Nae dien dat come(n) sijn bij den borg(er)meest(er) van des(e) stadt/jouffr(ouwe) heylwige vand(er) valporte(n) t(er) eende(re) en(de) pet(er) de becke(re)/t(er) and(er) sijden geven(de) de selve jouffr(ouwe) te kynne(n) hoe dat zij/tegen den voirs(creven) pete(re)n hadde doen coopen bij seke(re) hue(re)/ty(m)merliede(n) eene(n) balck van thien duyme(n) hooge en(de) viii/duyme(n) breet met herde cante(n) onde(r) en(de) bove(n) ten scherpe(n)/suver en(de) gans welke coma(n)scap de voirs(creven) pet(er) niet/geacht(er)volcht en hadde mair hadde huer gelev(er)t eene(n) balck/onreyn en(de) weerachtich den welken sij hoopten navolgen(de)/d(er) coma(n)scap niet te derve(n) aenveerden p(rese)nte(re)nde de voirs(creven)/coma(n)scap te thoene(n) mette(n) voirs(creven) ty(m)merliede(n) dair tegen/de voirs(creven) pet(er) tselve ontkynnen(e) woude d(air) voirs(creven) jouffr(ouwe)/ten yerste(n) geve(n) thuer(er) eedt oft selve houden dat zij met/hem een ande(re) coma(n)scap hadde gedaen dan voirscr(even) steet/en(de) als hij sach dat zij den eedt aengenome(n) soude hebbe(n)/soe p(rese)nteerde hij te thoene(n) dat zij mette(n) voirs(creven) balk/nae d(er) leveringe(n) te vreden hadde geweest mette(n)/selve(n) welck thoenisse aengehoirt sijnde en(de) ond(er) den/ande(re)n bevonden wesen(de) dat de voirs(creven) coma(n)scap/gesciet was bijde voirs(creven) ty(m)merliede(n) van wegen d(er)/voirs(creven) jouffr(ouwe) ind(er) mate(n) voir v(er)haelt en(de) t(er) (con)(tra)rien/niet genoech en bleeck tgene des hem v(er)mete(n) mocht/hebben es geappointeert en(de) uutgesproken dat de/voirs(creven) pet(er) den voirs(creven) balck soude moete(n) leve(re)n navol/gen(de) d(er) coma(n)scap goet en(de) gheve oft d(er) jouffr(ouwe)/moet crijge(n) cor(am) hove burg(imagistr)[o] octobr(is) xi/