It(em) jan hee(re) van huldenberghe t(er) eende(r) voir hem en(de) jouffr(ouwen)/ katlijne(n) sijnd(er) docht(er) ema(ncipa)[ta] absent sijnde die de selve vad(er)/ hier inne gelooft heeft te v(er)vange(n) t(er) eende(r) en(de) ph(ilip)s van hul/ denberghe sone des voirs(creven) jans en(de) brued(er) der voirs(creven) jouffr(ouwen)/ katlijne(n) ema(nipa)[t(us)] t(er) ande(re) sijn come(n) voir den borg(er)meester/ en(de) scepen(en) van loven(e) hier nae bescr(even) kynnen(de) ende lijdende/ dat zij bij middele toedoene en(de) onderwijse van seke(re)n hue(re)n/ mage(n) en(de) vrinden met malcande(re)n v(er)accordeert en(de) ov(er)come(n)/ sijn der pointe(n) en(de) conditien naebescreve(n) die sij malcande(re)n/ gelooft hebben te ond(er)houden te voldoen(e) te acht(er)volge(n) en(de)/ dair tegen niet te come(n) te doen(e) oft yet te attempte(re)n/ namelijc de voirs(creven) ph(ilip)s opde correctie en(de) punitie vand(er)/ stadt oft hij yet t(er) (contra)rien dade Tot welker punitien ende/ correctien hij hem in dien gevalle geheelijck en(de) all gesubmitteert/ ov(er)gegeve(n) en(de) verlooft heeft en(de) mits desen submitteert ov(er)gheeft/ en(de) verlooft ind(er) best(er) forme(n) Ende inde(n) yersten dat de voirs(creven)/ jan sijn leefdage den voirs(creven) ph(ilips)e sijne(n) sone e(m)mer soe langhe/ de selve ph(ilip)s livich en(de) leven(de) blijft sal late(n) volgen ende/ trecken van nu voirtane des sat(er)daichs alle weken opde/ moelen van loenbeke en(de) aenden molde(re) der selv(er) moelen een/ halst(er) corens voir sijn suste(n)tacie en(de) ond(er)houde(n) Des en sulle(n)/ den selve(n) sijne(n) sone niet meer volge(n) alsulken kue(re)n oft/ brueken alse de selve vad(er) hem heeft laten volgen mair/ sullen die den selve(n) vad(er) voirtane wed(er)om volgen Oick/ sal de selve vad(er) den voirs(creven) tijt due(re)nde des voirs(creven) sijns/ soens natuerlic kint sond(er) desselfs soens last houden Ende
//
t(er) ande(r) sijden dat de voirs(creven) ph(ilip)s sijn sone van nu voirtane/ bynne(n) sijns vad(er)s oft sijnd(er) huerlingen pechtene(re)n wynnen/ officie(re)n oft diene(re)n huysen woeni(n)ge oft bijvange nyet come(n)/ en sal bij daige noch bij nachte voir hem de selve sijn/ vader ald(air) ontbieden sal Ende dat de selve sone den selve(n)/ vad(er) en(de) sijnd(er) docht(er) noch sijne(n) huysgesinne boden noch fa/ milie wynne(n) pachtene(re)n oft ande(re)n voirs(creven) noch ghenen van/ hen gheen dreychelijcke oft afdragen(de) woirde geve(n) en sal/ noch de selve hind(er) letsel noch acht(er)deel doen in woirden/ oft wercken in raide noch in dade in gheend(er) wijs oft/ oick de selve crincken aen lijff noch aen goet Bekynnen(de)/ en(de) ov(er)geven(de) wair hij e(n)nich van dien dade en(de) dair hij/ alsoe met hen alsoe leefde dat sijn vad(er) dair aff ov(er)
//
hem clachtich q(ua)me dat hij gevallen sijn soude inde correctie/ vand(er) stadt ten goetdunken(e) vanden raide d(er) selv(er) en(de)/ dat de selve sijn vad(er) sond(er) voird(er) p(ro)eve d(air) inne tegen/ hem gelueft soude sijn om hem t(er) selv(er) punitien gestelt/ te wordden Mair sal altijt sijn dingen moege(n) vorde(re)n/ en(de) voirtstelle(n) met rechte redelich(eit) en(de) bescheyde cor(am) hoeve(n)/ burg(imagistr)[o] pynnock m(athia) berghe scab(inis) septe(m)br(is) xx