Nae dien dat op heden comen zijn bijden raide vand(er) stadt/ gheert gherijs als man ende mo(m)boir zijns wijfs ter eend(er)/ ende jan drabbe als mo(m)boir van zijnder huysvrouwen ter/ ande(r) zijden als van zeke(re)n voirgaen(de) t(er)minacien vand(er) daet/ februarii v lestled(en) bijder stadt get(er)mineert tusschen hen/ bege(re)nde de voirs(creven) gheert die bijden voirs(creven) janne drabbe voldaen te hebben(e) ende bezundert dat alle alsulke haeffelike goede vliegen(de) erve ende ande(re) ind(er) selv(er) t(er)minacien geruert/ als bij zijnd(er) wed(er)partien aenveert souden moegen zijn/ oft in zijnd(er) plicht gecome(n) van wijlen arnde crieckman/ ende katlijne(n) van hulslair zijnen lesten wive dat die ond(er)/ wet oft in zekerd(er) hant dair zijs in wed(er)zijde(n) te vreden/ souden moege(n) zijn gestelt ende gebracht werdden totten/ rechte om alsdan dairaf eens te werden oft met rechte te/ v(er)lijcke(n) alsoe behoiren soude d(air) tegen de voirs(creven) jan drabbe/ seyde dat hij des wel te vrede(n) was op alsoe dat de voirs(creven)/ gheert gherijs ende zijn huysvrouwe hen d(air) inne queten va(n)/ alles gheens des zij va(n) pe(n)ningen en(de) ande(re) goede(n) van voe(r) tot/ acht(er) uut sake(n) vande(n) sterfhuyse ende oick dair te voe(re)n ae(n)veert/ ende ontfange(n) mochten hebben van katlijne(n) vanden mu(n)ste(re)/ hij wae(re) bereet van gelijcke(n) nae rechte te doene zonder/ p(re)iudijs van eensyegelijcx rechte om alsdan gelijck voirs(creven)/ steet in wed(er)zijden te geschien(e) het zij mett(er) mi(n)nen oft/ metten rechte de goede onder wet oft zekerd(er) hant zijnde/ te geschien(e) zoe behoiren soude met meer woirden in wed(er)zijden/ gealligeert es geappoint(er)t dat de voirs(creven) persoene(n) in/ wed(er)zijden alsoe wel deene als dande(re) bringe(n) zulle(n) ond(er)
//
de wet ende totten rechte oft in zekerd(er) hant alle de goede/ dair questie af es ende onder behoirlike(n) inve(n)tar(is) die zij uuyt/ ende inde(n) sterfhuyse aenveert ende gehaelt moegen hebben/ zij oft de huere ende oic die nae arnts criecma(n)s en(de) zijnd(er)/ huysvrouwen doot gebleve(n) moege(n) zijn ende bij hen aenveert/ voe(r) daflivicheyt vande(n) lesten leven(den) vande(n) selve(n) arnde en(de)/ zijne(n) wive om d(air)entinden te geschien(e) des nae recht behoiren/ soude actu(m) in consilio opidi m(ar)tii vi
//