Na dien dat op heden comen zijn bijde(n) raide/ vand(er) stadt barthelemeeus van maelcote pet(er)/ de becke(re) en(de) henr(ick) van scaetbroeck met hue(re)n/ ande(re)n medebrued(er)s gesworne(n) vande(n) scrijnmak(er)s/ drayers cuyp(er)s en(de) ande(re)n inde(n) name en(de) van
//
wegen der zelv(er) ambachte(n) geven(de) te ki(n)nen dat/ he(n) niet moegelijck en was ende besundert den/ draxers te leve(re)n de doykiste(n) naden uutroepe/ alhier gedaen te weten(e) twee pe(n)ni(n)gen min dan/ zij hier voirmaels gegoude(n) hadde(n) te weten(e)/ xii stuv(er)s licht gelts die de ingeseten(en) alsnu/ hebben woude(n) voir vier stuv(er)s nu loepe(n)d(er)/ mu(n)ten Te voirde(r) want hen niet mogelijc/ en wae(r) thout noch dbert te dien wesen(de) te/ co(n)nen gecrigen bege(re)nde alsoe hierop provisie/ Es den selve(n) bijd(en) voirs(creven) raide geconsenteert/ ende gewillecoirt dat zij de voirs(creven) kisten/ zulle(n) vercoepe(n) tot vii stuv(er)s toe ende niet/ hoog(er) altijt t(er) moderacien en(de) goetduncken/ vand(er) stadt Ende want de zag(er)s als zij te/ ki(n)nen gave(n) zwaricheit maecte(n) te nemen(e) hue(re)n/ loen als zij hiervoirmaels geploge(n) hebben te doene/ voe(r) den opgaene vande(n) pe(n)ningen dat in alsoe/ verre d(air)inne gebreck bijde(n) zeg(er)s bevonde(n) wordde/ de stadt deselve ond(er)wijsen zal navolgen(de)/ den ordina(n)cien bijde(n) landen d(air)op gemaect/ dat zij wercken zullen voir alsulken loen als/ zij hier voirmaels voe(r) den opganck vande(n)/ gelde ten tijde hertoge(n) ph(ilip)s zalig(er) gedachte(n)/ gedaen hebben Actu(m) in cons(ili)[o] opidi dece(m)br(is)/ ultima