Nae dien dat op heden come(n) sijn bijden raide vand(er) stadt/willem de hane t(er) eende(r) ende jan cruyplant t(er) and(er)/sijden geven(de) de selve willem te kynne(n) dat de voirs(creven)/jan hem hadde doen leve(re)n zeke(re) sijn goede tot kerckem gelege(n)/uut crachte va(n) eend(er) rinte(n) van thien croone(n) erflic die/hij opde selve heffen(de) was En(de) dat voir betalinge va(n)/twee jairrinte(n) lestlede(n) v(er)schene(n) d(air)aff de selve willem /de pe(n)ni(n)ge(n) ond(er) wet alh(ier) gestelt hadde tot behoef va(n) ja(n)ne in/tijts en(de) in uren en(de) ja(n)ne voirs(creven) de conde doen doen bege(re)nde den/selve(n) met r(e)chte ond(er)wesen te hebbe(n) dat hij cesseerde va(n) sijne(n)/voirnemen(e) en(de) rechtvorderinge(n) bij he(m) in desen gedae(n) en(de) dat hij/he(m) q(ui)tan(cie) gave vand(en) selve(n) ii leste(n) jae(re)n va(n) welke(n) pe(n)ni(n)gen/de rintmeest(er)s vand(er) stat zeke(re) d(enier)? gehave(n) hadde(n) als va(n) seke(re)n/sculde(n) d(air) inne de selve jan te henw(er)t inde(n) name vand(er)/stat gehoude(n) mocht wese(n) en(de) tsurplus van dien noch ond(er) de wet stont/hopen(de) ind(er) betaling(en) d(er) selv(er) rinte(n) te gestaen als hij lest w(er)f dede nae uutwijsen(e) va(n)/zeke(re)n t(er)mi(n)acien bij he(m) ald(air) geexhibeert d(air)op de voirs(creven) jan heeft geseedt dat dese/materie aenginc zeke(re)n scepen(en) brieve(n) bege(re)nde d(air)af gere(n)noncert te zijne d(air) dat/behoirde Geven(de) zijnd(er) wed(er)p(ar)tien tot huer(er) bate(n) ald(air) alles gheens des sij soude/moegen allege(re)n en(de) tot huer(er) bate(n) soude mogen dienen soe v(er)re huer in rechte/diene(n) mochte was oic te vreden des bevonde(n) soude moege(n) worden des de stadt/uut sake(n) van zijnd(er) scult getogen hadde dat te laten corten soe v(er)re dat/bevonden wordde hopen(de) dat dat gescien soude voe(r) meye(r) en(de) scepen(en) en(de) dat/hij zijn actie in dien en(de) oick vand(en) surplus en(de) meer dat de selve rinte/soude moegen gedragen dan de gesette pe(n)ni(n)gen nae inhoudt vanden/brieve(n) van sijnd(er) rinte(n) al soud(en) mog(en) volg(en) Es get(er)mineert ende/uutgesproke(n) nae dat de wethouders bevonden dat dese materie/aenginc der valuacien vanden pe(n)ni(n)g(en) ende wes men d(air) voe(r) gheve(n) soude/om die te beslichte(n) want die naemaels gescapen souden sijn bijd(er) wet te/comen(e) ende beslicht van dien om partien tontco(m)me(re)n dat de voirs(creven) willem/gestaen sal betalen(e) alsoe vele van twee voirs(creven) pachte(n) loepend(er) mu(n)ten als/hij t(er) lest(er) betalinge(n) nae uutwijsen va(n) zeke(re)n t(er)mi(n)acien d(air)af gegaen betaelt/heeft en(de) dat he(m) d(air) aen corten sal tgene des de rintmeest(er)s vande(n) gesette(n)/pe(n)ni(n)gen getoge(n) hebbe(n) en(de) tsurplus oft dat meer gedroege dan de gesette(n) d(enarien)/nae uutwijsen(en) d(er) voirs(creven) t(er)mi(n)acien en(de) lest(er) betaling(en) sal deselve wille(m) he(m)/sculdich zijn te betalen(e) en(de) des sal he(m) alsdan jan quictan(cie) moete(n) geve(n) actu(m) in/consilio opidi julii xxix/