Nae dien dat op heden bijden raide vand(er) stadt sijn gecom/ par(eer)t jan leemans gord vand(er) kernie(re)n wonen(de) opten blauwe(n)putte/ en(de) pet(er) yecke t(er) eende(r) en(de) gord de kersmake(re) t(er) and(er) sijden Aldair/ de voirs(creven) p(er)sonen te kynnen gaven hoe dat sij van goirde voirs(creven)/ seke(re) landen hielden t(er) pechtinge(n) omtri(n)t loven(e) gelegen jairlijcx/ loopen(de) xli mudden ond(er) hen drien d(air)aff sij den selve(n) goirde/ betailt hadde vande(n) geheelen pachte(n) lestwerf v(er)schene(n) en(de)/ oic vanden voirleden(en) ja(r)en alsoe sij hoopte(n) dat de voirs(creven)/ goert oic bekynne(n) soude behalve(n) va(n) xiiii r(inssche) gulden(en) eens/ vanden lesten ja(r)e die sij p(rese)nteerde(n) ond(er) wet te setten(e) behalve(n)/ dat sij met eend(er) betalingen mochte(n) gestaen seggen(de) wa(n)t/ alh(ier) hadde geweest een bode ons gened(ichs) he(re)n met seke(re)n brieve(n)/ van executorien uute(n) raide van braba(n)t verleent d(air)mede/ de selve bode hen wed(er)o(m)me woude doen betale(n) uut crachte/ van seke(re)n gewijsde(n) tusschen den voirs(creven) gorde en(de) sijnd(er) weer/ dynne(n) ald(air) gewesen tgene des sij eens betailt hadden/ en(de) al voir en(de) eer tvoirs(creven) vo(n)nisse gegeve(n) mochte wesen/ dat sij in desen beg(eer)den assisten(cie) vand(er) stadt wa(n)t sij de selve/ goeden hielden met scepen(en) brieve(n) alh(ier) tussche(n) hen en(de) gorde/ gepass(eer)t en(de) oic ingeseten(en) wa(r)en als dat sij met eend(er) beta/ linge(n) gestaen mochte(n) Dair op de voirs(creven) gord seyt dat hij/ genoech kinde dat sij hem volbetailt hadden vanden voir/ leden(en) pachte(n) Behalve(n) de voirs(creven) xiiii r(inssche) gul(den) en(de) soude/ hen des gestaen seggen(de) dat een vreemt voirneme(n) was/ dat sijn huysvr(ouwe) hem aldus met hue(re)n v(er)volge pijnde te/ vermo(m)boire(n) van goede(n) van sijne(n) wegen gecome(n) met/ meer woirde(n) bij hem geallig(eer)t Bege(re)nde oick behulp en(de)/ assisten(cie) Soe heeft den raid vand(er) stadt hier op tsame(n)/ gesproken hebben(de) den voirs(creven) p(ar)tien doen seggen dat sij g(er)ne
//
met brieve(n) van des(er) stadt aenden voirs(creven) cancell(ie)r en(de) raide oft hue(re)n/ gedeput(eer)den die tot bruessele mochte(n) wesen g(er)ne alle be/ hulp doen souden dat sij met eend(er) betalingen gestaen mochte/ die de voirs(creven) goert kinde geschiet te sijne en(de) besundert van/ sgheens des voir tvo(n)nisse betailt mocht wesen alsoe/ hen dat redelijck dochte en(de) de voirs(creven) xiiii r(inssche) gul(den) mochte(n)/ sij ond(er) wet stellen tot behoef vanden ghene(n) die d(air)inne/ gericht soude(n) wesen Op alsoe dat de ghene die die/ trecken sal inne staen soude met eend(er) betalinge(n) te/ gestane In consilio opidi sept(embris) xx