ijcx)/ uut te reycken(e) en(de) te betalen(e) sijnd(er) huysvrouwe(n) leefdage lanck/ half te kersmisse en(de) half s(in)[t] jansmisse den voirs(creven) he(re)n geldolve
//
en(de) ja(n)ne de man als mo(m)boir sijns wijfs de so(m)me va(n) xvi croone(n) te/ xxv st(uvers) iii pl(a)c(ken) p(ro) st(ufero) te weten(e) de acht croone(n) d(air)aff den voirs(creven)/ h(er) geldolve en(de) dande(r) acht croone(n) lijsbette(n) knoops jans smans/ huysvr(ouwen) En(de) oft gebuerde dat h(er) geldolf aflivich wordde/ voir lijsbette(n) voirs(creven) soe sal de geheele betalinge vanden xvi/ croone(n) gedaen wordde(n) d(er) selv(er) lijsbette(n) soe lange sij leven/ sal En(de) oft lijsbeth storve voir her geldolve(n) soe sal de selve/ geheele betalinge gedaen h wordden den selven h(er) geldolve/ soe langhe hij leve(n) sal en(de) niet voirde(r) En(de) henrick va(n) (com)penrode/ heeft geconsenteert dat jan de man en(de) lijsbeth va(n) (com)pe sijn huys/ vrouwe voirs(creven) d(air) thuys d(air) sij nu inne woene(n) sullen alnoch/ gebruycken va(n) kersmisse naistcomen(de) ov(er) twee jair sond(er) hen/ e(n)nich letsel d(air)inne te doen(e) en(de) dien tijt geexpireert sijnde/ sal tselve huys volge(n) den ghenen gelijck testame(n)t jans wilen/ knoops en(de) g(er)trude(n) sijnd(er) huysvrouwen dat begrijpt Behalven/ dat de selve jan de man voirs(creven) twee ja(r)en due(re)nde betalen sal/ den chijs en(de) co(m)me(r) d(air) uut gaen(de) en(de) houden tselve huys va(n) rede/ lijcker rep(ar)atien soe dat behoirt nae inhoudt desselfs testame(n)ts/ cor(am) hove vynck augusti xiii