Acht(er)volgen(de) d(er) voirs(creven) submissien es d(er) segge(re)n uutsprake dat dtesta/ me(n)t gemaict yerst bij wijlen arnde vanden vynne en(de) d(air)nae/ bij heylwigen sijne(n) wive van weerde(n) sijn en(de) blive(n) sullen en(de) dat/ de voirs(creven) pet(er) executeur vande(n) leste(n) tselve leste testame(n)t ten bijsijne/ en(de) weten(e) van clase oft yema(n)de anders d(air) toe bijden selve(n) rase/ geco(m)mitteert t(er) executie(n) gestelt sal wordde(n) met v(er)coope van/ allen den i haeflijcken beruerlijcken oft oic gereede(n) goede(n) sond(er) e(n)n ex/ cepte te maken vanden ghene(n) die men van dien houde(n) soude/ moege(n) t(er) natue(re)n vande(n) erve staen(de) betalinge(n) vanden wettige(n)/ sculden uutvaerden kercke(n)rechte(n) en(de) ande(re)n al ten hoochste(n) ende/ meeste(n) p(ro)fijte ende voldoen(e) vanden legate(n) vande(n) testame(n)te al/ nae uutwijsen vanden selve(n) testame(n)te en(de) dat alle de creditue(re)n/ en(de) oic sculde(re)n met openbaire(n) kercgebode(n) geroepe(n) sullen wordden/ om te (com)pare(re)n tot eene(n) genoemde(n) dage hue(r) gebreken en(de) sculde(n)/ wettelijck v(er)cla(r)en ten bijsijne va(n) clause oft sijnd(er) geco(m)mitteerd(er)/ op dat sij vande(n) selve(n) niet v(er)steken en blive(n) en(de) dat de goede/ liede wete(n) moege(n) aen wien te betalen en(de) al voldaen sijnde/ des d(air) dan oeve(re)n sal dat sal den selven clase nae uutwijsen/ vanden testame(n)te volge(n) en(de) dit al beghinne(n) te doen(e) en(de) inne/ steken bynne(n) xiiii nachte(n) naistcomen(de) en(de) voirt (con)tinue(re)n en(de) v(er)volge(n)/ tot dat voldaen sij Behalve(n) dat claes van desen surplus d(er)/ wed(er)p(ar)tien geve(n) sal voir huer recht dat sij soude moege(n) hebben/ inde p(ar)ceele(n) vande(n) voirs(creven) gereede(n) goeden die t(er) natue(re)n vande(n)/ erve mochte(n) sijn staen vi r(inssche) gul(den) eens te lx pl(a)c(ken) tstuck It(em) dat/ de voirs(creven) claes van allen den voirs(creven) goede(n) tot sijne(n) coste hebbe(n)/ sal eene(n) inve(n)tar(is) oft copie d(air)aff It(em) aengaen(de) den erfgoeden/ es hue(r) uutsprake soe v(er)re die gecome(n) sijn vander sijden des/ voirs(creven) [wijlen] arnts dat die volge(n) sullen sijne(n) erfgename(n) en(de) sijnd(er)/ sijden mette(n) vruchte(n) d(air)op wortelvast staen(de) ten tijde alse/ heylwijch aflivich wert En(de) soe v(er)re die gecome(n) sijn vand(er)/ sijden der voirs(creven) heylwigen sijns wijfs dat die volgen sulle(n)
//
den voirs(creven) clase en(de) sijne(n) wive mette(n) vruchte(n) d(air)op wortelvast/ staen(de) als vo(r)e en(de) tgene des tussche(n) de twee gehuyssche(n) v(er)cregen es/ sal tusschen den selve(n) clause t(er) ee en(de) sijne(n) wive t(er) eende(r) en(de) de/ naiste erfg(enamen) svoirs(creven) arnts t(er) ande(re) gedeylt wordden metten vruchte(n)/ die d(air)op wortelvast stonden ter tijt alse de voirs(creven) heylwijge af/ livich wart En(de) allet ghene des eenich vanden p(ar)tien vanden voirs(creven)/ gereede(n) en(de) haeflijcken oft beruerlijken goeden ewech hebben mach dat/ die dat wed(er)bringe(n) sal bynne(n) xv daige(n) naistcomen(de) ond(er) trecht/ van des(en) executien om d(air) mede te gesciede(n) des gelijck vo(r)e be/ hoire(n) sal nae inhoudt vande(n) testame(n)te En(de) dat de voirs(creven) p(ar)tien/ mits desen voirtane goede gevrinde sijn en(de) blive(n) sullen ende/ deen dande(r) bove(n) noch in (con)t(ra)rien van des(en) uutspraken niet vexe(re)n/ noch moleste(re)n en sulle(n) va(n) e(n)nige(n) injurieuse(n) woirden wercke(n)/ noch ande(re)n stucken tussche(n) hen oft e(n)nige(n) van hen om des(en) saken/ wille gebuert tot dese(n) dage toe in e(n)nig(er) manie(re)n En(de) oft/ tussche(n) p(ar)tien in desen e(n)nige(n) twivel duyst(er)nisse oft div(er)s versta(n)/ nisse gebuerde D(air)aff hebben de selve arbiters behoude(n) te huerw(er)t/ hue(r) int(er)p(re)tacie en(de) v(er)cle(re)n in tijden en(de) wijlen als dat sal moege(n)/ gebue(re)n En(de) es dese uutsprake aldus gebuert ten bijsijne en(de) in/ p(rese)ntien d(er) voirs(creven) p(ar)tien die die t(er) stont approbeerde(n) ratificeerden/ en(de) (con)firmeerde(n) en(de) in wed(er)sijden geloofden tacht(er)volgen(e) en(de) te voldoen(e)/ cor(am) vynck hove octobr(is) vi