Nae dien dat op heden comen sijn bijden raide vander stadt/ anthoenis van wynge t(er) eenre ende de weduwe willems wijle(n)/ van dyeven ter ande(re) zijden de welke de voirs(creven) anth(oenis) aenspreken(de)/ was van scepen(en) brieve(n) ende voe(r) tvoldoen der selv(er) dair voe(r)/ zij ende hue(r) behuwede sone willem de witte hen verobligeert/ hadden als van sesse hond(er)t rinsgulden(en) nae inhoudt der selver/ brieve(n) die de selve anth(oenis) begeerde en(de) met rechte versochte van/ huer voldaen te hebbene met meer wordden bij hen gealligeert/ oft dat zij dair voe(r) gehacht soude bliven tot dat hij van dien/ gecontenteert wae(re) te voirde(re) want in hem gheen gebreck/ en was vanden goeden naebescreve(n) opte dragen in handen/ vanden hee(re) tot behoef der voirs(creven) weduwen en(de) willems de/ witte huers soens voirs(creven) ende ande(re) dair inne gericht wesen(de)/ dair tegen de voirs(creven) weduwe hoepte dat anthoenis niet voldae(n)/ en hadde soe dat behoirde aengaende den goede(n) dair questie/ af es te weten(e) de moelen te wijchmale mette(n) toebehoirten/ ende dat dairaff noch questie uutstaende was voe(r) stadthoude(re)n/ en(de) ma(n)nen van leene van rotselair tusschen den selve anth(oenis)/ ende symoene ende dat zij alsoe qualic hoe wel de goeden in/ shee(re)n hande(n) mochten staen als zij deden totter guedingen d(er)/ selv(er) geraken conste mits der voirs(creven) questien ende gedinge/ alnoch ombeslicht zijnde ende dat bevonden soude worde(n)/ hoe wel anthoenis beg(er)de sesse hondert rinsgulden(en) uut saken
//
vander selver coma(n)scap weder te hebbene vanden coepe bij hem/ tegen symoene van weesbeke gedaen dat nochtan bove(n) de vierhond(er)t/ niet dragen en soude des hij gegeve(n) soude moegen hebben oft hem/ soude(n) moegen comen decline(re)nde alsoe vanden gerichte voir meyere/ ende scepene(n) want scepen(en) brieve(n) aenginc ende oic tande(re)n tijden/ bijden raide geweest hadde(n) desen aengaen(de) ald(air) de wet doen t(er)tijt/ bevi(n)den(de) de donckerheyt vand(en) materien voirs(creven) om die te bat int/ cleer te comen(e) de selve gestelt hadde(n) alsoe sij seyde met vele/ en(de) meer ande(re) reden(en) in wed(er)zijde(n) gealligeert exhibe(re)nde oic/ de voirs(creven) anthoenis een t(er)minacie ter iustificacien van zijnen/ scepen(en) brieve(n) ende materien vand(er) daet m(ar)tii xxviii lestleden/ es geappointeert nae dien de wethoude(re)n bevonde(n) de voirs(creven)/ materie aen te gaene scepene(n) brieven en(de) dair inne noch zeke(re)/ donckerheyden wae(re)n die naerd(er) behoefden gecleert te zijne/ dat zij de voirs(creven) materie ende questie mits oic der occupacien/ en(de) loop vande(n) tijde nu zijnde uuytstelle(n) tot van morgen over/ een maent naistcomen(de) om alsdan partien gehoort ter p(rese)ncien/ vande(n) raide ende scepene(n) die alsnu d(air) oic dair niet en wae(re)n/ geappointeert te wordden(e) alsoe behoiren soude in dese(n) versien/ ende vercleert dat de vroente ende hachtinghe ende oick de/ rechtvorderi(n)ge in desen sall blive(n) geslaect bijden voirs(creven) anth(oenis)/ gedaen totten voirs(creven) tijde in consilio opidi februarii v[ta]
//