Vand(er) aenspraken gedaen inde banc voir meye(re) en(de) scepen(en) va(n) loven(e)/ bij servase opden berch den jongen op en(de) tegen ja(n)ne van pulle
//
henricx sone Aldair de voirs(creven) s(er)vaes de jonghe te kynne(n) heeft/ gegeve(n) hoe dat de voirs(creven) jan tande(re)n tijden gecome(n) es geweest/ omtri(n)t den huyse desselfs s(er)vaes geven(de) te kynne(n) dat hij tegen/ hem spreken woude En(de) als de selve s(er)vaes bij hem come(n) es/ geweest buyte(n) den selve(n) huyse niet weten(de) va(n) e(n)nige(n) arghe/ soe heeft jan hem aenveert en(de) doersteken sijne(n) arm tot in sijn/ sijde in gra(m)men en(de) fellen moede en(de) oft hij dat kynne(n) woude/ soe kinde hij de wairheyt Mair oft hij des niet doen en/ woude soe deylde hem de selve s(er)vaes d(air)aff den eedt hopen(de)/ wair hij dien niet en dorste ae(n)veerden en(de) doen En(de) hij sijns/ eedts volq(ua)me tselve alsoe geschiet te sijne dat de selve jan/ hem sculd(ich) soude sijn te doen(e) alsulken bet(er)nisse als men bevi(n)den/ soude dat hij nae recht sculd(ich) soude sijn te doen(e) nae gele/ genth(eit) vand(er) q(ue)tsue(re)n hem gedragen(de) vand(er) gelegenth(eit) d(er) selv(er)/ tot meest(er) pet(er)en vand(er) heyden cyrurgij(n) va(n) des(er) stadt die/ den selve(n) s(er)vase gecureert hadde en(de) d(air)toe af te doen(e) den selve(n)/ cyrurgij(n) met allen coste(n) van rechte die hij om des(en) saken/ geleden hadde en(de) soude moege(n) lijden hem des gedragen(de)/ totte(n) rechte Dair tege(n) de voirs(creven) [jan] heeft geallig(eer)t en(de) doen/ seggen hoe dat die stuck sond(er) niet niet toecome(n) en wa(r)e/ Mair wa(r)e gebuert mits seke(re)n afdragen(de) woirde(n) bijden/ selve(n) s(er)vase gesproken in cleynich(eit) va(n) he(m) en(de) sijne(n) vader/ vrinde(n) die hij om bet(er)s wille ald(air) eensdeels liet te v(er)hale(n)/ wa(n)t zij in dien neme(n) noch geve(n) en soude(n) kynnen(de) genoech/ tvoirs(creven) feyt bij hem uut heeth(eit) en(de) uut saken d(er) selv(er) woirde(n)/ geschiet te sijne p(rese)nte(re)nde d(air) van den selve(n) s(er)vase genoech/ te doen(e) nae den lantrechte soe hij tande(re)n tijden noch gedaen/ hadde soe hij seyde soe v(er)re de cleernisse vand(er) selv(er) quetsue(re)n/ in dien gedaen wordde bijde(n) meest(er) die die gecureert/ hadde dair sijs hen toegedroege(n) Als dat de voirs(creven) s(er)vaes/ dach nam om den selve(n) meest(er) te bringen(e) ten lesten daghe/ van rechte inde voirs(creven) banc dienen(de) d(air)inne de voirs(creven)/ jan sijn (con)se(n)t droech tot welke(n) dage de voirs(creven) meest(er) pet(er)/(com)pare(re)nde inde vierscha(r)e heeft gecleert dat hij den voirs(creven)/ s(er)vase gecureert hadde van eene(n) steke doir den arm gaen(de)/ tot inde sijde gesteken met eend(er) daggen en(de) dat die/ wonde was een wieken(de) wonde dwelc alsoe geschiet/ sijnde heeft de voirs(creven) s(er)vaes gesustin(eer)t als bove(n) besund(er)t/ nae de voirs(creven) cleernisse dat de voirs(creven) jan hem sculdich/ soude sijn t(er) bet(er)nissen va(n) dien te doen(e) eene bedevaert te
//
melane(n) te porre(n) bynne(n) xl daige(n) naistcomen(de) en(de) goede/ wairh(eit) te bringen(e) soe dat behoirt nae des(er) stadt recht/ en(de) oic af te doen(e) de costen vande(n) cyrurgijne en(de) ande(re) coste(n)/ van rechte D(air) tege(n) de voirs(creven) jan dede segge(n) al mocht de/ meest(er) gecleert hebben dat de quetsue(r) was geweest eene/ wieken(de) wonde nochtan en hadde de selve meest(er) niet/ gecleert dat die bij he(m) geschiet was p(rese)nte(re)nde nochta(n) va(n)/ dien te voldoen(e) des hij nae den lantrechte bevonde(n) soude/ sijn gehouden te doen(e) met meer woirde(n) in wed(er)sijden/ geallig(eer)t Es gewese(n) t(er) manissen smeyers dat de voirs(creven)/ jan sculdich soude sijn den voirs(creven) s(er)vase sijn (con)clusie te den/ jonge(n) sijne(n) voirs(creven) eysch en(de) (con)clusie te voldoen(e) in sca(m)pno/ octobr(is) vi