Nae dien dat bijden raide vander stadt op heden geweest zijn/ jan stockelpot scrij(n)make(r) t(er) eende(r) en(de) de wed(uwe) willems wijlen/ van dyeve(n) t(er) ander zijden als van eend(er) schue(re)n en(de) huyse die/ de selve jan huer uuyt grev(en) geleent hadde om huer core(n) en(de)/ grein d(air) inne te bringen(e) en(de) te dersschen(e) de welcke schue(re) en(de)/ huyse hij bevant geheelijck verdorve(n) van core(n)worme(n) d(air)/ inne wesen(de) gecome(n) van hue(re)n voirs(creven) coren(en) en(de) greyne
//
p(rese)nte(re)nde tselve te thoene(n) ofts behoefde versueken(de) ruymi(n)ge/ en(de) ov(er)leveringe van zijne(n) huyse(n) en(de) schue(re)n en(de) dat zij met/ he(m) ov(er)come(n) soude vanden schaden die hem uuyt saken van/ dien gebuert is en(de) noch gebue(re)n sall mits den worme(n) voirs(creven)/ d(air)tegen de voirs(creven) wed(uwe) luttel oft nyet seggen(de) heeft hem/ verdrage(n) des thoens seggen(de) bij alsoe hij dat ten heylige(n)/ name zij moeste wel doen des trechte wesen soude es/ geappointeert in alsoe verre jan den eedt dede dat de wed(uwe)/ sculdich sal zijn de schue(re) en(de) huyse te leve(re)n den voirs(creven) stockelpot/ en(de) in alsoe verre hij den eedt doet vand(en) worme(n) en(de) onrenich(eyt)/ in dien dat zij d(air)aff van zijnd(er) schaden geschiet en(de) te geschieden(e)/ zijne(n) goeden moet hebbe(n) sall welken eedt zij he(m) verdrage(n)/ heeft als hij dien ter selver tijdt gep(rese)nteerde te doen(e)/ in (con)s(ili)[o] op(idi) junii qui(n)ta/