Item jouffr(ouwe) katlijne ysaex weduwe jans wijle(n)/ van cuykenbosch her aernt van meerbeke en(de)/ h(er) jan van optielt prieste(re)n als momboe(re)n va(n)d(en)/ kinde(re)n desselfs [wilen] jans van cuyke(n)bosch die hij/ hadde vand(er) voirs(creven) jouffr(ouwen) katlijne(n) en(de) jouffr(ouwe)/ katlijne van cuyke(n)bosch docht(er) d(er) voirs(creven) jouffr(ouwen)/ katlijne(n) bij consente van ja(n)ne van bouchout/ hue(re)n man in p(rese)ntia hebben bekint henrick(e)/ de coste(re) sone wijlen henricx die hij hadde/ van jouffr(ouwen) katlijne(n) voirs(creven) vand(en) ierste(n) bedde/ voe(r) he(m) en(de) zijne(n) [erven ende] nacomelinge(n) dat deselve/ henrick zijn paert en(de) portie sal hebbe(n) in/ alsulke(n) huys en(de) hoff houden(de) drie dachmael/ oft d(air)omtrint gelege(n) ind(en) prochie van/ beerthe(m) inde strate geheete(n) steenpoelstrate/ tusschen de goede der weduwen en(de) erfge/ name(n) pet(er)s wijlen van ov(er)dijle op deen zijde/ en(de) de goede henricx de vos op dand(er) zijde/ te weten(e) alle zijn paert en(de) portie voirscr(even)/ in scheens des van wegen meest(er) mathijs/ ysax en(de) jouffr(ouwe) lijsbet sijnd(er) sust(er) den selve(n)/ henr(icke) soude moege(n) come(n) en(de) versterve(n)/ vand(en) voirs(creven) erve den selve(n) meeste(re)n mathijse/ en(de) sijnd(er) suste(re)n voirs(creven) tsame(n) toebehoe(re)nde op/ alsulken voege ende condicie dat de selve/ henrick oft zijn nacomelinge(n) sulle(n) gehoud(en)/ sijn in alsoe v(er)re hij tselve gedeelte/ he(m) in dien compete(re)nde soude willen/ hebben te dragen(e) [sijn part en(de) gedeelte] va(n) den coste(n) co(m)me(re)n en(de) laste(n)/ die de selve zijn moed(er) voirs(creven) alsnu/ d(air)o(m)me gedaen en(de) gelede(n) heeft mits nyeuwer/ r(e)fectien en(de) opmakinge(n) desselfs hoofs niet/ wed(er)staen(de) dat de guedinghe d(air)mede/ de selve jouffr(ouwe) int voirs(creven) hoff gegoidt/ es aprilis xxvii anno xc bynne(n) des(en) [yerste(n)] came(re)n/ spreet dat tselve hoff come(n) soude hue(re)n kinde(re)n/ va(n)d(en) nabedde cor(am) b(er)ghe donct maii vii