It(em) aelbrecht tants inden name en(de) van wegen vande(n) groote(n)/heyligengheest van loven(en) t(er) eende(re) en(de) herman van pamele/als meye(r) m(ijns) he(re)n van bout(er)shem t(er) and(er) sijden hebben den dach/van rechte dienen(de) alhier bijden raide vand(er) stadt op heden op/hope van peyse gecontinueert op van heden in xiiii dagen/om bynne(n) middelen tijde te v(er)gade(re)n bijde heyligegheestmeeste(re)n/En(de) aengaen(de) den principalen dair aff den selve(n) heylige(n) gheest/gebreck heeft en(de) de t(er)mi(n)acien van des(er) stadt opgeslagen sijn/te ov(er)come(n) op alsoe dat alsnu v(er)leet sullen wordde(n) ende/betailt bijden meye(r) voirscr(even) de costen van rechte in desen/bijden voirs(creven) rintmeest(er) v(er)leet en(de) oft zij niet en v(er)accordeerden/sal elck sijne(n) dach houde(n) ten selve(n) dage om alsdan te/diene(n) gelijck op heden cor(am) hove burg(imagistr)[o] et aliis de (con)silio/julii xi/