Nae dien dat op heden comen zijn bijden raide vand(er) stadt/ de geswoirne vanden molders te weten(e) gheert zeels en(de)/ jan de buyse(re) geven(de) te kynnen hoe dat den meesten deel/ vanden goeden ma(n)nen ende geselle(n) vanden ambachte hen/ verobligeert hadde(n) aen zeke(re) p(er)soene(n) ende ter finan(cien) genomen/ die pe(n)ninge die zij der stadt in hue(re)n noot doen moesten/ d(air)aff jan van rillair jan sijn sone henr(ic) crabbe en(de) meer ande(re)/ zwarich(eyt) maecte(n) als dat zij he(n) niet en veroblige(re)n en wouden/ voir scepene(n) alsoe dande(r) gedaen hadden niet wed(er)staen(de) dat/ ov(er)dragen was dat zij alle te gelijcke staen soude(n) bege(re)nde/ alsoe die onderwesen oft bedwongen te hebben om tselve/ te doene dair tege(n) de voirs(creven) p(er)soenen hoepten neen wa(n)t / zij oft den meesten deel hen niet en behielpen mett(er) neeri(n)gen/ vand(en) molders hoe wel zij int ambacht wae(re)n en(de) hen d(air)mede/ beholpen mochten hebbe(n) te voirde(re) oic want e(n)nige van hen/ schutters wae(re)n ende inde gulde dat zij hier van verdragen souden wordden met meer worden in wed(er)zijden gealligeert es geappointeert ende uuytgesproken bijden selven raide dat hen zee(re) verwonderde de voirs(creven) weygeri(n)ge vanden voirs(creven) p(er)soenen/ te voirde(re) want zij dairaf gheenen last hebben en souden/ gemerct alse men verstont dat zij de pe(n)ninge die ter finan(cien)/ gehaelt wae(re)n wed(er)om aende stadt ende borgen oick ter rinten/ gestelt werdde(n) niet te min in alsoe verre zij alsnu huers/ ambachts vand(en) molders wouden afgaen ende dairaf nu oft/ in toecomen(de) tijden prouffijt noch gewin dairaf te hebbene/ noch hue(re) nacomeli(n)gen metten selven behulpen dat in/ dien gevalle zij ende elc van hen des alsoe afgaen(de) vand(en)/ voirs(creven) borchtocht ongehouden zouden zijn ende anders niet/ in consilio opidi februarii iiii[ta]
//

henr(ic) crabbe es/ geheelic voe(r) de weth(ouder)/ vand(er) stadt afgegae(n)/ des voirs(creven) ambachts/ nae inhoudt van des(er)/ t(er)mi(n)acien en(de) ne(m)mer/ meer des te plegen(e)/ noch sijn nacomeli(n)ge(n)/ febr(uarii) x lxxxviii