Nae dien dat op hede(n) come(n) zijn bijde(n) raide vand(er) stadt/ dierick bouts en(de) aelbrecht bouts zijn brued(er) als naiste/ vrinde(n) thoenis vand(er) brugge(n) geheete(n) metten ghelde/ ombejaert en(de) willems vand(er) brugge(n) vand(en) yerste(n) bedde/ vand(en) hant wesen(de) oft aflivich alsme(n) v(er)steet kijnde(re)n/ wijle(n) henrix vand(er) bruggen geheete(n) mette(n) gelde/ bege(re)nde dat de stadt enige mo(m)boe(re)n hen toevuechde(n)/ om tregime(n)t ende bewint van hue(r) goede(n) te hebben(e)/ ende d(air)inne te doen(e) ten meeste(n) orbe(r) der selv(er) soe/ behoire(n) soude altijt tot goed(er) rekeni(n)gen en(de) bewijse/ der zelv(er) Es ov(er)drage(n) en(de) in desen v(er)sien en(de) gelast/ den voirs(creven) twee gebrued(er)s de voirs(creven) mo(m)borie te hebben(e)/ en(de) met hen jan van leeuwe en(de) gorijs van dieve(n) als/ maege(n) oick van svad(er)s zijde(n) en(de) met he(n) gorijs vande(r)/ venne cleermake(r) als vande(r) raide vand(er) stadt en(de)/ gezwoirne nu t(er)tijt wesen(de) te voirde(r) want hen egeen/ mo(m)boirs bij hue(re)n vader acht(er)gelate(n) en zijn geweest/ In cons(ili)[o] opidi decembr(is) ix