Want gord vande(n) putte als vad(er) en(de) mo(m)boir van lau/ reyse vande(n) putte sijne(n) sone in sijne(n) broode wesende/ geleyt sijnde nae des(er) stadt recht voir sijn wettich ge/ breck uut crachte van scepen(en) brieve(n) van loven(e) tot allen/ den goeden beyde have en(de) erve jans wijlen gheerts en(de)/ arnts gherijs soe wair die gelegen sijn hem met twee/ brieve(n) van des(er) stadt den eene(n) gescr(even) aende(n) meye(re) van/ campenhout oft sijne(n) stadhoude(re) en(de) den ande(re)n aende(n)/ meye(re) van herent oft sijnen stadhoudere te wincsele alle
//
de goede des voirs(creven) wijlen jans gherijs tot wespelair en(de)/ ond(er)half dach(mael) lants te wincxele opt velt geheeten/ ijsputte gelege(n) dwelc jan de beckere wonen(de) te winx/ ele gecocht hadde tege(n) den voirs(creven) arnde gherijs en(de) d(air) inne/ de selve jan nae den voirs(creven) beleyde yerst gegoedt es/ geweest behoirlijck heeft doen leve(re)n en(de) d(er) wed(uwen) des/ voirs(creven) wijlen jans gherijs en(de) ja(n)ne guedens man ende/ mo(m)boir d(er) selv(er) wed(uwen) en(de) oic den voirs(creven) ja(n)ne de becke(re)/ dach va(n) rechte doen besceyden te compare(re)n inde banc/ voir meye(re) en(de) scepen(en) van loven(e) oft sij hen tege(n) de voirs(creven)/ leveri(n)ge hadden willen oppone(re)n tot welken dage sij/ niet gecompar(eer)t en sijn noch nyema(n)t van hue(re)n wegen/ hem als vo(r)e oppone(re)nde den voirs(creven) geleydden (com)pare(re)nde/ en(de) trecht voirt v(er)sueken(de) Soe hebben scepen(en) van loven(e)/ t(er) manissen smeyers nae dat hen bij raporte gielijs/ eveloege des(er) stadt bode behoirl(ijc) hadde gebleken de voirs(creven) executie leveri(n)ge en(de) dachbesceydinge geschiet te sijne/ gewesen voir een vonnisse soe v(er)re de wed(er)p(ar)tie/ vanden geleydden niet en compar(eer)de ten opstane van meye(re)/ en(de) scepen(en) dat men den selve(n) geleydden vanden voirs(creven) goede(n)/ houden soude inde macht va(n) sijne(n) scepen(en) brieve(n) beleyde/ en(de) leveringen alsoe v(er)re alst noch voir scepen(en) come(n) es/ In scampno septembris xv